Jyl basynan beri Atyrau qalasynyng irgesindegi Damby auylynyng túrghyndary tyndaghan adamnyng tóbe qúiqasyn shymyrlatar tosyn oqighalardyng eriksiz kuәsi boluda. Alghashynda auyldyng tórt er adamy óz-ózine qol júmsasa, keyinnen eki әiel adam qútyrmaly jýike auruyna úshyraghan. Basynda  múnyng barlyghyna eshkim de jete mәn bermegen edi. Alayda, qazan aiynyn  songhy on kýni  ishinde taghy da eki adamnyng óz-ózine qol júmsaghanyn,   aragha azghantay uaqyt salyp, taghy da eki adamnyn   jyndanyp auyrghanyn kórgennen keyin dambylyqtar  shybyn jandaryn qayda saqtaryn bilmey shyrqyrauda.  Auyl túrghyndary ekindi týspey jatyp esik-terezelerin tas qylyp bekitip alatyn boldy. Tipti kýndizding ózinde   kóshege shyghatyndardyng qatary siyrep, oiyn balalary eriksiz ýige tyghyldy. Keybireuler «auyldy shyn-shaytan iyelendi» dese, endi bireuleri «aqyrzamannyn» jaqyndap qalghanyn aityp, ýrey otyn odan sayyn ýrley týsude.

Bolghan oqighagha qatysty  Qazaqstan músylmandary  diny basqarmasynyn  Atyrau oblysy boyynsha  ókil imamy BAQ ókilderine bergen týsiniginde: «Jyn degen bizge  Qúran men hadisten  belgili maqúlyq. Perishteler adamdargha  payda keltiru ýshin núrdan jaratylsa, jyn-shaytan adamdargha qarsy әreket jasaydy. Biz búdan bir-eki apta búryn Damby auylynda  adamdar  ózderine qol júmsap, jeligip auyryp qalghandyghy turaly estigen bolatynbyz. Osyghan oray men meshitting bas imamy retinde  qala meshitterining imamdaryn eritip, sol jerde boldym. Halyqty jinap, týsinik júmystaryn jýrgizdik. Jalpy , jyn-periler las jerlerde jýredi.  Sondyqtanda  tek  jeke bastyng ghana emes, ainalanyng da tazalyghyna  kónil bólgen jón» dep,auyl, qala túrghyndaryn sabyrlylyqqa  shaqyrghan.

Damby auylyndaghy  beykýnә adamdardy óz-ózine qol júmsaugha mәjbýrlep, aqyl -esten aiyru bizding sana-sezimimizge týsiniksiz tylsym kýshting әserimen jýrip jatyr ma, joq әlde ekologiyalyq ahualdyng әseri me, dәl qazir oghan  eshkim jauap taba almay otyr. Múndayda ata-babamyz auru shyqqan, qasiretke úshyraghan  ýilerdin  ainalasyn jyn-shaytannan alastap,  qúrbandyq shalatyn.  Aruaqtargha baghyshtap qúran oqytatyn...

Boranbay Ghaliyev

Atyrau oblysy

Abai.kz