Últtyq Aitu messendjerinde otbasylyq chattardyng mýmkindigi keneytiledi.

Aldaghy uaqytta qazaqstandyqtar tuystaryna últtyq dәstýrlerge baylanysty kórimdik, sýiinshi, asar jәne sadaqa siyaqty aqshalay audarymdardy qosymsha arqyly jibere alady. Búl turaly Ýkimet otyrysynda BTS Digital kompaniyasynyng basshysy Maqsat Núriydenúly mәlimdedi.

Onyng aituynsha, býginde últtyq Aitu messendjerinde 6,8 million paydalanushy tirkelgen. Platformanyng ay sayynghy belsendi auditoriyasy 1 million adamdy, al kýndelikti qoldanushylary 100 myng adamdy qúraydy.

Kompaniya basshysy tirkelgen paydalanushylar sany men túraqty auditoriya arasynda aiyrmashylyq bar ekenin atap ótti. Onyng sózinshe, búghan deyin Aitu tek messendjer qyzmetin atqarghan. Endigi maqsat – paydalanushylardyng qosymshagha kýn sayyn qayta oraluyna sebep bolatyn jana mýmkindikterdi engizu.

Biz últtyq dәstýrimizdi, tilimizdi jәne ómir saltymyzdy eskeretin últtyq messendjerdi damytyp jatyrmyz. Sondyqtan onda әr otbasygha paydaly bolatyn jana funksiyalar payda bolady. Býginde Qazaqstanda 8 millionnan astam otbasy bar jәne olardyng basym kópshiligining tuystarmen baylanysatyn ortaq chaty bar. Mәselen, múnday chattarda fotosuretterdi saqtaugha, manyzdy oqighalardyng kýntizbesin jýrgizuge, eske salghyshtar alugha jәne týrli is-sharalardy úiymdastyrugha mýmkindik bolady, – dedi Maqsat Núriydenúly.

Onyng aituynsha, Aitu arqyly qazaqstandyqtargha ýirenshikti últtyq dәstýrlerge baylanysty aqshalay audarymdardy jýzege asyrugha bolady. Atap aitqanda, qosymshada kórimdik, sýiinshi, asar jәne sadaqa jiberu funksiyasy iske qosylady.

Sonymen qatar servisti damytudyng taghy bir baghyty – sifrlyq shejire. Paydalanushylar óz әuletining tarihyn ynghayly formatta saqtap, tolyqtyra alady.

Kompaniya basshysy qazaq tilin damytugha da erekshe kónil bólinip jatqanyn aitty. Qosymshada qazaq jәne orys tilderi arasynda avtomatty audarma jasau mýmkindigi qoljetimdi bolady.

Búdan bólek, messendjerde eGov qyzmetterine súranys jiberuge arnalghan arnalar, túrghyn ýi, audan jәne mektep chattary ashylady. Sonday-aq paydalanushylar saualnama jýrgizip, eseptegish qúraldarynyng kórsetkishterin jolday alady. Dәrigerlermen, polisiya qyzmetkerlerimen jәne basqa da memlekettik qyzmetshilermen rastalghan baylanys arnalary iske qosylady.

Jyl sonyna deyin ay sayynghy belsendi auditoriyany 1,5 million paydalanushygha deyin jetkizudi josparlap otyrmyz. Al kelesi jyly búl kórsetkish 3,8 millionnan asady dep boljap otyrmyz, – dedi Maqsat Núriydenúly.

Abai.kz