«Zang men Tәrtip» iydeologemasyn iske asyru ayasynda elordalyq prokuratura Polisiya departamentimen jәne әkimdikpen birlesip, № 4 qalalyq emhanada esirtki qúmarlyqtyng aldyn alu jәne medisina qyzmetkerleri arasynda enbek zannamasy normalaryn saqtau boyynsha týsindiru júmystaryn jýrgizdi, dep habarlaydy elorda әkimdigining resmy sayty.
Jyl basynan beri elordada esirtkining zansyz ainalymyna baylanysty 288-ge juyq qylmystyq is  qozghalsa, onyng 95-ten astamy esirtki ótkizumen ainalysqan túlghalargha qatysty. Zansyz ainalymnan 42 kilogrammgha juyq esirtki zaty tәrkilendi.
Astana qalasy Polisiya departamenti Esirtki qylmysyna qarsy is-qimyl basqarmasynyng bólim bastyghy Aliya Qibatqyzynyng aituynsha, zansyz әreketterge kóbinese jastar tartylady.
«Sintetikalyq esirtkiler erekshe qauip tóndiredi, sebebi olar adam boyynda lezde fizikalyq tәueldilik tudyrady. Olardy taratu jasyryn jarnamalar men internet-resurstar arqyly belsendi týrde jýzege asyryluda», — dep atap ótti ol.
Mamandardyng mәlimetinshe, ústalghandardyng kóbi ózderining esirtki taratyp jýrgenin tipti sezbegen de. Sonymen qatar, «kurier» bolyp jaldanatyndardyng «mansaby» әdette eki aidan aspaydy.
Qaskóiler tyiym salynghan zattardy taratu ýshin týrli әdisterdi qoldanady: graffitiy-jazular qaldyrady, QR-kodtary bar bilbordtar ornatady, paraqshalar taratady, shtamptardy paydalanady jәne internet-sayttar qúrady. Jyl basynan beri esirtki zattaryn jarnamalaytyn 488-den astam internet-resurs anyqtaldy.
Polisiya esirtki qylmystary auyr jәne asa auyr sanatqa jatatynyn eskertti. Ol ýshin qylmystyq jauapkershilik 14 jastan bastalady.
Qazaqstan Respublikasy Qylmystyq kodeksining 297-babyna sәikes, esirtki qúraldaryn, psihotroptyq zattardy jәne olardyng analogtaryn ótkizu maqsatynda zansyz iyemdenu, saqtau, tasymaldau, jóneltu nemese ótkizu mýlki tәrkilenip, bes jyldan segiz jylgha deyingi merzimge bas bostandyghynan aiyrumen jazalanady.
Tәrtip saqshylary eger qala túrghyndaryna psihoaktivti zattardy saqtau nemese ótkizu derekteri, sonday-aq osy qúqyq búzushylyqtargha qatysy bar adamdar turaly aqparat belgili bolsa, Astana qalasy PD Esirtki qylmysyna qarsy is-qimyl basqarmasynyng anonimdi senim telefondaryna habarlaugha bolatynyn eske saldy.
Qonyraular tәulik boyy kelesi nómirler boyynsha qabyldanady: 71-63-93 jәne 102.
Sonymen qatar, spiykerler medisina qyzmetkerlerining kýn sayyn joghary qauip jaghdayynda júmys isteytinin atap ótti. Búghan mas kýidegi nemese esirtkige elitken pasiyentterge baru, sonday-aq basqa da qauipti jaghdaylar jatady.
Medisina qyzmetkerlerining qauipsizdigin arttyru maqsatynda jedel medisinalyq jәrdem qyzmeti dengeyinde zamanauy baqylau jәne qorghau sharalary engizilude. Atap aitqanda, barlyq brigadalarda audiomonitoring engizildi. Búl jýie qaqtyghystardy azaytugha, sóilesu mәdeniyetin jaqsartugha, dәleldemelik bazany qamtamasyz etuge jәne medisina qyzmetkerlerining qúqyqtyq qorghaluyn kýsheytuge mýmkindik beredi.
Esterinizge sala keteyik, Qazaqstan Respublikasynyng Qylmystyq kodeksine medisina qyzmetkerleri men jedel jәrdem jýrgizushilerine qyzmettik mindetterin atqaru kezinde qoqan-loqqy kórsetkeni jәne kýsh qoldanghany ýshin jauapkershilikti belgileytin jana 380-3-bap engizilgen bolatyn.

Abai.kz