Qazaqstan Respublikasy Parlamenti

Mәjilisining deputaty Darigha Núrsúltanqyzyna

AShYQ HAT

Qúrmetti Darigha Núrsúltanqyzy!

          Men Bosynova Ayda Bolatqyzy Jambyl oblysy, Shu audany, Aqtóbe auylynyng túrghynymyn. Kóp balanyng anasymyn. Ýsh úl, eki qyzym bar. Joldasym Eshmahanbetov Núrhat júmyssyz, men de ýy sharuasyndaghy әielmin.  Biraq óz auylymyzda óz tirshiligimizdi keshudemiz.

         Mening Sizge osy ashyq hatty jazu sebebim, auylymyzdyng әkimi Baydauletov Baghlan mening joldasymmen óshteskendigine biraz uaqyt ótti. Sol mening joldasyma degen óshpendiginin, arazdasuynyng saldarynan bizge de kesiri tiyip jatyr. Atap aitqanda әkim B.Baydauletov ýige kelip: "Kýieuindi týrmede shiritemin" dep, balaghattap, ar-namysymdy qorlaytyn sózder aityp, meni de qorqytty. Altynshy balama jýkti edim, alty aptada tiri bolghan balam sonyng kesirinen segiz aptada ólip qaldy.

       Osy ishtegi altynshy balamdy aman-esen bosanyp,  Elbasy N.Á.Nazarbaevtyng Jarlyghymen "Kýmis alqa" alamyn ba dep ýmittenip otyrghanda, osynday jaghdaygha úshyradyq. Osy jaghdaydy Shu audany әkimi B.Núrkenovke de kirip aityp edim, biraq auyl әkimi B.Baydauletovtyng sózin sóilep maghan túshymdy jauap ta bermedi. Audan әkimi osy is boyynsha komissiya qúryp qaraghanday boldy, biraq, sol komissiya mýshelerining barlyghy da әkim B.Baydauletovtyng sózin sóilep, mening aryzymdy tek bir jaqty qarady. Sóitsem Shu audany әkimi janynan qúrylghan komissiyagha mening jeke ómirim, bolashaq ómirge keletin balanyng taghdyry, jalpy adam taghdyry qajet emes eken. Olargha tek ózderining sybaylasy bolghan, naghyz zúlym B.Baydauletovtyng qylmystaryn jauyp, adam óltirgish әkimdi aqtau ghana eken. Tipten osy jaghdaymen men Shu audanaralyq prokuraturagha da aryzdandym, biraq olar da әkimning sózin sóiledi. Sonda biz sekildi qorghansyz qara halyqtyng sózin kim sóileydi, múnyn kim múndaydy?! Ata zanymyzda atalghan eng basty baylyghymyz – adam ómirining qúny bolmaghany ma sonda?

       Tipten mening B.Baydauletovtyng ýstinen audan әkimdigine jazghan aryzymnan keyin ,  B.Baydauletov bizding ýige taghy da kelip: «Balanmen birge endi ózindi de óltiremin, mening kim ekenimdi bilmeydi ekensinder, mening sózimdi audan, oblys, tipten respublikagha deyin sóileydi, maghan eshkim eshtene istey almaydy. Bәrin aqshamen satyp alghanmyn» dep, kýnde andityny biz boldy. Bizding kýn kóruimizding ózi múng boldy, tipten auylda túrady degen anyqtamanyng ózin bermey otyr әkim. Tipti Elbasynyng sózderin aitsaq ta eshteneden taysalar emes, Elbasy tapsyrmalaryn qúlaghyna da iler emes.

       Elbasymyzdyng sayasaty auyldy gýldendiru, kórkeytu, auyl halqynyng jaghdayyn barynsha jasau, al auyl әkimi B.Baydauletovting kózdegeni Elbasymyzdyng osy sayasatyna qarsy kelip, tek kózdegeni óz paydasy, jeke qamy. Auyl әkimi B.Baydauletov men sekildi qanshama auyl halqynyng kóz jasyna qalyp otyr, qolastynda júmys isteytin jetim-jesirlerding ózinen aqsha talap etip júmystan qughandyghyna qansha auyl halqy kuә. B.Baydauletovting súraghan aqshasyn der kezinde tauyp bere almaghan qaramaghyndaghylardyn  qalay júmystan qughyndalyp, aqyry júmystan ketkenine auyl kuә. Onday mysaldar kóp, biraq men óz basymdaghy jaghdaydy ghana bayandap otyrmyn.

            Qúrmetti Darigha Núrsúltanqyzy! Qazaq halqynyng deni auylda túrady, qazaqylyghymyzdyng qaymaghy da auylda saqtalghan.  Al, óz isin para arqyly bitirip, jemqorlyq jolmen ghana qylmysyn jabatyn, memlekettik sayasatty tipti týsinbeytin, tipti óz aty-jónin jaza bilmeytin, asqan sauatsyz, ózi zalym B.Baydauletov sekildilerding auyl halqyn basqaruy Elbasymyzdyng sayasatyna  qaramy-qayshy bolyp túrghandyghyn býkil el týsinip otyr. Biraq әkim B.Baydauletov aitqanday: «Bәrin satyp alghannan son» eshteneni de dәleldey almaydy ekensin.

        Ótken jyly B.Baydauletovtyng qalay zansyz jolmen saylanghandyghyn, ony Shu audany basshylyghynyng qanday jolmen «saylaghandyghyna» kuә bolyp edik. Endi mine...

         Men Sizden júmys súramaymyn, basqa da әleumettik kómek te súramaymyn, tek súrarym әbden jýgensiz ketken, sózin audan, oblys sóilep otyrghan auyl әkimi B.Baydauletovten arasha boluynyzdy súraymyn.

      Osy ashyq hatqa qosymsha jogharyda aryzda aityp ótken ishtegi balamnyng alty aptada tiri bolghandyghy, jәne auyl әkimining meni әdeyi kelip qorqytqannan keyin ólgendigi turaly medisinalyq anyqtamalarymdy tirkedim.

        Qúrmetti Darigha Núrsúltanqyzy!

       Mening janayqayymdy óziniz sekildi elge janashyr basshylar ghana týsinip, tiyisti nәtiyje shyghatyndyghyna, jýgensiz ketken basshylardyng qylmystaryna tosqauyl bolatyndyghynyzgha senimim kәmil.

Abai.kz