Resey – jer aumaghy jaghynan әlemdegi eng ýlken memleket. Sóite túra qazaq jerining de biraz bóligin menshiginde ústaydy. Júmystary - әskery synaq jasaydy, zymyran úshyrady, raketa qúlatady. Týsiniktirek aitsaq, Reseyden oq atady, ony Qazaqstandaghy poligon «kýtip» alady. Ártýrli әskery qarular jasap, sony synap kóredi. Eng qarapayymy - Bayqonyrdan zymyran úshyryp, qaldyqtaryn Qostanaygha qúlatady. Qazirge bizge belgilisi osynday 7 poligon bar. Beyresmy mәlimetterge sýiensek, olardyng kólemi 12 million gektardan astam. Al aqysy әr gektaryna 400 tengeden aspaytyn kórinedi.

Keshe ghana «QazGharysh» agenttigining tóraghasy Talghat Músabaev әdettegidey tosyn janalyqtarymen bólisti. Músabaevtyng «janalyghyna» qaraghanda, Qúdayy kórshimiz Resey Raketa qúlatugha taghy bir jer súrap otyr eken. Oghan Soltýstik Qazaqstan oblysyn layyqty dep tauypty.

Ekinshi janalyq, «QazSat-2»-ning qyzmetin 2016 jyldan keyin ghana paydalana alamyz. Esesine «QazSat-3»-ti úshyryp jiberdik. «QazSat-1» izdeude.

Ýshinshi janalyq, Agenttik tóraghasynyng aituynsha, «Proton» zymyranynyng otyny -geptili óte ziyandy, biraq ol turaly tis jarugha bolmaydy.

Sóitip, asa senimdi, beybit-yntymaqtastyqty tu etken strategiyalyq әriptesimiz Reseyding qazaq jerine ansary auyp-aq túr. Ózderinde jer jetpeydi.

10 sotok jerdi armandap jýrgen qazaq ýshin million gektar jer turaly oilanu asa qiyn, әriyne. Degenmen qúlaghdar bola jýrinizder.

Haziret Ábdilda

Abai.kz