Osydan on shaqty jyl búryn-au shamasy, ýlken qyzben bir top jurnalist Almatydaghy «Dostyq» ýiinde kezdestik. Ártýrli taqyrypta әngime órbip jatyr. «Altyn astaugha» qasyq batyryp jýrgen orystildi әriptesterimiz belsendi. Darigha sol qyzdyng kózine týsip qalugha baryn salyp, janyghyp-aq otyr.

Jiyn ýstinde totay qyz taqyrypty tosynnan ózgertip, reyting turaly aityp qaldy. Jel soqpastan búryn qoghaday japyrylatyndar jamyrap reyting degenning asa kerek ekendigin qoshtap shygha kelgen. Ýndemey qalghandar da boldy. Esimde, biz Batyr ekeumiz ghana reytingti qualay beru baspasózding mazmúnyn jenildetip jiberetinin sypayylap jetkizgen boldyq. Oryssha sóilegen Batyr Kәkimjanov (jany jәnnatta bolsyn) erkinirek sóilep, reytingting qoldan jasalatynyna deyin jayyp saldy.

Jiyn bitti. Tarqadyq. Mening qasymda tayauda atyn aiqaylatyp sayt ashqan bir inim boldy. Syrtqa shyqqannan keyin men әlgi inime reytingting baspasózge pәlendey abyroy әpermeytindigin biraz sóz qyldym. Jaqsy inim yrjalaqtap kýle berdi. Sóitti de erteninde-aq saytynyng basty taqyryby etip Bayan Maqsatqyzynyng jýris-túrysyn, ishken-jegenin, jazghan-syzghanyn bekitip qoydy.

Inim aqyldy eken, inim súnghyla eken. Bayandy kórse, bas salatyn oqyrmannyng qataryn kóbeytu arqyly ol reytingting úshar shynyna kóterildi. El-jer, kóshi-qon, til, tariyh, әdebiyet, әleumettik mәseleler, sayasat, din jayy dep «zarlaghan» biz salpaqtap kóshting sonynda qalyp qoydyq. Biz dep otyrghanym - Abai.kz aqparattyq portaly.

Sol jyldary PÁ-degi pәrmeni kýshti bireuler Alash ardagerleri men jalpy qazaq tarihy turaly jazylghan maqalalardy jariyalatpaugha tyrysty. Kóshi-qon degen taqyrypty mýldem jauyp tastaugha úmtyldy. Búl kezde kezekti ret syrttan kóship kelip jatqan aghayyndarymyzdyng kóshine qarsy jymysqy әreketter kóbeyip, kósh toqtaugha ainalghan. Biraq biz eldik, últtyq taqyryptardan taban audarmay jaza berdik, jaza berdik. Sol kezde Bayannyng omyrauqaby, Bayannyng beldemshesi deytin «hodovoy» taqyrypqa barmaghanymyzdy kóziqaraqty oqyrman jaqsy biledi dep oilaymyn.

Qazir de Bayan qaryndas baspasózde - bas taqyryptardyng qaharmany. Qazaq baspasózi (sayttar, portaldar, ózge de platformalar) halyqtyng basym bóligin tolghandyratyn mәselelerdi jaza-jaza jalyqqan siyaqty ma, qalay?... Álde kýrdeli jaytterdi saraptap, salmaqtap jazatyn qazaq jurnalistikasy jýrisinen janyldy ma eken... bәlkim, qazaq jurnalistikasyndaghy dәstýrli mektepting irgetasy sógile bastaghan bolar?.. Bilmeymin. Biletinim: qazirgi jazarmandardyng jazatyndary úsaq-týiek birdeneler bolyp ketkenge úqsaydy. Búrynghy әdeby kórkem tilge jaqyn әri qanday taqyrypqa bolsyn tereng ýniletin qazaq jurnalistikasy búl kýnde press-relizdik dengeyde qalyp qoyghanday kórinedi maghan. Analitika, ekskluziv materialdar Abai.kz bastaghan kәsiby biligi joghary sayttarda ghana qalypty.

Erteden keshke deyin lәilip layftanu, reyting quu, feykterden sensasiya jasaugha jandy salu - uaqytsha nәrse. Dәl osynday júghymsyz nәrselerdi baghalap, ony endigi últtyq baspasózding kelbetine ainaldyru - úyat tirshilik.

Baspasózding bedeli - memleketting bedeli. Solay eken, endeshe, oqyrmangha oily dýnie úsynyp kele jatqan jana media salasyndaghy salmaqty sayttar men portaldardyng júmysyn baghalap, memlekettik sayasat solardy qoldamasa, baspasózimiz basynda Bayan, sonynda baqa-shayan bolyp qúrityn týri bar.

Dәuren Quat

Abai.kz