Siriyadaghy adam týsinip bolmaytyn qalaymaqan, qaruly qaqtyghysqa «jihad» jasaymyz dep attanghan qazaq jastary turaly janymyz auyra otyryp alghashqy aqparatty bergen biz bolatynbyz. Sondaghy jariyalanymnyng bas jaghyn qaytadan qaperlerinizge úsynyp kóreyik. Qaranyz:

«Aldynghy júmada Jezqazghan qalasynda QR Din isteri agenttigi men Qaraghandy oblysy әkimdigining birlese úiymdastyruymen «Tәkfirshilik – diny ekstremizmning qauipti týrlerining biri» atty respublikalyq ghylymy – tәjiriybelik konferensiyagha arnayy shaqyrtumen bardym. Bizding zertteuimizge qaraghanda Jezqazghan ónirinde tәkfirshilder joq tәrizdi edi. Ary ketse, sururiyshilder men madhaliyshilder bar dep biletinbiz. Birtalay adam bas qosqan teoriyalyq túrghydaghy tanymdyq jiyn, qauipting aldyn-alu sharalarynyng biri dep oilaghanmyn. Sóitsem mәselening mәni basqada eken...

Keshqúrym sham namazyn oqugha ortalyq meshitke bas súghyp, jamaghatpen jýzdeskenbiz. Namazhandardyng negizgi deni jastar eken. «Kókeyde jýrgen qanday saualdarynyz bar?» dep edik, týrli súraqtar qarday borady. Erekshe esimde qalghany, jap-jas jigittin: «Ózderinizge belgili bizding elden Siriyadaghy soghysqa 40  bala «jihad» dep attandy. Ondaghy músylman bauyrlagha kómek qolyn sozamyz dep tórt qaruyn saylap otyrghandar ishimizde әli de bar. Osyghan ne aitasyzdar?» degeni boldy. Qapelimizde ne aitarymyzdy bilmey, azdap abdyrap qaldyq. Jezqazghangha bizben birge barghan QMDB-nyng nayb-muftiyi, Áziret Súltan meshitining bas imamy, Q.Joldybayúly: «Siriyadaghy jaghdayda músylman men músylman bir-birine qaru kezenip, maydandasuda. Kimdiki dúrys, kimdiki búrys ekendigi belgisiz.  Sondyqtan, Siriyagha jihad dep attandaudyng esh reti joq» dep jauap berip, jamaghattyng kýpti kónilin ornyna týsirgendey boldy. Alayda, jamaghattyng ishindegi qysqa balaq, qyrma múrt, qaugha saqaldylardyng aiylyn da jimaghanyn anghardym. Sóitip, anyrayyp, abdyraghan kýimen meshitten shyqtyq.

Bizge jolbasshy bolyp jýrgen Sәtbaev meshitining imamy Baghdauletten «Janaghynyng aitqany aqiqat pa?» desem, ol: «IYә, aitqany ras» deydi. Múny estip, qazaq jastaryna aidyn kýnning amanynda jyly tóseginen týnilip, qan maydangha attanatynday ne kórindi dep, aza boyym qaza boldy» (Múqan Isahan. «Siriyadaghy soghysqa 40 bala «jihad» dep attanypty...» http://abai.kz/node/39836)

Keshe Pavlodar soty  Siriyadaghy soghysqa baryp qaytqan Ekibastúzdyng qos túrghynyna  ýkim kesti dep habarlaydy KTK arnasy.

«Azamat Qazbaev jazasyn jalpy rejimdegi koloniyada ótkizetin bolsa, Ábusalam Myrzabaev jasaghan qylmysynyng auyrlyghyna baylanysty qatan   tәrtiptegi týrmening birine qamalmaq. Al, ótkende ghana aiyptylar oryndyghynan tóbe kórsetken Berik Jaqypov pen Boris Myrzabaev ekstremistik toptardy qarjylandyrghany ýshin 3 jyl shartty merzimge kesilip otyr. Sot zalynan bostandyqqa jiberilgen Myrzabaevtardyng ýlkeni 30 jasta, búryn sottalmaghan. Al onyng 27 jastaghy inisi Ábusalam 2008 jyly alayaqtyq jasap, eki jyl jazasyn ótep shyghypty. Ayta ketu kerek, búl is bir jylgha juyq tergeldi. Adasqan tórteuding tuystary ýkim shygharylghan sәtte kóz jasyna erik berdi. Sodyrlardyng arasyna týskeninen bólek, әskery jattyghudan ótken qos ekibastúzdyq Tayau Shyghysqa týp-túqiyanyn týgeldey kóshirip almaq bolghan eken.

http://www.ktk.kz/kz/news/video/2014/03/20/19341.

Abai.kz