Sergey Kulagin degen kisi bar. Qazir Aqmola oblysynyng әkimi. Búryn da әkim bolghan: osy Aqmola oblysynda (1998 j), sodan song Qostanay oblysynda 2004-ten 2012 jylgha deyin. Bú kisi Qostanay oblysyn úzaq jyl basqarghan kezinde әkimnen «әuliyege» ainalyp kete jazdady. «Isa payghambardyng Erusalimge kelui» atty әigili kartinadaghy Qúday úlynyng sonynan ergen hauarilardyng qataryna Sekeng de seltiyip baryp «túra qalypty». Qostanay jaqta, kóshening tilimen aitqanda, «jyndy» bir suretshi bar. Sergey Vitalievichten «әuliye» jasap jýrgen sol. Oblystyng qazirgi әkimi Núraly Sәduaqasovty da «quyrshaq» qylyp qoyghan әlgi qu (http://abai.kz/post/view?id=1700). Núraly ózining «quyrshaq» ekendigin bek moyyndasa kerek, ýnsiz jýr, al, Sergey «әuliye» oblys әkimdiginen sekirip senat deputattyghyna taghayyndalghan (bizde senat deputattary saylanbaydy, taghayyndalady!). Sodan Auylsharuashylyghy jerlerin damytu men tabighy ortany paydalanu deytin be, bir týsniksiz komiytetti basqaryp jýrip aqyrynda Aqmola oblysy әkimdigine qaytyp oralghan-dy.

Sergey... sozsang qolyng jetpeytin búlttan әrmen biyiktegi lauazymdy qyzmetterdi erttep minip alghan búl kim ózi? Eshkimde emes. Sovet ókimetining qara nanyn jep ósken sary bala. Enbek jolyn da sýiikti partiyasynyng talabyna say qara júmysshylyqtan bastaghan. Tausyp oqyghany – búrynghy Selinograd oblysyndaghy Auylsharuashylyghy instituty. Sol oqu orynyn bitirgen song jigitimiz auylyna qaytyp barady. Injener bolady. Jorghalap jýrip Almatydan Joghary partiya mektebin bitirip alady. Torghay oblysynda deputattyqqa saylanady. Sóitip jýrgende Tәuelsizdikting tany atady. Kulaginderding tany. Qazaqstandy biylep-tósteytin jana alpauyt kýshterding tany. 1992 jyly Torghay oblysy әkimdigining apparatyn basqarghan Kulagin 1993 jyly QR Permier-ministrining orynbasralyghyna bir-aq qarghidy. Jana,jaryq kýn, araylap atqan tang osynday bolmaghanda qanday bolady endi? Attap basqan qadamyndy andyp otyratyn búrynghy biylik, saqqúlaq kommunister joq, qalay yrghyn ómir sýremin deseng de erkin. Qysqasy, Kulaginderge qazaq Tәuelsizdigi balkýlshe ústatty da, baylyq pen biylikke keneltti. Qazir sonyng ózi Sergey myrzanyng taqiyasyna tar kelip jýrgenge úqsaydy. Onyng keybir jymysqy әreketteri sony bildiredi. Sony bildiredi dep otyrghanymyz: ótkendegi Qoyandy oqighasy. Qoyandy auylynda júrt (atalghan auyl okrugi Aqmola oblysynyng Selinograd audanyna qaraydy) 2007 jyldan bastap jer alyp, baspana túrghyza bastaghan. Yng da joq, shyng da joq. Kerisinshe, «Qoyandy auylynda alystan kelgen aghayyngha arnalyp jer berilip jatyr eken. Bauyrlarymyz ýy salyp, ózderinshe bir auyl bola bastapty» degen jyly habar jetetin qúlaghymyzgha. Endi mine, sol Qoyandynyng irgesi shayqala jazdady... jәne Elbasymyz ózi bastap kósh mәselesine enserile kónil bólgen kezde. Búl neni bildiredi? Búl Kulaginning qulyghyn bildiredi. Preziydent Nazarabaev Astana qalasyn tughan perzentindey sýietini beseneden belgili. Sondyqtan abat shahardyng ainalasy tap-túinaqtay bolyp túrghanyn da qalaydy. Osyny jaqsy biletin Aqmola oblysynyng biyligi Qoyandydaghy ýilerding qaysybirin sýrip tastaytyn bolyp jinigip shygha keldi. Al, baspana ýshin qazaq otqa da, sugha da týsuge dayyn. Ony Almatydaghy «Shanyraq oqighasy» әigilegen-di. Aqmola biyligi Qoyandydan sol Shanyraq shataghyn dәmetti. Biraq, «ókinishke» qaray, órt órshy qoymady. Nazarbaevtyng ózi kóship keluin qalap otyrghan aghayynnyng Atajúrttaghy shoghyryna ózgelerding de osy joly tisi batpady. Solay. Áytpese...

Áytpese, Qoyandy jyry qazaq kóshin taghy birer jylgha keri serpip tastaghangha jetip qalar edi. Mysaly, Janaózen oqighasy siyaqty. Esimizde shyghar, Janaózen oqighasy barysynda Qazaqstanda qazaqtyng molaya bastaghan qarasyn kórgisi kelmeytinder «bәrine oralmandar kinәli» dep bet baqtyrmaghan-dy. Sol kezde biz qazaq kóshi Nazarbaevtyng strategiyalyq sayasattarynyng biregeyin qamtitynyn aityp tausylghan edik. «Egemennin» tilimen aitqanda, «Elbasymyzdyng syndarly sayasatynyn» biri – kósh mәselesi. Elbasymyzdyng syndarly sayasatyna bildirmey sabotaj jasap jýrgenning biri – Sergey Kulagin deytin kisi. Biz sony, syndarly sayasatqa ishi qarsy adam turaly, әzirshe sypayylap aitqandy ghana jón kórdik.

Abai.kz