Qaraghandyda ghylym, bilim, mәdeniyet, media jәne qoghamdyq ortada jýrgen belsendi jastardyng qatysuymen Qazaqstan Respublikasy Preziydenti Qasym-Jomart Toqaevtyng «Ádiletti qoghamgha – shynshyl sóz» jinaghyn talqylaugha arnalghan jiyn ótti.

Basqosuda Memleket basshysynyng әr kezende aitqan oi-tújyrymdarynyng býgingi reformalarmen sabaqtastyghy sóz boldy. Qatysushylar jinaqta qamtylghan qúndylyqtardyng qazirgi qoghamdaghy ornyn talqylap, olardyng jas buyngha berer taghylymyna toqtaldy.

Jinaqqa Preziydentting ótken ghasyrdyng 90-jyldarynan bastap әr jyldary aitqan oi-pikirleri engizilgen. Mәselen, 1995 jyly «Parasat» jurnalyna bergen súhbatynda Qasym-Jomart Toqaev «Kez kelgen problemanyng sheshimi – adamdarda» degen pikir bildirgen. Býginde adam kapitaly memlekettik sayasattyng strategiyalyq basymdyqtarynyng birine ainalyp otyr.

«Kezinde memleket basshysy: «Ádilet joly – auyr jol, biraq auyr bolsa da, odan tura jol joq», – degen edi. Býginde ÁDILET úghymy sayasi, ekonomikalyq jәne әleumettik reformalardyng ózegine ainaldy. Búl mysal jyldar boyy qalyptasqan ústanymnyng  auqymdy sayasy reformalargha úlasqanyn aishyqtaydy. 90-shy jyldary Adam, Ádilet, Jauapkershilik, Bilim, Kәsibiylik, Memleket mýddesi turaly kózqarasyn ashyq aitqan Preziydentting búl oilary uaqyt synynan ótip, býginde memlekettik sayasattyng ózegine ainaldy», - dedi Qaraghandy oblysy әkimining orynbasary Álibek Áldeney.

Jiynda әdebiyetting qoghamdyq oigha yqpaly, tarihtan taghylym alu, el birligi men ortaq qúndylyqtar, Konstitusiya jәne azamattyq jauapkershilik, ghylym men bilimning el damuyndaghy róli keninen talqylandy. Sonday-aq qazaq tilin jana bilim men tehnologiyanyng tiline ainaldyru, jasandy intellektini qogham iygiligine paydalanu, jastardyng bilimi men enbegi, azamattyq ústanymy jәne aqparat kenistigindegi shynshyldyq mәseleleri kóterildi.

Qatysushylardyng pikirinshe, әdiletti qogham qalyptastyru – tek memleketting emes, әr azamattyng ortaq mindeti. Adal enbek, bilim men bilik, azamattyq jauapkershilik jәne el men jerge degen janashyrlyq qogham damuynyng manyzdy negizderi bolyp qala beredi.

Jiyn sonynda jastargha arnalghan jana kitaphana ashyldy. Ortalyqta qazaq әdebiyeti men әlem әdebiyetining shygharmalary jinaqtalghan. Kitaphana oqyrmandardyng kitap oqyp, bilimin tolyqtyruyna mýmkindik berumen qatar, erkin pikir almasyp, jana iydeyalardy talqylaytyn kovorking alany retinde de qyzmet atqarady.

Abai.kz