Álemdik sporttyng ortalyghyna ainalyp kele jatqan Qazaqstan 2026-2027 jyldar aralyghynda jeti birdey әlem chempionatyn ótkizu qúqyghyna ie bolyp, tarihy jetistikke qol jetkizdi. Biylghy qazan aiynda kýres týrlerinen әlem chempionaty ótetin bolsa, 2027 jyly elimiz boks, dzudo, ýstel tenniysi, taekvondo, short-trek jәne kiybersport syndy sport týrlerinen jahandyq dodalardy qabyldaydy.

Elimizde múnday iri halyqaralyq jarystardyng úiymdastyryluy – Memleket basshysynyng sport salasyn damytu, memleketimizding halyqaralyq bedelin arttyru jәne Qazaqstandy aimaqtaghy manyzdy sport ortalyghyna ainaldyru jónindegi tapsyrmalarynyng jýieli týrde oryndalyp jatqanynyng nәtiyjesi.

2027 jyly ótetin әlem chempionattarynyng barlyghy Astana qalasynda úiymdastyrylady. Naqtyraq aitsaq, qantardyng 28-i men 31-i aralyghynda short-trekten jasóspirimder arasynda әlem chempionaty ótse, sәuirding 10-26 kýnderi bokstan, mamyrdyng 22-30 aralyghynda ýstel tenniysinen, mausymnyng 7-14 kýnderi dzudodan, al shildening 7-13 kýnderi taekvondodan әlem chempionattary ótedi. Kiybersport boyynsha dýbirli dodanyng uaqyty keyinirek belgili bolady.

Tәuelsiz Qazaqstan tarihynda eki jyl ishinde jeti әlem chempionatyn ótkizu qúqyghyna ie bolu – elimizding sporttyq infraqúrylymy men úiymdastyrushylyq әleuetining joghary ekenin kórsetetin airyqsha kórsetkish. Búl óz kezeginde әlemdik sport qauymdastyghy aldyndaghy zor jauapkershilikti de arqalaydy.

Álemdik dengeydegi ýzdik sportshylardyng qatysuymen ótetin múnday iri jarystar otandyq sporttyng damuyna serpin berip, salauatty ómir saltyn qalyptastyrugha jәne jastardyng sportqa degen yntasyn arttyrugha mol mýmkindik tughyzady. Sonymen birge, halyqaralyq jarystar oqighalyq turizm men qonaqýy biznesining órkendeuine, qyzmet kórsetu salasy men infraqúrylymnyng jaqsaruyna ong әser etip, elimizding halyqaralyq imidjin odan әri nyghaytady.

Qazaqstannyng býginde halyqaralyq standarttargha say eng iri sporttyq is-sharalardy óz dengeyinde úiymdastyra alatyn memleketter qataryna senimdi týrde qosylghanyn aita ketken jón. Búl jetistikting barlyghy – sport infraqúrylymyn jýieli damytu, úiymdastyru sapasyn kóteru jәne halyqaralyq federasiyalarmen tyghyz yntymaqtastyq ornatu jolyndaghy keshendi júmystardyng jemisi.

Abai.kz