Halyqaralyq qylmystyq sot Izraili sheneunikterin tútqyndaugha qúpiya order súratqan.

Halyqaralyq qylmystyq sot (HQS) Izrailiding birneshe joghary lauazymdy sheneunigin tútqyndaugha qúpiya order súratqan boluy mýmkin, dep habarlady Haaretz diplomatiyalyq derekkózge silteme jasap.

Basylym mәlimetinshe, sóz eki sayasatker men eki әskery sheneunik turaly bolyp otyr. Búghan deyin BAQ HQS prokuraturasy Izrailiding qarjy ministri Besalel Smotrich pen últtyq qauipsizdik ministri Itamar Ben Gvirge qatysty is qozghau mýmkindigin qarastyryp jatqanyn jazghan.

Orderler naqty qashan berilgeni jәne kimderge qatysty ekeni resmy jariyalanghan joq.

2024 jyldyng ayaghynda HQS Izraili premieri Biniyamin Netaniyahu men eks-qorghanys ministri Yoav Gallantqa qatysty tútqyndau orderin shygharghan edi.

Sot olar Gazadaghy operasiya kezinde adamzatqa qarsy jәne soghys qylmystaryna qatysy boluy mýmkin degen kýdikke ilingenin aitqan. Izraili ýkimeti HQS-tyng ol sheshimin ýzildi-kesildi qabyldamaytynyn mәlimdegen.

Abai.kz