Kipr araly geografiyalyq túrghydan Europa, Tayau Shyghys jәne Soltýstik Afrika arasyndaghy manyzdy torapta ornalasqan keremet jerding biri. Tarihy da tym terende. Ejelden aralda mys iygerilgen degen derekter bar. Tipti Kipr degen sózding ózi sol «cuprum» (mys) degen sózden shyqqan degen da boljamdar aitylady.

Tabighaty әsem. Ádemi. Aua rayy qolayly. Jyly. Turister ýshin tartymdy aimaq sanalady. Sol әdemi tabighatta anyz boyynsha súlulyq qúdayy Afrodita ómirge kelgen-mys.

Kishkentay aral 1974 jyldan beri grek-kipr jәne týrik-kipr bolyp ekige bólinip jatyr. Eng qyzyghy, bir qalany qos tarap ta astana dep sanaydy. Grek-kipr bóligi Nikosiya qalasy dep atasa, Týrik-kipr bóligi Lefkosha dep ataydy. Biraq bir qala ghoy. Sony bólip alghan. BÚÚ-nyng baqylaushylary bar. Solar baqylap túr. Qalanyng arasynda ótetin arnayy oryndar bar. Jalpy Europadaghy osynday erekshe jýiedegi jalghyz qala búl. Jalpy әlemdegi ekige jarylghan jalghyz astana siyaqty.

Grek-kipr bóligin әlem moyyndap, týrik-kipr bóligin tek Týrkiya moyyndaghan. Býgin bizge sol moyyndalghan Kipr Respublikasynyng preziydenti keldi. Astanagha apta sayyn bir elding basshysy, bir úiymnyng tóraghasy kelip jatady ghoy. Sәrsenbining sәtti kýni Kiprden preziydent Nikos Hristodulidisting úshaghy kelip qondy.

Kipr – aumaghy shaghyn bolghanymen, Europadaghy yqpaldy memleketterding biri. Qazirgi tanda búl el Europa Odaghy kenesine tóraghalyq etip otyr. Sondyqtan Nikos Hristodulidisting Qazaqstangha sapary ekijaqty qatynastarmen qatar, Qazaqstan men Europa Odaghy arasyndaghy baylanystardy damytu túrghysynan da manyzdy. Yaghni, bir saparda memleketaralyq qatynastardy da, EO men Qazaqstan arasyndaghy baylanystardy da talqylau mýmkindigi tudy.

Preziydent Kiprdi elimizding senimdi seriktesi retinde atap ótip, san qyrly yntymaqtastyqty odan әri nyghaytugha mýddeli ekenin jetkizdi. Jalpy, eki el arasyndaghy qarym-qatynas songhy jyldary túraqty damyp keledi. Astana men Nikosiyada elshilikterding ashyluy, Larnaka men Astana arasyndaghy tikeley әue qatynasynyng iske qosyluy jaymen damyp kele jatqan seriktestikting kórinisi bolsa kerek.

Ázirge sauda ainalymy asa ýlken bolmasa da, taraptar búl baylanysty naqty ekonomikalyq nәtiyjege ainaldyrudy kózdep otyr. Birqatar kiprlik kompaniyalar Qazaqstanda investisiyalyq jobalardy jýzege asyrugha qyzyghushylyq tanytyp otyr eken. Osynday investorlargha Qazaqstan tarapy qolayly jaghday jasap, qajetti memlekettik qoldau kórsetiletinin aitty.

Kezdesu barysynda sauda, investisiya, kólik-logistika, sifrlyq kommunikasiya, jasandy intellekt jәne qarjy salalaryndaghy yntymaqtastyq mәseleleri talqylandy. Sonymen qatar preziydent ekonomikalyq yntymaqtastyqtyng 2028 jylgha deyingi jol kartasyn әzirleudi, ýkimetaralyq komissiya men iskerlik kenes qúrudy úsynghan.

Kipr Qazaqstannan alys jatsa da, EO-da dauys beru qúqyghy bar, veto qoi mýmkindigi bar, sayasy salmaqqa ie memleket. Kiprmen baylanysty nyghaytu Qazaqstannyng Europamen ekonomikalyq, investisiyalyq jәne tehnologiyalyq yqpaldastyghyn keneytuge baghyttalghan qadamnyng biri deuge bolady.

Ashat Qasenghaliy

Abai.kz