Qarashyghanaq ken ornynda múnay óndirisi shamamen ýshten birge qysqardy, biraq búl el ishindegi gaz jetkizilimine әser etken joq. Múnday mәlimdemeni parlament kuluarynda Energetika ministri Erlan Aqkenjenov jasady.

Onyng aituynsha, Qarashyghanaqta gaz óndiru 34 myng tonnadan 25 myng tonnagha deyin tómendegen.

«Biz Qarashyghanaq ken ornyndaghy óndiristi 34 myng tonnadan 25 myng tonnagha deyin qysqartugha mәjbýr boldyq. Qysqartu toghyz myng tonnany qúrady. Áriyne, qazir bizde gaz qabyldau azaydy. Biraq býkil Qazaqstandy gazben qamtamasyz etu jýiesi búzylghan joq. Býgingi tanda gaz jetkizu boyynsha barlyq mindettemelerimiz tolyq kólemde oryndalyp jatyr», — dedi sheneunik.

Ol eldegi iri ken oryndarynyng birinde óndiristing tómendegenine qaramastan, tútynushylar ýshin gaz tapshylyghy joq ekenin, al jetkizilim shtattyq rejimde jýrip jatqanyn qosyp ótti.

Sonymen qatar, Atyrau múnay óndeu zauytynda josparly jóndeu júmystary bastaldy: júmystar shilde aiyna deyin jalghasady jәne ondaghan qondyrghyny qamtidy. Jóndeu kezinde mamandar reaktorlardy, syiymdylyqtardy, kolonnalar men jylytu almasu jabdyqtaryn tekseredi, qúbyrlardyng bir bóligin jәne 335 tonnadan astam katalizatordy auystyrady, sonday-aq qondyrghylardyng birinde benziyn, diyzeli jәne aviaotyn óndirisin arttyru ýshin jabdyqtardy janghyrtady.
Zauyt ókilderi jóndeu júmystary ishki naryqtaghy jaghdaygha әser etpeytinin, al múnay ónimderin jóneltu aldyn ala jasaqtalghan qorlar esebinen jalghasatynyn mәlimdedi.

Jogharyda biz Orynbor gaz óndeu zauytyna jasalghan shabuyl turaly habarlamalardan keyin sarapshylar men beyindi arnalar Qarashyghanaqtyng Orynbor GÓZ-ine tәueldiligi turaly aita bastaghanyn jazghan bolatynbyz.
Energetika ministrligi múnday boljamdardy teriske shyghardy.

Abai.kz