Qazaqstannyng basty baylyghy – altyn dәn astyghy. Biday men ún eksportynan әlemde jetekshi oryngha shyqqanymyz sonyng dәleli. Memleket qamqorlyghynyng arqasynda jer emgen sharua qauymy tabighat ana tósinen nesibesin terip, ózining de, ózgening de berekeli ómir sýruin qamtamasyz etip baghuda. Alayda «sudyng da súrauy bar» demekshi, meylinshe mol ónim alamyz dep qúnyghyp, qara jerding qadirin ketirip jatqanymyz da ras.
Qarap otyrsaq, jermen qamtamasyz etilu jaghynan chempiondar ligasyna kiredi ekenbiz. Tórtkýl dýniyede toghyzynshy oryn onay kórsetkish emes. Jan basyna shaqqanda 33,6 ga auylsharuashylyq maqsatyndaghy jerden keledi. Biraq jerdi tiyimdi paydalanu, onyng quatyn qúrtpay, qayta damytugha kelgende kónilimizge kirbing úyalay beretini de ras.
Qyryq jyldan astam uaqyt nesibesin jer- anadan terip kele jatqan jeke sharua Ibrash Estaev býginnen góri ertengi bolashaqqa alan.

Qazaqstannyng basty baylyghy – altyn dәn astyghy. Biday men ún eksportynan әlemde jetekshi oryngha shyqqanymyz sonyng dәleli. Memleket qamqorlyghynyng arqasynda jer emgen sharua qauymy tabighat ana tósinen nesibesin terip, ózining de, ózgening de berekeli ómir sýruin qamtamasyz etip baghuda. Alayda «sudyng da súrauy bar» demekshi, meylinshe mol ónim alamyz dep qúnyghyp, qara jerding qadirin ketirip jatqanymyz da ras.
Qarap otyrsaq, jermen qamtamasyz etilu jaghynan chempiondar ligasyna kiredi ekenbiz. Tórtkýl dýniyede toghyzynshy oryn onay kórsetkish emes. Jan basyna shaqqanda 33,6 ga auylsharuashylyq maqsatyndaghy jerden keledi. Biraq jerdi tiyimdi paydalanu, onyng quatyn qúrtpay, qayta damytugha kelgende kónilimizge kirbing úyalay beretini de ras.
Qyryq jyldan astam uaqyt nesibesin jer- anadan terip kele jatqan jeke sharua Ibrash Estaev býginnen góri ertengi bolashaqqa alan.
– Shynyn aitu kerek, bizding egistik alqaptarynyng basym bóligining qúnarlylyghy songhy on-on bes jyl ishinde kýrt tómendep ketti. Sebebi toqsanynshy jyldardaghy jekeshelendiru kezinde jer әrkimning qolyna ótti de, egin eguding iysi múrnyna barmaytyndar qara jerdi tilgilep, gumustyng bәrin jelge úshyrdy. Olardyng kóbi 60-shy jyldargha deyingi Kenes túsyndaghy «klassikalyq» ýlgige bas úrdy. Estigen bolsanyz, ol kezde jerdi neghúrlym terenirek qazsan, soghúrlym mol ónim beredi degen ústanym bolghan. Biraq uaqyt óte kele Baraev pen Malisevterding «topyraq qúramyndaghy gumusty eroziyadan, yaghni, jelge úshyrudan saqtau» teoriyasy engizildi. «Besjyldyq, onjyldyq jospar» dep jalaulatyp jýrgende jerding qasiyetin qashyryp aldyq. Eng bastysy – bizge búiyrghan sheksiz baylyqtyng qadirine jete almadyq. Kópshiligimiz, «qaytsem, kóp ónim alamyn» dep ashkózdikpen tabighat- ana tósin tilgiledik. Shýkir, qazir úpayymyz týgel, al erteng ne bolady? Úrpaqtyng nesibesin oilaghan jan ilude bireu. Olar qaytip kýn kórmek, jerding bәrin biz bitirdik, – deydi Ibrash Estayúly.
Elimiz astyq eksportynan ýlken ýles alatyndyqtan, alqabymyzdaghy altyn dәnning meylinshe kóbirek shyghuy kim-kimge bolsa da paydaly. Biraq kýtim jasamay, jerdi sauyn siyrday saua bergennen útarymyz shamaly. Óitkeni biz qansha miyneraldy tynaytqyshtardy paydalanghanymyzben, jerding tabighy óz qúnarlylyghy әlsirey beretini anyq.
– Tyng kótergennen beri, yaghny songhy elu jyl ishinde jerdi 20 santiymetrden jyrtqannyng ózinde bir gektardyng shamamen 30 tonna organikalyq quatyn joghaltyppyz. Bir ghana osy Qostanay oblysy alqaptarynan 267 million tonna gumus jelge úshqan. Búl degeniniz – biz aldaghy jýzjyldyqtyng «josparyn» artyghymen oryndap tastadyq degen sóz. Aytalyq, әlgi 267 million tonna gumustyng ornyn toltyru ýshin әrqaysysy 60 tonnalyq 4,5 million vagon organikalyq kóng qajet. Onyng syrtynda kýnine 100 vagonnan tasydyq dep eseptegenning ózinde 45 myng kýn nemese 123 jyl ketedi eken. Keshiriniz, oghan sizding de, bizding de ghúmyrymyz jetpeydi. Sosyn bizde memleket tarapynan sharualargha kórsetilip jatqan kómek, qansha degenmen, az. Sebebi Europada bir gektar jerge – 1111, Kanadada – 882, AQSh-ta 412 dollar subsidiya beriletin bolsa, bizde búl kórsetkish 35 dollar shamasynda, – deydi A.Baytúrsynov atyndaghy QMU professory Amanjol Ahmetov.
Jer-ana jaghdayynyng kýtimge zәru ekendigi ótken jyldyng sonynda Ýkimet bekitken QR Auyl sharuashylyghy ministrligining jaqyn ýsh jylgha arnalghan strategiyalyq josparynda da aityldy. Onda sheneunikter mal sharuashylyghy ónimdiligining bir sebebi retinde jerding de ýlesi barlyghyn tilge tiyek etken. Alayda Auyl sharuashylyghy ministrligi jer ónimdiligin kóteru ýshin 2011 jyly 107 payyzgha jetedi dep josparlaghan miyneraldy tynaytqyshty ekining biri ala almaytyn týri bar. Óitkeni energetika jәne miyneraldy resurstar ministri Sauat Mynbaev elimizdegi elektr energiyasyna degen súranys artyp, bagha kóteriluinen miyneraldy tynaytqyshtar qúnynyng da eng kemi 40 payyzgha qymbattauy mýmkin ekenin joqqa shygharmaydy. Al búl óz kezeginde iri de irgeli sharuashylyq bolmasa, ailyghyn shaylyghyna әreng ýlgertip otyrghan úsaq sharuanyng túzyn jenildetpesi anyq. Sondyqtan da bizge sharuanyng qaltasyna tiyimdi jәne jerge kesirin tiygizbeytin tabighy organikalyq tynaytqyshtardy paydalanu jolyn damytu qajet. Múny bir jinalysta QR auyl sharuashylyghy ministri Aqylbek Kýrishbaev myrzanyng ózi de aitqan bolatyn. Al tabighy organikalyq tynaytqysh degenimiz «malym – janymnyng sadaghasy» degen auyldaghy әr qazaqtyng aulasynda jatyr. Qolgha tiygen mәlimet boyynsha, qazir audan jәne auyl ortalyqtaryndaghy sanitarlyq-gigiyenalyq tazalyqty saqtau ýshin túrghyndar óz qaltalarynan bir telejkasyna 400-1000 tengeden tólep, qys boyy jinalghan kónderin shyghartyp jatyr. Osy útymdy sәtti nege kәdege jaratpaymyz? Meninshe, kóktemde ózimiz tasyp alamyz dep sharua qojalyqtary uәde berse, kim-kimning de quana-quana tegin bereri anyq.
– Meninshe, jerge biznestik kózqaras pen naryqtyq qatynas qatar jýrui tiyis.Óitkeni jer qyrtysy, miyneraldy tynaytqyshtar sepkenimizge qaramay, jyl sayyn ózining qúnaryn 240 esege deyin joghaltyp jatqanyn moyyndauymyz kerek. Yaghny jerdi bir kýndik payda ýshin emes, úzaq merzimdi strategiyalyq jospardyng negizi retinde qadir tútuymyz qajet, – deydi «Estaev» sharua qojalyghynyng basshysy Ibrash Estaev.
Nesi bar, qoldaytyn-aq baylam. Estir qúlaq bolsa, osynyng ózi biraz iske tiyek bolary anyq.

Jasúlan Manap, Qostanay
“Alash ainasy” gazeti 26 Mamyr 2009 jyl