Sәrsenbi kýni QR ÚEM Tabighy monopoliyalardy retteu jәne bәsekelestikti qorghau komiytetining OQO boyynsha departamenti Shymkent qalasy men Sayram audanynyng birneshe eldi mekenin auyzsumen ýzdiksiz qamtamasyz etip otyrghan «Su resurstary-Marketing» JShS-ning investisiyalyq baghdarlamasynyng oryndaluy men qoldanysqa engizgen jana tehnologiyalaryn tanystyru ýshin press-tur úiymdastyrdy, - dep jazady "Ontýstik Qazaqstan" gazetining tilshisi.

Aumaqtyq mekeme basshysy Baqtiyar Atalyqovtyng sózine sensek, búl shara Elbasynyng tarifti qalyptastyru kezinde ashyqtyqty qamtamasyz etu jónindegi tapsyrmasynan tuyndaghan. Oghan jergilikti mәslihat deputattary men qoghamdyq úiym basshylary, ýi, kóshe, oram komiytetteri tóraghalary men BAQ ókilderi qatysty.

Biyl qantardyng 19-ynda Zastennaya kóshesining astynda 4 metr terendikte jatqan diametri 1000 milliymetrdi qúraytyn №2 qalalyq kәriz kollektorynda apat oryn alghan-dy. Saldarynan jerding ýstingi qabatynda shúnqyr payda bolyp, qúbyrdyng bir bóligi opyrylyp qúlaghan. Aragha ay salyp búl jaghday taghy qaytalandy. Ol uaqytta atalmysh seriktestik mamandary shúghyl әreket etip, әbden tozyghy jetken kollektordy uaqytsha jamap-jasqap qoyghan. Sondyqtan aldymen taban tiregen nysanymyz osy boldy.

«Su resurstary-Marketing» JShS-ning bas diyrektory Anarbek Ormannyng aituynsha, búrynghy Fosfor zauytynan bastau alatyn kollektor ótken ghasyrdyng alpysynshy jyldarynda salynypty. Sol tónirektegi iri-iri óndiris oshaqtary men eldi mekenderding shayyndy suyna arnalghan qúbyr jaramdylyq merzimi әldeqashan bitkendigine qaramastan, kýni býginge deyin kәdege jarap kelgen.

Alayda, endigi jerde apattyng jiyiley beretinin eskergen kәsiporyn qayta qúru júmystaryn qolgha alypty. «Sumen jabdyqtau jәne kәriz jýielerin janalap, janghyrtu ýshin 2009 jyldan beri Europalyq qayta qúru jәne damu bankimen qoyan-qoltyq júmys istep kelemiz. Tipti, 2015-2019 jyldargha arnalghan investisiyalyq baghdarlama (6,02 milliard tenge) jasap, ony Tabighy monopoliyalardy retteu jәne bәsekelestikti qorghaugha jauapty jergilikti organ aldynda qorghap shyqtyq. Qarjy negizinen 59497 metr auyzsu, 7021 metr kәriz qúbyrlaryn qalpyna keltiruge baghyttalmaq. Baghdarlama shenberinde biylgha 1,5 milliard tenge qaralsa, sonyng 239,6 milliony qúraytyn atalmysh kollektordyng 2,3 shaqyrymdyq bóligin (jalpy úzyndyghy 5,6 shaqyrym) qayta qúrugha júmsalyp otyr. Ádette temir qúbyrlar tot basugha beyim keledi, sol sebepti gofrlengen qúbyrdy Stepnogorsk qalasyndaghy zauyttan aldyrtyp jatyrmyz. Ári otandyq ónim. Merdiger – «Innovasiya-7» JShS-i. Shildening 4-inen bastalghan búl tirlik 30 qarashada bitui kerek» deydi ol.

Ayta keterligi, jyl sayyn eski su qúbyrlarynyng 45 shaqyrymyn janartudy josparlap otyrghan «Su resurstary-Marketing» JShS-i Shymkenttegi kópqabatty 1800 túrghyn ýiding býginde 450-inin, sonday-aq 90 mynnyng ainalasyndaghy jeke sektordaghy baspananyng 74 mynynyng su jýiesin zaman talabyna sәikestendirgen.

Búdan keyin Shymkent qalasy әkimdigining «Su qúbyry jәne kanalizasiya» MKK-na qarasty «Shanyraq» 3-shi kótergish sorghy stansasyna bet búrdyq. «Shanyraq» eldi mekenin tәulik boyyna tirshilik nәrimen qamtamasyz etudi kózdeytin búl nysan 2012 jyly budjet qarjysy esebinen iske qosylghan eken. Áytse de, qúbyrdaghy qysymdy qalypty ústap túru tehnologiyasynda birqatar olqylyqtar oryn alghandyqtan aghymdaghy jyldyng ózinde su taratqysh jelilerge kýsh týsip, 15 ret jarylypty. Yaghny múndaghy basqaru stansasy qayta qúrudy qajet etkendigi sebepti jiyilik rettegish qondyrghysy ornatylghan. Mamandardyng pikirinshe, Germaniyanyng «Wilo» kompaniyasynyng qúny 980 myng tenge túratyn ónimi sorghy qozghaltqyshynyng ainalymyn bir saryndy etip, qysymdy túraqtandyrugha mýmkindik beredi. Elektr quatyn 30 payyzgha deyin ýnemdeytini taghy bar. Yaghny jylyna 1831610 tenge qaltada qalady әri jiyilik rettegishti satyp alugha ketken shyghyn 1 jylda ózin-ózi artyghymen aqtaydy degen sóz.

Tútqabay FAZYLBEK

Abai.kz