Qazaqstangha diplomatiyalyq missiyamen kelgen AQSh elshisi  Djordj A.Kroll myrza az uaqyttyng sheginde «qazaq tilin ýirenemin» dep uәde bergen bolatyn. Elshi uәdesinde túryp, qazaq halqyn Astana kýnimen qazaq tilinde qúttyqtady.

«Vashington Amerika Qúrama Shtattarynyng jýregi bolsa, Astana Qazaqstannyng beynesi. Astana – qarqyndy damyp kele jatqan tәuelsiz Qazaqstannyng nyshany. Men Astananyng bolashaghy jarqyn ekenine senimdimin. AQSh halqy atynan barsha qazaqstandyqtardy shyn jýrekten qúttyqtaymyn», – dedi Kroll myrza.

Osylaysha Kroll myrza Astanadaghy aq jaghaly úlyqtargha ýlgi kórsetti. Konstitusiya boyynsha memlekettik mәrtebesi bar qazaq tilining biylikting joghary esholony men qarjylyq inistituttarda qoldanylmaytyndyghy, qazaq tilinde sóileytin jergilikti últtyng ýnemi kemdik kórip, qysymgha úshyraytyndyghy turaly shyndyq qazir Batys әlemine úshqyndap bolsa da jetip jatyr. Sol jaytty qapysyz angharghan AQSh elshisi birden qazaq tiline den qoyghan edi. Áriyne, Kroll myrza az uaqyttyng ishinde qazaq tilinde erkin sóilep kete qoymas, biraq, diplomat osy talabymen-aq kóp nәrsege yqpal etetindigin bayqatatyn siyaqty. Yaghni, Batys pen AQSh әlemi Qazaqstanda demokratiyalyq qúndylyqtardyng qalyptasyp, baspasóz halyqqa erkin aqparat taratu ýshin orys tilinin, turasyna kóshsek, Reseyding qyspaghynan shyghauy qajet ekendigin eptep týsine bastaghanday. Al, әlgindey qajettilik tek qazaq tili arqyly jasalatyndyghy endigi júrtqa úghynyqty bolsa kerek.

Abai.kz