Elordada saylau strategiyalary talqylanyp jatqanda, ónirlerde veterinariyalyq stansiyalar, ayaqkiyim fabrikalary men túrmystyq qaldyqtardy súryptau siyaqty kýndelikti mәselelerge toly ómir jalghasuda. Qúryltay deputattyghyna kandidattardyng qay ónirlerge baryp, túrghyndarmen qanday taqyryptardy talqylaghanyna sholu jasaymyz.

«Ádilet» partiyasy studenttermen, oqytushylarmen, kәsipkerlermen jәne kreativti industriya ókilderimen tikeley dialog jýrgizu taktikasyn tandady. Qostanay oblysynyng Borovskoe auylynda kandidat Edil Hamza jergilikti túrghyndarmen kezdesip, ónir ýshin ózekti mәselelerdi talqylady. Al Batys Qazaqstan oblysynda túrghyndar, kәsipkerler, shygharmashylyq sala ókilderi, jastar men enbek újymdarymen kezdesu ótti. Kezdesu barysynda ónirding әleumettik-ekonomikalyq damu mәseleleri qaraldy.

Jalpyúlttyq sosial-demokratiyalyq partiya (JSDP) túrmystyq qaldyqtardy bólek jinau jәne qayta óndeu mәselelerin talqylady. Búl taqyryptar auqymdy sayasy mәlimdemelerden góri qarapayym kóringenimen, әrbir túrghynnyng ómirine tikeley qatysty. Tanystyrylymgha ekologter, mýlik iyeleri birlestikterining ókilderi men qala túrghyndary qatysty. Sonymen qatar Qúryltay deputattyghyna kandidat Anargýl Ábenova jer ýlesi iyelerimen kezdesip, jer qatynastaryna qatysty mәselelerdi talqylady.

«Baytaq» partiyasy әrtýrli ónirlerde ekologiyalyq úiymdar men kәsiporyndar ókilderimen birqatar kezdesu ótkizip, tabighatty qorghau salasynyn sarapshy mamandary qatysqan talqylau úiymdastyrdy. Kezdesulerding kýn tәrtibine qaraghanda, partiya qorshaghan ortany qorghau mәselesin basty nazarda ústap otyr.

Qazaqstannyng Halyq partiyasy әleumettik sayasat mәselelerin kýn tәrtibine shyghardy. Astanada kandidattar Lәzzat Aqtaeva men Núrjan Biyaqaev qalalyq jedel medisinalyq jәrdem stansiyasyna baryp, dәrigerler men felidsherlermen kadr tapshylyghy, enbek jaghdayy jәne shúghyl medisinalyq kómekti úiymdastyru mәselesin talqylady. Kezdesu barysynda jedel jәrdem qyzmetining júmysy, kadrlyq qamtamasyz etu, medisina qyzmetkerlerining enbek jaghdayy jәne shúghyl medisinalyq kómek kórsetu jýiesi qamtyldy.

«Auyl» partiyasynyn ókilderi partiya tóraghasy Qayrat Aytughanovtyng bastauymen Soltýstik Qazaqstan oblystyq veterinariya basqarmasynyng újymymen kezdesti. Kezdesu barysynda veterinariyalyq qyzmetting júmysyna qatysty mәseleler talqylanyp, salanyng qyzmetine qatysty ózekti mәsele kóterildi.

«Aq jol» demokratiyalyq partiyasy óndiris oryndaryn aralau baghytyn tandady. Tarazda partiya tóraghasy Daniya Espaeva «TarazKojObuvi» kәsipornyna baryp, júmysshylarmen óndiris sehynda jýzdesti. Al Atyrauda kandidat Ermekqaly Yusupov ITC WEST logistikalyq ortalyghynda boldy. Enbek újymdarymen kezdesuler Jambyl, Atyrau, Úlytau oblystarynda, Qostanay men Shymkentte de ótti. Partiya ókilderi elimizding ózge ónirlerinde de túrghyndarmen jәne enbek újymdarymen kezdesulerin jalghastyrdy. Sonymen qatar «Aq jol» kandidattary Respublica partiyasy ókilderining mәlimdemesine pikir bildirdi. Mәjilisting búrynghy deputaty Meruert Qazbekova eks-deputat Oljas Kópbekovting deputattyq saualdargha qatysty mәlimdemesine óz kózqarasyn bildirdi.

Respublica partiyasy tóraghasynyng orynbasary Janat Ysqaqov TMD halyqaralyq bayqaushylar missiyasynyng ókilderimen kezdesti. Taraptar saylau nauqanyna dayyndyqty, saylaualdy shtabtyng júmysyn, ýgit-nasihat jýrgizu erekshelikterin, sifrlyq platformalardy paydalanudy, sonday-aq partiyalyq tizimdi jasau men kandidattardy irikteu mәselelerin talqylady. Halyqaralyq bayqaushylar missiyasynyng ókilderi óz kezeginde  júmystyng qaghidattary men әdisteri turaly aityp berdi. Týrkistanda partiya basshylyghynyn, Qúryltay deputattyghyna kandidattardyng jәne partiya jaqtastarynyng qatysuymen forum ótti. Forum barysynda әleumettik-ekonomikalyq kýn tәrtibi, zannama jәne ózge de mәseleler talqylanyp, partiya ókilderi qatysushylardyng súraghyna jauap berdi. Sonymen qatar Respublica partiyasynyng tóraghasy Aydarbek Qojanazarov Qazaqstannyng Halyq partiyasynyng búrynghy tóraghasy Ermúhamet Ertisbaevtyng mәlimdemesine pikir bildirip, partiyanyng búl mәselege qatysty búdan ary jariya pikirtalasqa qatyspaytynyn aitty.

Osylaysha, partiyalar ózderining dәstýrli baghyttary boyynsha júmysyn jalghastyryp jatyr. Biri ekologiya men әleumettik sala mәselelerine basymdyq berse, endi biri óndiris oryndary men ónirlerde halyqpen tikeley dialog ornatugha nazar audardy. Sonymen qatar saylau nauqanynyng taghy bir qyry – partiyalardyng bir-birin synauy, qarsy taraptyng mәlimdemelerine jauap berui jәne óz ústanymdarynyng ara-jigin aiqyndaugha úmtylysy qatar órbip jatyr.

Abai.kz