Memleket basshysy Qasym-Jomart Toqaev pen Chehiya Premier-ministri Andrey Babish shaghyn qúramda kelissóz jýrgizdi. Búl turaly Aqordanyng baspasóz qyzmeti habarlady. 

Qasym-Jomart Toqaev Andrey Babishke iltipat bildirip, Qazaqstan júrtshylyghy ony Cheh Respublikasynda ghana emes, Europagha belgili sayasy qayratker retinde jaqsy biletinin jetkizdi.

— Eki el arasynda búrynnan tyghyz әri dostyq qarym-qatynas ornaghan. Sauda-sattyq tabysty damyp keledi. Qos halyqtyng bir birine qúrmeti zor. Iri halyqaralyq qúrylymdar shenberinde birlese әreket etip kelemiz. Búl — óte manyzdy. Elshilikterimiz belsendi júmys istep túr. Orayly sәtti paydalana otyryp, Ózinizben birge cheh kәsipkerlerinen qúralghan ýlken delegasiya alyp kelgeniniz ýshin alghys aitamyn. Keshe Astanada biznes-forum ótti. Onyng nәtiyjesi elderimizge paydaly bolady dep oilaymyn. Óz tarapymnan san qyrly yntymaqtastyghymyzdy odan әri damytugha bar kýshimdi salamyn, — dedi Preziydent.

Andrey Babish qonaqjaylyq tanytqany ýshin Qasym-Jomart Toqaevqa rizashylyghyn bildirip, elimizding týrli salada jetken jetistikterine joghary bagha berdi.

— Qazaqstan — Ortalyq Aziyadaghy asa manyzdy memleket. Sondyqtan osynau ghajap elge saparmen kelu — men ýshin zor mәrtebe. Jaqynda jana Konstitusiya qabyldadynyzdar. Qútty bolsyn! Sizderding búl baghyttaghy tәjiriybeleriniz bizge de paydaly bolady dep esepteymin. Qazaqstangha kelu kópten bergi armanym edi. Óitkeni men uniyversiytetti ayaqtaghannan keyin, yaghni, 1978 jyly Shymkent jәne Jambyl (Taraz) qalalarymen ózara baylanys ornatqan departamentte júmys istedim. Qazaqstan — energetika salasynda asa ýlken orny bar el, әlemdegi uran óndiretin iri memleketterding qataryna kiredi. Býginde atom elektr stansiyalarynyng manyzy arta týsti. Sol sebepti osy salada kelisimge kelgenimizge quanyshtymyn. Qazaqstannyng jasandy intellekt baghytyndaghy jetistikteri tanqalarlyq. Eki elge ortaq dýnie kóp. Chehiya men Qazaqstan ýkimetteri ózara yntymaqtastyqty odan әri ilgeriletu ýshin ayanbay enbek etedi dep oilaymyn, — dedi ol.

Abai.kz