SIYRDAN SÚRANYZDAR...
Synnan kóz ashpaytyn, biraq qútty kreslosynan qashpaytyn, basqa salagha eki ayaghyn tirep, ólse de baspaytyn auyl sharuashylyghy ministri Qimyldamas Kadrbaev ýkimet saghatynan ýtiktelmey shyqqany sol, tilshiler qorshay qaldy. Ministr búl joly kónildi, ynyldap әn aityp kele jatqan: «Chiyp–chiyp–chiyp, Mariya magdalena, o–o–o!» dep...
–Keshiriniz, 150-shi arnanyng tilshisi edim, biyl astyq bitken qar astynda qaldy... Obal emes pe?
–Ony aua rayynan súranyz...
–«Qisyq» arnasynanmyn, qay bir jyly shetelden satyp alynghan siyrlardyng bәri SPID bolyp shyqty ma, әiteuir órtep óltirdinizder...
–Ony siyrlardan súranyzdar...
–«ABVGD» arnasynan súraq berip túrmyn: orynbasarynyz sottaldy, siz otstavkagha ketemin dep ediniz?
–Ony preziydentten súrandar...
–Keshiriniz, azyp ketipsiz?
–Ony әielimnen súranyzdar...
–Mәjiliste esep berip jatqanynyzda, deputattar birtindep minberge shyghyp, basynyzdan sipap jatty. Nege?
–Ony sipaghandardan súranyzdar...
–Tipti bir deputat: «Siz basqa salagha bastyq bolyp kete kórmenizshi, ótinemiz... Bastaghan isinizdi kim isteydi? Qúday ýshin jyly ornynyzda qalynyzshy, dalada kýn suyq...» dedi. Ne ýshin?
–Ony ózinen súranyz...
–Endigi jyly nan qymbattamaydy ma?
–Ony endigi jyldan súranyzdar!
–Sharua qojalyqtarynda siyrlar ish tastap jatqan kórinedi?
–Ony búqalardan súranyz...
–Otandyq kólikti nege minbeysiz?
–Ony shopyrymnan súranyz!
–Sonda sizden ne súraymyz?
–Sony ózim de bilmeymin...
–Siz kóp synalasyz. Sonda da bylq etpeysiz... Nege?
–Ony Negeden súranyz?
–Qyzyq ministr ekensiz...
–Qyzyq emes ministrden súranyz...
–Týsinizde sheteldik asyl túqymdy siyrlardy kóresiz be?
–Ony týsimnen súranyz...
–Budjetten bólingen qarjyny ashqaraqtar jep jatyr. Soghan qarnynyz ashpaydy ma?
–Ony asqazanymnan súranyz...
–Deputattar búl joly basynyzdan sipady, halyq basynyzdan sipamasa she?
–Ony halyqtan súranyz.
–Súraqtargha jauap berginiz kelmeydi. Nege?
–Súraqtardan súranyz... Al, men kettim!
Ministr portfelin sipap qoyyp, biylik dәlizinde shirene ketip barady. Kónili kóterinki. Ysqyryp qoyady: «Chiyp–chiyp, chiyp...»
Múhtar ShERIM.
Qazaqstan jazushylar odaghynyng mýshesi, «Qazaq әdebiyeti» gazetining laureaty, jazushy-syqaqshy, Respublikalyq «Ara» gazetining arnauly tilshisi Múhtar Sherim kórnekti satiriyk, qogham qayratkeri, shymshyma sheberi Shona Smahanúlynyn 90 jyldyq mereytoyyna oray ótken «Shoq tildi Shona» atty felietonshylar bәigesining bas jýldesin iyelelenip qaytty.
