Aybek Dәdebay bauyrymyz 46 jasynda Qúryltay Tóraghasy bolyp taghayyndaldy.

Qazaq: «Erding jasy — elu», - deydi.

Búl túrghydan qaraghanda, Aybek Arqabayúly erding jasyna әli jete qoyghan joq, oghan әli tórt jyl bar. Al, Qazaqstan halqynyng ortasha ómir sýru úzaqtyghy 75,3 jas ekenin eskersek, Aybek Dәdebaydyng jasy orta jastan asyp jyghylady eken.

Qalay desek te, Aybek bauyrymyzdyng búl jasy — naghyz tolysqan, degen kemeline kelgen jas!

Býgin «Qazaqtyng aty anyzgha ainalghan aituly túlghalary 46 jasynda ne bitirdi eken, qanday biyikke kóterildi eken, qanday jetistikke jetti eken?», - degendi oilap, ashyq aqparat kózderinen tekserip kórdim.

Ybyray Altynsariyn 46 jasynda túnghysh qyzdar uchiliyshesin ashypty; Qarabútaq mektebining negizin qalapty.

Kemenger Abay 46 jasynda el arasyna keng taralghan, júrttyng auzynan týspeytin ataqty «Segiz ayaq», «Qor boldy janym», «Kýshik asyrap, it ettim...», «Jýregim, oibay, tynysh otyr...»,«Bazargha qarap túrsam, әrkim barar...» atty klassikalyq ólenderin jazypty.

Sonymen birge, Abaydyng Ekinshi qara sózi (qazaq pen ózge halyqtardy, onyng ishinde ózbek, orys, noghaylardy salystyryp, ghylym-bilimge úmtyludy sóz etetin shygharmasy) men Ýshinshi qara sózi (el basqaru jýiesi, bolystar men biylerding saylanuy, halyqtyng minez-qúlqy men qúqyqtyq mәseleleri tereng talqylanatyn eng kólemdi qara sózderining biri) de dәl osy 46 jasynda jazylghan eken.

Álihan Bókeyhanov 46 jasynda patsha ókimetining sheshimimen tughan elinen qughyndalyp, Reseyding Samara qalasynda sayasy aidauda jýripti.

Dinmúhamed Qonaev 46 jasynda Qazaq KSR Ministrler Kenesining Tóraghasy (Ýkimet basshysy) qyzmetin atqarypty.

Múhtar Áuezov 46 jasqa kelgende ataqty «Abay» romanyn jazyp bitirgen bolyp shyqty.

Qaliybek hakim Rayymbekúly 46 jasynda elin kommunis Qytay ýkimetinen alyp qashyp, Gimalay tauynan asyp, Ýndistannyng Kәshmir aimaghyna jetkizgen eken.

Qaliybek hakimning men jýktegen әigili fotosyn sol Kәshmirde AQSh-tyng ataqty The National Geographic jurnalynyng tilshileri týsiripti.

Ózbekәli Jәnibekov 46 jasynda Qazaq KSR Mәdeniyet ministrining orynbasary qyzmetine taghayyndalypty.

Shynjang Partiya komiyteti men Ýkimetinde qyryq jyl eng joghary jәne asa jauapty qyzmet atqarghan Jәnәbil Symaghúlúly 46 jasynda Pekinge baryp, sol kezdegi Qytay kompartiyasynyng Birinshi hatshysy Hu Yaubangha kezdesip, odan ary ataqty Den Syaopinge jolyghyp, Uang Ynmaudy Shynjang ólkesine Birinshi hatshylyqqa attay qalap súrap alghany mәlim.

Núrsúltan Nazarbaev 46 jasynda Qazaq KSR Ministrler Kenesining Tóraghasy (Respublika Ýkimetining basshysy) qyzmetin atqarypty.

Qasym-Jomart Toqaev 46 jasynda Qazaqstan Respublikasynyng Premier-Ministri qyzmetine taghayyndalypty.

Múnyng bәri uaqyt pen zaman ózi tudyrghan túlghalar men qayratkerler. Tize bersek, qazaq tarihynda 46 jasynda tarihy jetistikke jetken múnday túlghalar az emes. Qazaqtyng biraz myqty túlghalarynyng 45 jasynda ómirden ótkeni de shyndyq.

Aybek Dәdebaydy Preziydent senim artyp, Qúryltay Tóraghalyghyna úsyndy. Qúryltay deputattary Ol kisini bir auyzdan qoldady.

Aybek Arqabayúly bauyrymyzdyng atalghan atalary men aghalary zor jetistikter men biyik túghyrgha otyrghan dәl 46 jasta Qúryltay tóraghasy bolyp taghayyndaluy, memlekettik lauazymdaghy aldynghy ýsh túlghanyng qataryna ilinui — jay oqigha emes dep oilaymyn. Búl sәikestikti men jaqsylyqtyng nyshany dep yrymdadym…

Auyt Múqiybek

Abai.kz