Jalghyz ýy qiyan qystauda otyramyz. Aynala aspan taular. IYen, elsiz meken. Jym-jyrt. Sol jym-jyrttyqty bireu kelip búzsa eken dep tileysin. Kýnderding bir kýninde әlgi tileging oryndalady-ey!..

Eki betine qyna jaqqanday bop jýretindikten «qyzyl Estay» atanyp ketken bir kisi bar edi. Qyzyl matamen qaptaghan qyzyl jәshigin aldyna óngerip sol qyzyl Estay keletin qystaulyghymyzgha. Qyzyl Estay kelse, ýiimizge Qyzyr kelgendey quanatynbyz. Qazan kóteriledi, et asylady. Sheshem kerosin shamnyng biltesin de kóterip qoyady. Jendi bilektey qazyny kómeylete otyryp әkem men Estay ekeui qyzu әngimeni «qyzylmen» jýrgize týsedi.

–  Qyzyl Estay nege kelipti? – dep súraymyn tәtemnen qagha beriste.

–  Erteng – saylau. Ana qyzyl jәshikti kórding be? Soghan dauys beremiz.  Dauysymyzdy alugha kelipti, –  deydi tәtem. – Men qyzyl jәshikke qyzygha әri  tanqala qaraymyn. «Qyzyl jәshikke qalay dauys beruge bolady? Basyndy jәshikting ishine tyghyp dauys beresing be, qaytesin?» –  Osy súraqtyng jauabyn  oilap jatyp úiyqtap ketemin. Erteninde oyansam, ýlkender «dauystaryn berip» tastap, tanghy shay ýstinde otyrady.

Búl – qyzyl urnoly qyzyl ókimetting kezi-túghyn. Sovetting saylauy ylghy qysta bolatyn ba edi, әiteuir, jyl aralatyp qyzyl Estay bizding qystaugha soghyp túratyn. Esimde qalypty...

Al, qazir jaynaghan jaz. Endi az kýnderden song Qúryltay saylauy bolmaqshy. «Saylaugha barsang da – barasyn, barmasang da – barasyn» dep jelkeleytin Sovet ókimeti joq. Qyzyl jәshigin aldyna óngerip malshy auyldaryn aralaytyn qyzyl Estaylar da joq. Árkimning óz eriki – ózinde. Biraq erik –  erikkening ermegi bolmauy kerek. Saylau – halyqtyng sayasy erkin (kózqarasyn, pikirin) bildiretin nauqan. Sondyqtan búl nauqangha qatysqan jón. Ásirese, Almaty qalasynyng túrghyndary belsendilik tanytsa dep tileymin. Óitkeni, Astana sayasiy-resmy ortalyq bolghanymen, sayasat Almatyda jasala ma, birdene ghoy ózi...))

"Saylaugha qatysyp jatqan jeti partiyanyng bireuine mindetti týrde dauysyndy" ber dep men almatylyqtardy jeteleuden nemese ýgit-nasihat soghudan aulaqpyn. Júrt óz qalauyn qalaghanynsha bildiruge qaqyly. Tipti ,jeti partiyanyng birine de dauys bermeymin dese, marhabbat, bulletenide «bәrine qarsymyn» degen de  jol bar. Qysqasy, búl da sening saylaugha qatysyp, sayasy kózqarasyndy bildiruding tóte joly.

«Tóte joldy kórsetshi auylyna baratyn» demekshi, saylau – sayasatqa aralasudyng tóte joly. Osyny eskereyik te, "bizge kelip qalay dauys beredi eken, ә?" dep túrghan kók jәshikterimizdi bulleteniderge toltyryp tastayyq.

Dәuren Quat

Abai.kz