– Erlan Hadjymúratúly, aldymen oqyrmandarymyzgha әleumettik-kәsipkerlik korporasiyasynyng qúryluy jayly aityp, negizgi mindetterimen tanystyrsanyz. El ekonomikasyn jana belesterge kóterip, ony әrtaraptandyrugha ýles qosatyn, kәsipkerlerdi iri investisiyalyq jobalargha tarta otyryp, biznesti jana óristerge shygharugha septesetin memlekettik-jeke әriptestik turaly týsinikteme berseniz.

 – «Jetisu» əleumettik-kəsipkerlik korporasiyasy» Últtyq kompaniyasy» aksionerlik qoghamy el kólemindegi barlyq korporasiya siyaqty Elbasy Núrsúltan Nazarbaevtyng Joldaularyn jýzege asyru maqsatynda jəne Qazaqstan Respublikasy Ýkimetining Qaulysy negizinde qúrylghan. Jalpy, búl korporasiya biznes qúrylym bolyp tabylady. Biraq, kommersiyalyq korporasiyalargha qaraghanda, alynghan paydany ónir halqynyng әleumettik jәne ekonomikalyq maqsattaryn jýzege asyru ýshin qayta investisiyalaydy. Múny qúrudaghy negizgi maqsat – oblystyng ekonomikalyq jәne әleumettik damuyna memlekettik jәne jeke әriptestikti shoghyrlandyru arqyly jәrdemdesu. Osy jerde aita keteyin, biz tórt negizgi baghyttan túratyn agroónerkәsiptik keshen, energetikalyq sala, qúrylys sektory, ýdemeli industriyaldy-innovasiyalyq damu baghdarlamasy shenberindegi jobalargha qatysamyz. Al memlekettik jeke әriptestikti jýzege asyru tetikteri әrtýrli bolyp keledi. Sonymen birge memlekettik, shaghyn jәne orta kәsiporyndardy qalpyna keltiru jobalaryn jýzege asyrugha atsalysyp, solardyng negizinde bәsekege qabiletti jana óndiristerdi, memlekettik menshikten berilgen aktivterdi tiyimdi basqaru esebinen tehnologiyalardy damytugha septigin tiygizedi. Múnymen qosa óniraralyq joldar, suqúbyrlary, elektr stansylary, jol boyyndaghy serviys, taghy sol siyaqty manyzdy infraqúrylymdyq jobalardy oryndaugha yqpal etedi. Sonday-aq, auylsharuashylyghy, kólik, ónerkәsip salalaryna shaghyn jәne orta kәsipkerlik subektilerin tartu men klasterler qúrugha jәrdemdesu de osy júmystardyng qatarynan tabylady. Innovasiyalyq qyzmetti damytugha jaghday jasap, әleumettik jaghdaylardy sheshu mәseleleri de bizding mindetterimizding biri.

– Óziniz bilesiz, songhy jyldary qant qyzylshasyn molynan ósiruge basa mәn berile bastady. Elbasynyng Jetisu ónirine kelgen issapary kezinde qyzylsha sharuashylyghyn jandandyrugha qatysty bergen tapsyrmasyn oryndau maqsatynda biyl ónir sharuashylyqtarynyng aldyna qyzylsha egistigi kólemin tórt myng gektargha jetkizip, ónimdiligin jýieli týrde arttyru mindeti qoyyldy. Osyghan oray sharualardyng jer telimderin dayyndauyna, túqym sebuine, tynaytqysh jәne tehnikalarmen qamtamasyz etiluine qajetti jaghdaylar qarastyryldy. Osyghan sizderding de qosqan ýlesteriniz bar ghoy.

– Áriyne, «Jetisu» әleumettik- kәsipkerlik korporasiyasy» Últtyq kompaniyasy» aksionerlik qoghamy aghymdaghy jyly «Qant qyzylshasy» mamandyghy boyynsha barlyghy 938,9 million tengege «Almaty oblysynyng auylsharuashylyghy ónimderin óndirushilerine mashina-traktor stansylar qyzmetin kórsetu jónindegi servistik dayyndau ortalyqtaryn qúru jәne úiymdas- tyru» jobasyn jýzege asyruda. Qazirgi kezde bizde atalghan joba ayasynda Qaratal, Kóksu, Eskeldi jәne Sarqan audandaryndaghy jeti servistik dayyndau ortalyqtaryna 161 birlik auylsharuashylyghy tehnikasyn jetkizuge shart jasaldy. Qoyylghan mindetterdi oryndau ýshin tәtti týbir egumen ainalysatyn audandardyng sharua qojalyqtarymen birge Sarqan audanynda «Qazyna», Qaratalda «Algha», Kóksuda «Alan», Eskeldi audanynda «Qarabúlaq», «Mynbúlaq», «Shaghan» dep atalatyn servistik dayyndau ortalyqtary jauapkershiligi shekteuli seriktestikteri qúryldy. Osy joba ayasynda Sarqan audanynda da «Qoylyq» servistik dayyndau ortalyqtaryn qosymsha jinaqtau kózdelip otyr. Ózderiniz bilesizder, songhy jyldary auylsharuashylyghy tehnikalarynyng tozyghy jetip, әbden eskirdi. Taldyqorghan ónirinde de osynday tehnikalardyng tozu dengeyi toqsan payyzdy qúraydy. Sondyqtan, qant qyzylshasynyng egistik alqaptaryn keneytuge mýmkindik beretin zaman talabyna say ýnemdi tehnologiyalardy engizip, jana mamandandyrylghan tehnikamen jaraqtandyru býgingi kýnning basty talabyna ainalyp otyr. Osy maqsatta tehnikany satyp alyp, olardy servistik dayyndau ortalyqtaryna, keyinnen jeke menshigine jenildetilgen talaptarmen auystyru maqsatynda qarjy lizingine tapsyryluda. Qazirgi uaqytta dala júmystaryn jýrgizu ýshin qajet barlyq tehnika qarjy lizingine berildi. Qalghan egin jinau tehnikasynyng bes birligi servistik dayyndau ortalyqtaryna qyzylshany jinau mausymynda ýlestiriletin bolady. Eskere ketetin taghy bir mәsele – әrbir qúrylatyn osynday ortalyq – qyzmetti tútynatyn auyl- sharuashylyghy tauar óndirushileri satyp alynghan tehnikany auylshar- uashylyghy ainalymyna tartu ýshin bes jýz gektardan kem emes egistik alanynda júmys atqarugha eseptelgen. Tórt jýzden asa túraqty jana mausymdyq enbek oryndary qúryldy. Jyl basynan beri osynday jeti ortalyq qant qyzylshasyn egu baghytynda 31,2 mln. tengening qyzmetin kórsetip, jalpy 8,8 myng gektar jer óndeldi. Býgingi tanda barlyq alqapta egistikti baptau jóninde agrotehnologiyalyq júmystar jýrgizilude. Kóksu audanyndaghy «Alan» servistik dayyndau ortalyghynda 1400 gektar óndelip, Jarlyózek, Múqanshy jәne Enbekshi auyldyq okrugterining toghyz sharuashylyq jýrgizushi subektilerine qyzmet kórsetilude. Múnday ister Qaratal, Sarqan audandaryndaghy «Algha», «Qoylyq» servistik dayyndau ortalyqtarynda da jýzege asyryluda. Qant qyzylshasynyng barlyq egistik alqaptarynda agrotehnologiyanyng normativtik talaptary saqtalghan. Sonymen birge bolashaqta tәtti týbirding egistik alqaptaryn keneytu ýshin auylsharuashylyghy ainalymyna búryn paydalanylmaghan jәne iyesiz jerlerdi tartu mәselesi de nazardan tys qalyp otyrghan joq. Servistik dayyndau ortalyqtaryn jәne sharua qojalyqtaryn qant qyzylshasynyng sapasy joghary elitalyq fransuzdyq túqymdarymen qamtamasyz etu sharuasy da qolgha alyndy. Osylaysha, enshiles kәsiporyn – «JetisuAgroSauda» jauapkershiligi shekteuli seriktestigi men «PAT MEZON FLORIMON DEPRE» dep atalatyn fransuz kompaniyasynan qyzylsha túqymy satyp alynyp, óz uaqytynda sharua qojalyqtaryna ýlestirildi. Egistik materialy attestasiyalyq әreketterden ótti. Osy daqyldyng túqymyn satu, satyp alu boyynsha sharua qojalyqtary men «Jetisu-AgroSauda» jauapkershiligi shekteuli seriktestikteri arasynda eki jýzden asa shart jasaldy. Jobany jýzege asyru barysy búqaralyq aqparat qúraldarynda keninen jariyalanuda. Mysaly, jaqynda ghana «Dala kýni» baghdarlamasynyng birinshi kezeninde Kóksu audanynyng auylsharuashylyghy qojalyqtarynda sheber-klass jәne dualdy oqytumen seminar-kenes ótkizildi. Sharualar onda jana agrotehnologiya jәne biohimiya ónerkәsibi ónimderimen tanysty. Qyzylsha egetin sharualargha jana tehnikalar berildi. Dala kýnining ekinshi kezeni Eskeldi audanyndaghy «Hilinichenko» sharua qojalyghynyng alqabynda da ótti. Ol jerde diqandar qant qyzylshasyn ósiruding týrli әdis-tәsilderinen habardar boldy. Ýshinshi kezeni ónimdi jinau kezinde jýrgiziledi degen oidamyz. Aghymdaghy toqsanda Balqash audanynyng Miyaly kentinde 5400 tonnalyq kókónis qoymasyn tolyqtay iske qosu josparlanyp otyrghanyn atap ótken jón. Yaghni, búl audannyng barlyq auylsharuashylyghy tauar óndirushilerining kókónis daqyldaryn saqtauyna mýmkindik berip, jana júmys oryndarynyng qúryluyna septigin tiygizbek.

– Atalmysh korporasiya agrarshylardy qoldau baghytynda salalyq baghdarlamalardan basqa taghy qanday júmystardy jýrgizip jatyr? Shaghyn nesiyelendiru boyynsha qanday oy qosar ediniz?

– Bizding korporasiya ónirdi damytu maqsatynda 2011 jyldan bastap «Júmyspen qamtu jol kartasy – 2020» memlekettik baghdarlamasyna qatysyp keledi. 2011– 2014 jyldar aralyghynda baghdarlamanyng alty jýz jetpisten asa qatysushysyna shaghyn nesiyeler berildi. Audandargha qarasty auyldyq jerlerdegi kәsippen ainalysushylar osy qarajatqa ózderining kәsipterin jýrgizuge arnalghan nysandar ashyp, jergilikti túrghyndargha qyzmet kórsetude. Sonymen birge shashtarazdar, tehnikalyq jóndeu ortalyghy, ashana, dәmhana, qymyzhanalar men fotobeyne salondary, tigin jәne teleradio sheberhanalary, fitnes klub, tis emdeu kabiynetteri, qonaqýiler, balabaqshalar kóptep ashyluda. Al óndiris salasy boyynsha qosarlanghan jem óndirisi, qamys dayyndau, aghash óndeu, metall-plastikalyq terezeler jasau, jihaz sehtary, naubayhanalar, may tartu diyirmeni men qús fabrikasyn keneytu siyaqty sharualar da osylardyng qatarynan tabylady. Auyl- sharuashylyghyn óristetude de qolgha alynyp jatqan ister az emes. Mal jәne ósimdik sharuashylyghy men ara, baq ósiruge qúlshynys tanytyp otyrghan sharualar da ortamyzdan tabylady. Biyl ony jýzege asyru ýshin 507,4 million tenge kóleminde qarajat bólindi. Búl jeke isti ashugha jәne keneytuge arnalghan. Býgingi tanda Alakól, Sarqan, Aqsu, Qaratal, Kerbúlaq, Eskeldi, Kóksu, Rayymbek, Úighyr audandarynyng eki jýzden asa túrghyndary mal jәne ósimdik sharuashylyghy men qyzmet kórsetu salasynda ózderining biznes-jobalaryn jýzege asyruda.

– Sonday-aq, Sizder baqylauda ústaytyn dýkender men jәrmenkeler negizinen әleumettik manyzy bar azyq-týlik baghasyn túraqtandyrugha kýsh salady emes pe?

– Áriyne. Jalpy, qay kezde bolsyn naryqtyq baghanyng toqtausyz, baqylausyz ósuine memleket jol bermeydi. Sebebi, baghanyng negizsiz kóterilui halyqtyng әleumettik jaghdayyn tómendetip, túrmysyn nasharlatuy mýmkin. Mysaly, egistik alqaptarda ósirilgen kartop, sәbiz, piyaz siyaqty ónimderding bastap- qy baghasy bazarlar men sauda oryndaryna jetkenshe biraz ósedi. Búl, birinshiden, ónim óndirushilerge tiyimsiz, ekinshiden halyqtyng qaltasyna ekonomikalyq túrghydan aitarlyqtay ziyan keltiredi. Sol auylsharuashylyq ónimderi bazarlardyng alypsatarlaryna biz alatyn sharua qojalyqtarynan keledi. Sondyqtan, tauardyng shyghar jeri bireu-aq. Biraq, ekeuining baghasy eki basqa. Áriyne, bazarlargha jaqyn shet memleketterden keletin ónimder bolady. Mysaly, Qyrghyzstan, Qytaydan әkelinetin kókónister men jemisterding syrty kóz qyzyqtyr- ghanymen de, dәmi til ýiirmeydi. Onday ónimning paydasynan góri tiygizer ziyany kóp. Al, jergilikti diqandar ósirgen ónimderding sapasy jaqsy, әri densaulyqqa da paydaly. Ony qazir jergilikti halqymyz jaqsy týsine bastady. Sondyqtan, Ýkimetting bekitip bergen tәrtibi boyynsha «Jetisu» әleumettik kәsipkerlik korporasiyasy» Últtyq kompaniyasy» aksionerlik qoghamy auylsharuashylyq ónimderin jergilikti óndirushilerden ghana alugha mindetti. Biz olardyng baghasyn rettep otyramyz. Áleumettik manyzy bar azyq-týlik tauarlaryna baghany túraqtandyru maqsatynda korporasiya «Almaty oblysynyng ónirlik túraqtandyru qory» baghdarlamasyn jýzege asyryp keledi. Osynyng ayasynda negizgi tútynatyn azyq-týlik týri oblysta qúrylghan otyzdan astam sauda oryndary men auylsharuashylyghy jәrmenkelerinde saudalanady. Túraqtandyru qorynan azyq-týlik tauarlaryn saudalaudyng nәtiyjesinde olardyng baghasynyng qymbattauyna jol berilmeydi. Túraqtandyru qorynyng manyzdylyghy tengening auystyru kursy ózgergende de erekshe manyzdy oryn alady. Atalghan qordyng kýsheytilgen tәrtippen júmys isteui kezinde Almaty qalasynda jәne oblys ortalyghynda, qalalar men audandarda auylsharuashylyghy tauarlary avtokólikterde saudalanyp, apta sayyn jәrmenkeler úiymdastyrylady. Múnda negizinen túraqtandyru qorynyng ónimderi ótkiziledi. Osynday júmystar Taldyqorghan qalasyndaghy kommunaldyq bazarda da jýrgizilip keledi. Talghar, Ile, Qaratal, Enbekshiqazaq, Eskeldi audandary men Tekeli, Qapshaghay qalalaryna da әleumettik manyzy bar azyq-týlik ónimderi shygharylyp saudalanady. Áleumettik azyq-týlik tauarlary oblys әkimining ókimimen bekitilgen bagha boyynsha bazardaghydan 15-20 payyzgha tómen.

– Sóz orayy kelgende, Taldyqorghan qalasynyng aumaghynda qúrylysy jýrip jatqan kottedj qalashyghy turaly da aityp ótseniz?

– Jalpy, búl jobanyng negizgi maqsaty oblystaghy túrghyn ýy qúrylysyn damytyp, halyqtyng baspanaly boluyna jәrdemdesu. Taldyqorghandaghy kottedj qalashyghy aimaqtyng ontýstik-batysynda barlyghy 105,9 gektar aumaqty alyp jatyr. Búl jobanyng negizgi ekologiyalyq mindetterining biri halyqtyng qolayly ómir sýruine jaghday jasap, barlyq talapqa say qauipsizdikti qamtamasyz etetin orta qalyptastyru. Qalashyqta barlyq әleumettik, mәdeniy-túrmystyq nysandar túrghyzu qarastyrylghan. Kósheleri asfalittalyp, jol jiyekterin salu, abattandyryp, jasyl jelekpen kómkeru, kógaldandyru, gýlzarlar men alleyalar jasau siyaqty júmystar da nazardan tys qalyp otyrghan joq. Ótken jyldyng tamyzynda bizding korporasiya bes ýsh qabatty, toghyz pәterli túrghyn ýilerding qúrylysyna kiristi. Sol ýilerde bir, eki, ýsh bólmeli pәterler bar. Boy kótergen túrghyn ýilerding jalpy alany 3035 sharshy metrdi qúraydy. Býgingi tanda nysan qoldanysqa ótuge dayyndalyp, aumaqtarynda abattandyru júmystary jýrgizilude. Birinshi sәuirde «Bazis Taldyqorghan» jauapkershiligi shekteuli seriktestigi «Taldyqorghan qalasynda kottedj qalashyghynyng qúrylysy» investisiyalyq jobasyn birlesip jýzege asyru turaly birlesken qyzmet sharty jasaldy. Qazirgi uaqytta bir kottedjde qúrylys-jóndeu júmysy ayaqtalyp, nysan paydalanugha beruge dayyndaluda. Segizinshi shildede oblystyq kәsipkerler palatasynda «Taldyqorghan qalasynda kanadalyq SIP ýy salu tehnologiyasyn paydalanumen kottedj qalashyghynyng qúrylysy» investisiyalyq jobasynyng túsaukeseri ótkizildi. Onda kottedj qalashyghynyng aumaghynda SIP ýy salu tehnologiyasyn paydalanu turaly úsynysty dayyndau jóninde júmys tobyn qúru turaly sheshim qabyldandy. Býginde «Jetisu» ÁKK» ÚK» aksionerlik qoghamy «PolarSip-Kazakhstan» jauapkershiligi shekteuli seriktestigimen birge Taldyqorghan qalasyndaghy kottedj qalashyghynyng aumaghynda kottedjder salu jóninde investisiyalyq jobany jýzege asyrudy qarastyryp otyr. Aldaghy uaqytta búl audanda ýsh qabatty, toghyz pәterli ýilerding (360 pәterli 40 nysan), tanhaustar (284 pәterli 71 nysan), kottedj ýlgisindegi tórt jýz on zamanauy ýiler men alty jýz oqushygha arnalghan mektep, eki jýz oryndy eki balabaqsha men emhananyng qúrylysyn jýrgizu josparlanuda.

– Songhy jyldary memleket industriyaldy aimaqtardy damytugha da basa kónil bólip otyr. Múnyng aimaqtardyng ekonomikalyq ósip-órkendeuine, jana júmys oryndarynyng qúrylyp, elding әleumettik jaghdayynyng jaqsaruyna aitarlyqtay septigin tiygizetini ras. Osy baghyt boyynsha da iske asyrylyp jatqan júmys- tar bar shyghar?

 – Korporasiya Talghar audanynyng Qayrat stansysynda ornalasqan qolda bar jer teliminde industriyaldy aimaq qúru júmysyn jýrgizude. Býgingi tanda diyrektorlar kenesi «Qayrat» industrialdy aimaghynda tómende kórsetilgen investisiyalyq jobalardy iske asyryp, óndiris nysandaryn qoldanysqa engizgennen keyin jer telimin merziminen búryn satyp alu qúqyghymen jiyrma bes jylgha úzaq merzimdi jalgha berudi maqúldady. Mәselen olar almatylyq iri panelidi ýy salu kombinatynyn, bolat qú­rastyrmalar shygharatyn óndiris oshaghynyn, avtoklavty gaz-betondy bloktardy óndiretin zauyttardyng qúrylystary bolyp tabylady. Atalghan jobalardyng bastamashysy «Evraziya Lidjeko» jauapkershiligi shekteuli seriktestigi. Joba azamattyq jәne ónerkәsiptik qúrylysqa arnalghan sapaly ónim, avtomobili joldaryn salugha arnalghan materialdar, panelider men plastik esik-terezeler, jylytu zattary siyaqty toqsannan astam búiym týrin óndirudi kózdeydi. Búl jobada shamamen segiz jýz elu jana júmys ornyn qúru josparlanuda. Al beton jәne temir-beton búiymdaryn óndiretin zauyt qúrylysy jobasynyng bastamashysy «InterTehStroy» JShS-i desek, búl integrasiyalanghan zamanauy tehnologiyalarmen tauarlyq beton jәne temir-beton ónimderin shygharady. Onda beton jәne temir-beton qúrastyrmalary, aryq naualary, tauarlyq beton, jabyn plitalary shygharylatyn bolady. Atalghan joba oidaghyday iske asyrylatyn bolsa bes jýzge juyq jana júmys orny qúrylmaq. Al temirbeton búiymdary zauytynyng qúrylys jobasynyng bastamasyshy «Novaya Generasiya» JShS-i. Josparlanghan zauyttyng óndiristik quaty túrghyn alangha eseptegende 120 000 sharshy metrdi qúraydy. Zauyt temir-beton jәne beton búiymdarynyng barlyq týrin óndiredi. Dayyn ónim ónerkәsiptik jәne túrghyn ýy qúrylysyna, aumaqty abattandyru ýshin «Elitstroy» KT-nyng qúrylys keshenine, sonday-aq, qúrylys kәsiporyndaryna jәne jeke túlghalargha ótkiziledi. Búl jerde de bes jýzge tarta adam enbekpen qamtylady degen jospar bar. Kóbeytilgen kóbikti polisteroldan búiymdar óndiru zauytynda tәuligine 936 alynbaytyn aghash qalyp bloktary, qúrylys industriyasyna qajet basqa da ónimder óndiriledi. Múnda metall qúrastyrmalarynan material shygharatyn zauytta baghandar, bóreneler, jýgirtpeler, әrtýrli diametrli qúbyrlar, tirekter, úyaly baylanys dingekteri, standartty emes qúraldar shygharylady. Sonday-aq, quaty 5 MVt kýn elektr stansysy qúrylysynyng jobasyn jýzege asyruda oblysta elektr quatyn óndiru jәne ony memlekette tirkelgen tarif boyynsha ótkizu ýshin fotogalivanikalyq panelider negizinde elektr stansysyn salu josparlanuda. Qazirgi uaqytta jogharyda atalghan joba boyynsha jer telimining injenerlik infraqúrylymyn qamtamasyz etu ýshin tehnikalyq-ekonomikalyq negizdeme әzirlenude. Bolashaq industrialdy arna qatysushylary syrtqy kommunikasiyalarmen jәne injenerlik jýielermen qamtamasyz etiledi. Korporasiya әleuetti investorlarmen industrialdy aimaqtyng qalghan aumaghynda atalghan jobalardy birlesip jýzege asyru jәne ornalastyru turaly belsendi kelissózder jýrude. Al kópsalaly logistikalyq ortalyqtyng qúrylys jobasynyng bastamashysy «Tamasha» JShS-i. Qoymada úsynylatyn negizgi qyzmet «Jauapty saqtau» bolyp tabylady. Sonday-aq, EKSPO ayasynda Jambyl audanynda «Qazbek bek» stansysynyng janynda jasyl energetika salasy boyynsha investisiyalyq joba jýzege asyryluda. Birlesken nemis-qazaqstandyq «PROMONDIS KAZAKHSTAN» jauapkershiligi shekteuli seriktestigi kәsiporynyn qúru josparlanyp otyr. Ol quaty 25 MVt fotovolitaikalyq stansysyn qúrugha niyettenude. «JA Solar» kompaniyasynyng fotoelektrlik panelider qúrastyrmasy jalpy kýn elektr stansysynyng joghary senimdilikpen qorghaluyn qamtamasyz etedi.

– Oblysymyz agrarly aimaqtyng biri bolyp sanalady. Osyghan oray, Sizderding taraptarynyzdan qanday investisiyalyq jәne әleumettik jobalar oryndalyp jatyr?

– Qazirgi uaqytta «Sarqan May» JShS-men birge «Jetisu May» JShS-i birlesken kәsiporyny qúryldy. Seriktestik Taldyqorghan qalasynda ailyq óndiris kólemi ýsh myng alty jýz tonnany qúraytyn ósimdik mayyn rafinasiyalau jәne qúi zauyty qúrylysyn jýrgizudi josparlap otyr. Kәsiporyn óndirilgen ónimning seksen payyzyna juyghyn eksporttap, jiyrma payyzy ishki naryqqa ótkiziledi. Ónim Qytay, Resey, Iran, TMD elderine shygharylady. Aldaghy uaqytta óndiris orny maybúrshaq ónimderining basqa da týrin óndirudi jolgha qoymaq. Sәtin salyp, búl joba da oidaghyday iske asatyn bolsa, jiyrma shaqty adam enbekpen qamtylady. Oblys әkimining apparat jinalysynyng hattamasyna sәikes, Panfilov audanyna qarasty Pidjim auylynda jýgeri dayyndau jәne saqtau boyynsha eki keshenning qúrylysyn jýrgizu josparlanyp otyr. Atalghan jobanyng negizgi maqsaty jýgeri ósiretin fermerlik sharuashylyqtar ónimin ótkizuge jәrdemdesip, ónirding sharua qojalyqtaryna agroónerkәsip keshenin damytu sharalaryn kórsetu maqsatynda jýgeri dayyndau jәne saqtau boyynsha eki keshendi jobalau, salu jәne uaqytynda qoldanysqa beru. Qyzmet kórsetu salasyndaghy keshenderdi damytu investisiyanyng ósui, jana júmys oryndarynyng qúryluy, budjet kiristerining artuy, ekonomikanyng agrarlyq sektor tabysynyng molangy, shaghyn jәne orta kәsipkerlikting ósui negizinde ónirlik ekonomikagha integrasiyalanuyn qamtamasyz etedi. Yaghni, búl jobanyng әleumettik manyzy zor jәne Pidjim auylynyng túrghyndary ýshin asa qajet. Osy jerde aita keteyin, bizding algha qoyghan basty mindetimizding biri – tuyp-ósken Jetisuymyzdyng ekonomikasy men әleumettik jaghdaylarynyng meylinshe ósip-órkendeuine mýmkindiginshe ýles qosu. Áriyne, el damuyna kóbine mamandar men qarjy jaghy da kóp yqpal etedi. Sondyqtan, búl mәseleni sheshude bilimdi de bilikti, isker jas kadrlardy tandap, qyzmetke tartugha erekshe mәn berip kelemiz. Olardy júmysqa qabyldap, barynsha jaghdaylaryn jasaugha jәne satylay ósip, kóteriluine kómek kórsetuden esh ainyghan emespiz.

– Uaqytynyzdy bólip, oy bóliskeniniz ýshin ýlken rahmet! Aldaghy josparlarynyz- dyng tabysty oryndaluyna tilektespin.

Aygýl Baybosynova

Derekkózi: "Jetisu" gazeti