قاراشىعاناق كەن ورنىندا مۇناي ءوندىرىسى شامامەن ۇشتەن بىرگە قىسقاردى، بىراق بۇل ەل ىشىندەگى گاز جەتكىزىلىمىنە اسەر ەتكەن جوق. مۇنداي مالىمدەمەنى پارلامەنت كۋلۋارىندا ەنەرگەتيكا ءمينيسترى ەرلان اقكەنجەنوۆ جاسادى.

ونىڭ ايتۋىنشا، قاراشىعاناقتا گاز ءوندىرۋ 34 مىڭ توننادان 25 مىڭ تونناعا دەيىن تومەندەگەن.

«ءبىز قاراشىعاناق كەن ورنىنداعى ءوندىرىستى 34 مىڭ توننادان 25 مىڭ تونناعا دەيىن قىسقارتۋعا ءماجبۇر بولدىق. قىسقارتۋ توعىز مىڭ توننانى قۇرادى. ارينە، قازىر بىزدە گاز قابىلداۋ ازايدى. بىراق بۇكىل قازاقستاندى گازبەن قامتاماسىز ەتۋ جۇيەسى بۇزىلعان جوق. بۇگىنگى تاڭدا گاز جەتكىزۋ بويىنشا بارلىق مىندەتتەمەلەرىمىز تولىق كولەمدە ورىندالىپ جاتىر»، — دەدى شەنەۋنىك.

ول ەلدەگى ءىرى كەن ورىندارىنىڭ بىرىندە ءوندىرىستىڭ تومەندەگەنىنە قاراماستان، تۇتىنۋشىلار ءۇشىن گاز تاپشىلىعى جوق ەكەنىن، ال جەتكىزىلىم شتاتتىق رەجيمدە ءجۇرىپ جاتقانىن قوسىپ ءوتتى.

سونىمەن قاتار، اتىراۋ مۇناي وڭدەۋ زاۋىتىندا جوسپارلى جوندەۋ جۇمىستارى باستالدى: جۇمىستار شىلدە ايىنا دەيىن جالعاسادى جانە ونداعان قوندىرعىنى قامتيدى. جوندەۋ كەزىندە ماماندار رەاكتورلاردى، سىيىمدىلىقتاردى، كولوننالار مەن جىلىتۋ الماسۋ جابدىقتارىن تەكسەرەدى، قۇبىرلاردىڭ ءبىر بولىگىن جانە 335 توننادان استام كاتاليزاتوردى اۋىستىرادى، سونداي-اق قوندىرعىلاردىڭ بىرىندە بەنزين، ديزەل جانە اۆياوتىن ءوندىرىسىن ارتتىرۋ ءۇشىن جابدىقتاردى جاڭعىرتادى.
زاۋىت وكىلدەرى جوندەۋ جۇمىستارى ىشكى نارىقتاعى جاعدايعا اسەر ەتپەيتىنىن، ال مۇناي ونىمدەرىن جونەلتۋ الدىن الا جاساقتالعان قورلار ەسەبىنەن جالعاساتىنىن مالىمدەدى.

جوعارىدا ءبىز ورىنبور گاز وڭدەۋ زاۋىتىنا جاسالعان شابۋىل تۋرالى حابارلامالاردان كەيىن ساراپشىلار مەن بەيىندى ارنالار قاراشىعاناقتىڭ ورىنبور گوز-ىنە تاۋەلدىلىگى تۋرالى ايتا باستاعانىن جازعان بولاتىنبىز.
ەنەرگەتيكا مينيسترلىگى مۇنداي بولجامداردى تەرىسكە شىعاردى.

Abai.kz