Qazaqstan halqynyng birligi kýni — elimizdegi eng manyzdy әri mazmúndy merekelerding biri. Jyl sayyn 1 mamyrda atalyp ótetin búl kýn eldegi tatulyq pen túraqtylyqtyn, dostyq pen ózara syilastyqtyng simvolyna ainalghan. Kópúltty Qazaqstan ýshin búl merekening orny erekshe. Óitkeni býginde elimizde kóptegen etnos ókilderi bir shanyraq astynda tatu-tәtti ómir sýrip keledi. Osynday birlik pen kelisimdi dәripteytin mereke qarsanynda qala túrghyndary men qonaqtaryna arnalghan erekshe mәdeny shara úiymdastyryldy.

Suret: Astana qalasy әkimdiginen alyndy.

1 mamyr kýni Jetisu parki aumaghynda Qazaqstan halqynyng birligi kýnine arnalghan auqymdy merekelik konserttik baghdarlama ótedi. Merekelik is-shara 3 saghatqa jalghasty. Úiymdastyrushylar búl kýni sayabaq aumaghy әn men kýige, by men shattyqqa tolatynyn aitty.
Merekelik baghdarlama ayasynda kórermenderge әrtýrli mәdeny baghyttaghy óner kórsetilimderi úsynyldy. Atap aitqanda, vokaldyq nómirler, últtyq jәne etnostyq biyler, sahnalyq qoyylymdar, djigitovka elementteri men shygharmashylyq kompozisiyalar kópshilik nazaryna úsynylmaq. Konsertting negizgi maqsaty Qazaqstandaghy mәdeny әraluandylyqty kórsetu, halyqtar arasyndaghy dostyq pen ózara qúrmetti nyghaytu.
Sahnada talantty ónerpazdar әn shyrqap, kórermenderge kóterinki kónil kýy syilady. Sonymen qatar, «Altyn Úrpaq» by ansambli men «HAZAR» shygharmashylyq újymy arnayy konserttik baghdarlamalaryn úsyndy. By keshinde Kavkaz halyqtarynyng últtyq biyleri, gavay bii jәne zamanauy horeografiyalyq qoyylymdar oryndaldy. Lirikalyq әnder men әserli muzykalyq kompozisiyalar merekelik keshting mazmúnyn bayyta týsti. Úiymdastyrushylar konsert sonynda erekshe finaldyq nómir әzirlengenin atap ótti.
Is-shara barysynda balalar men eresekterge arnalghan týrli oiyndar men bayqaular úiymdastyryldy. Qonaqtar belsendi demalysqa qatysyp, merekelik atmosferany sezindi. Múnday mәdeny baghdarlamalar adamdar arasyndaghy qarym-qatynasty jaqsartyp qana qoymay, qoghamdaghy yntymaq pen týsinistikti nyghaytugha da yqpal etedi.
Qazaqstan halqynyng birligi kýni — beybit ómirding qadirin úghyndyratyn erekshe mereke. Búl kýn eldegi túraqtylyq pen qoghamdyq kelisimning manyzyn eske salady. Qazaqstan әlemge etnosaralyq tatulyqtyng ýlgisin kórsetip kele jatqan memleketterding biri retinde tanylyp otyr. Týrli mәdeniyetter men dәstýrlerding bir qoghamda ýilesimdi ómir sýrui elimizding basty jetistikterining biri.

Suret: Astana qalasy әkimdiginen alyndy.

Býginde birlik úghymy tek úran ghana emes, memleket damuynyng negizgi tiregine ainaldy. Halyqtyng auyzbirshiligi men ózara qoldauy elding órkendeuine jol ashady. Sondyqtan Birlik kýnine arnalghan merekelik is-sharalar jastardy dostyqqa, syilastyqqa jәne otansýigishtikke tәrbiyeleude manyzdy ról atqarady.
Úiymdastyrushylar barlyq qala túrghyndary men qonaqtaryn Jetisu parkinde ótken merekelik konsertke ýnemi qatysyp otyruyn aitty. Birlik pen dostyqty dәripteytin erekshe kesh kópshilikke kóterinki kónil kýy syilap, merekelik әser qaldyrghany anyq.
Ayta keteyik，memleket basshysy Qasym-Jomart Toqaev býgin qazaqstandyqtardy Qazaqstan halqynyng birligi kýnimen qúttyqtady. Ol Qazaqstan týrli etnos ókilderin biriktirip, bir ýlken otbasygha ainalghanyn atap ótti.
«Búl bizding bagha jetpes baylyghymyz. Beybitshilik, janashyrlyq, ózara kómek dәstýrleri birtútas halqymyzdyng últtyq bolmysynyng ajyramas bóligi bolyp qala berui manyzdy. Biz әrtýrlimiz, biraq birgemiz. «Áraluandyqtaghy birlik» formulasy memlekettik sayasattyng mәnin de, qazaqstandyqtardyng kýndelikti ómirin de dәl sipattaydy. Sondyqtan jana Konstitusiyanyng preambulasynda birlik, yntymaq, últaralyq jәne konfessiyaaralyq kelisim qaghidattary naqty aiqyndalghan».
Qazaqstan halqynyng birligi kýni — Qazaqstan halqy ýshin manyzy zor merekelerding biri. Jyl sayyn 1 mamyr kýni elimizding barlyq ónirinde keng kólemde atalyp ótetin búl meyramnyng basty maqsaty — týrli etnos pen din ókilderi arasyndaghy ózara qúrmetti arttyryp, tatulyqty, yntymaqty jәne ortaq qúndylyqtardy dәripteu.
Qazaq halqy ejelden birlik pen berekeni elding basty baylyghy sanaghan. «Birlik bar jerde tirlik bar» degen naqyl da sonyng aighaghy. Sondyqtan yntymaq pen tatulyqty tu etken memleket ýshin búl kýnning orny erekshe. Búl mereke halyqtyng auyzbirshiligin nyghaytyp, qoghamdaghy beybitshilik pen kelisimdi odan әri kýsheytuge baghyttalghan.
Jyl sayyn Qazaqstanda ómir sýrip jatqan 130-dan astam etnos ókilderi Birlik kýnin ortaq shanyraq astyndaghy dostyqtyng belgisi retinde atap ótedi. Týrli mәdeny ortalyqtar últtyq dәstýrlerin tanystyryp, әn men by arqyly óz ónerlerin pash etedi. Sonymen qatar, elimizding kóptegen aimaqtarynda patriottyq sheruler, konsertter, sporttyq jarystar jәne mәdeny festivalider úiymdastyrylady.
Býginde «Dostyq ýii» ayasynda júmys isteytin últtyq-mәdeny ortalyqtar halyqtar arasyndaghy ózara týsinistik pen syilastyqty damytugha ýles qosyp keledi. Merekelik sharalarda әr últtyng salt-dәstýri men mәdeny erekshelikteri kórsetilip, kópshilikke ruhany әser syilaydy.
1 mamyr — tәuelsiz Qazaqstandaghy qoghamdyq kelisimning simvolyna ainalghan mereke. 1995 jyldyng nauryz aiynda qúrylghan Qazaqstan halqy Assambleyasy elimizdegi últaralyq tatulyqty nyghaytuda manyzdy ról atqaryp keledi. Búl qúrylym әlemde siyrek kezdesetin qoghamdyq instituttardyng biri sanalady.
Assambleya qúramyndaghy jýzdegen últtyq-mәdeny birlestikter men ónirlik úiymdar Qazaqstandaghy etnostardyng basyn biriktirip, eldegi túraqtylyq pen dostyqty saqtaugha qyzmet etip keledi. Býginde әrbir etnos óz mәdeniyetin, tilin jәne dәstýrin damytugha mýmkindik alghan. Búl — Qazaqstandaghy beybitshilik pen qoghamdyq kelisim sayasatynyng nәtiyjesi.

Abai.kz