Parlament Mәjilisinde ótken stalking pen qyz alyp qashugha qarsy is-qimyl mәselelerine arnalghan dóngelek ýstel barysynda órbigen pikirtalasqa qatysty óz pikirimdi bildirgim keledi.

Ótken jyldyng kýzinde qyz alyp qashu әreketi ýshin qylmystyq jauaptylyqty kózdeytin zang kýshine endi.

Biz búl mәseleni 2023 jyldan bastap kóterip kelemiz, sonday-aq saraptamalyq jәne týsindiru júmystaryn jýieli týrde jýrgizdik.

Eng aldymen, aiqyn jaytty atap ótken jón: adam úrlaudyng kez kelgen týri zang talaptaryn óreskel búzu bolyp tabylady.

Búl qúqyqqa qayshy әreket mәdeniyetke, últtyq dәstýrlerge, otbasylyq nemese kez kelgen ózge de ómirlik mәn-jaylargha silteme jasau arqyly eshqanday erekshelik retinde tanylmaydy jәne aqtaugha jatpaydy.

Qazaqstan Respublikasy Qylmystyq kodeksining 125-babyna sәikes adam úrlau qylmysy 15 jylgha deyin bas bostandyghynan aiyru týrindegi qatang jazagha әkep soghady. Búl qylmystyng qazaq halqynyng dәstýrlerine de, әdet-ghúryp qúqyghyna da eshqanday qatysy joq.

Neke úghymy Qazaqstan Respublikasynyng Konstitusiyasynda «memleket belgilegen tәrtippen tirkelgen er men әielding erikti jәne teng qúqyqty odaghy» retinde bekitilgen. Búl normanyng ózge týrde týsindiriluine jol berilmeydi.

Eger eki kәmeletke tolghan azamat otbasy qúru turaly sheshim qabyldap, ata-anasynyng ýiinen bólek shyqsa, zang olargha birlesken ómir sýru qúqyghyn jýzege asyrudyng zandy jolyn uәkiletti organda qatynastaryn tirkeu arqyly úsynady.

Qazaqstan Respublikasynyng azamattaryn Konstitusiya men ózge de zandardyng talaptaryn qatang saqtaugha shaqyramyn.

Qazaqstan Respublikasyndaghy Adam qúqyqtary jónindegi uәkil
Artur Lastaev.

Abai.kz