رەسەي – جەر اۋماعى جاعىنان الەمدەگى ەڭ ۇلكەن مەملەكەت. سويتە تۇرا قازاق جەرىنىڭ دە ءبىراز بولىگىن مەنشىگىندە ۇستايدى. جۇمىستارى - اسكەري سىناق جاسايدى، زىمىران ۇشىرادى، راكەتا قۇلاتادى. تۇسىنىكتىرەك ايتساق، رەسەيدەن وق اتادى، ونى قازاقستانداعى پوليگون «كۇتىپ» الادى. ءارتۇرلى اسكەري قارۋلار جاساپ، سونى سىناپ كورەدى. ەڭ قاراپايىمى - بايقوڭىردان زىمىران ۇشىرىپ، قالدىقتارىن قوستانايعا قۇلاتادى. قازىرگە بىزگە بەلگىلىسى وسىنداي 7 پوليگون بار. بەيرەسمي مالىمەتتەرگە سۇيەنسەك، ولاردىڭ كولەمى 12 ميلليون گەكتاردان استام. ال اقىسى ءار گەكتارىنا 400 تەڭگەدەن اسپايتىن كورىنەدى.

كەشە عانا «قازعارىش» اگەنتتىگىنىڭ توراعاسى تالعات مۇساباەۆ ادەتتەگىدەي توسىن جاڭالىقتارىمەن ءبولىستى. مۇساباەۆتىڭ «جاڭالىعىنا» قاراعاندا، قۇدايى كورشىمىز رەسەي راكەتا قۇلاتۋعا تاعى ءبىر جەر سۇراپ وتىر ەكەن. وعان سولتۇستىك قازاقستان وبلىسىن لايىقتى دەپ تاۋىپتى.

ەكىنشى جاڭالىق، «قازسات-2»-ءنىڭ قىزمەتىن 2016 جىلدان كەيىن عانا پايدالانا الامىز. ەسەسىنە «قازسات-3»-ءتى ۇشىرىپ جىبەردىك. «قازسات-1» ىزدەۋدە.

ءۇشىنشى جاڭالىق، اگەنتتىك توراعاسىنىڭ ايتۋىنشا، «پروتون» زىمىرانىنىڭ وتىنى -گەپتيل وتە زياندى، بىراق ول تۋرالى ءتىس جارۋعا بولمايدى.

ءسويتىپ، اسا سەنىمدى، بەيبىت-ىنتىماقتاستىقتى تۋ ەتكەن ستراتەگيالىق ارىپتەسىمىز رەسەيدىڭ قازاق جەرىنە اڭسارى اۋىپ-اق تۇر. وزدەرىندە جەر جەتپەيدى.

10 سوتوك جەردى ارمانداپ جۇرگەن قازاق ءۇشىن ميلليون گەكتار جەر تۋرالى ويلانۋ اسا قيىن، ارينە. دەگەنمەن قۇلاعدار بولا جۇرىڭىزدەر.

حازىرەت ءابدىلدا

Abai.kz