Qaraghandy oblystyq sotynda eks-premier Serik Ahmetovting jәne odan basqa 20 keyipkerding soty ayaqtalugha jaqyndady. Sottalushylargha sot aldynda jauap beruge kezek keldi. Birinshi bolyp sotta týsinik bergen Qaraghandy oblysynyng búrynghy әkimi Bauyrjan Ábdishev óz kinәsin moyyndaghan joq.

Tergeuding núsqasy boyynsha 2011 jyly Qaraghandy oblysynyng әkimi bolghan Bauyrjan Ábdishev «EuroStandartQaraghandy» zauytynyng qúrylysyn jýrgizuge ózining tanysyna jer telimin bólgen. Kóshege tóseytin qyrly tas shygharatyn kәsiporyn әkimning baqylauynda bolghan kórinedi. 2012 jyly qalalyq sayabaqtar men shaghyn baqtardy abattandyrugha budjetten milliardtaghan tenge bólingendikten múnday kelisim әkimge tiyimdi ekeni dausyz. Ózine baghynyshty kәsiporyngha tapsyrysty qamtamasyz etu ýshin B. Ábdishev ózining orynbasary Múhtar Adambekov pen túrghyn ýi-kommunaldyq sharuashylyghy bólimining basshysy Aydos Jәkenovke «bir kózden» memlekettik satyp alu rәsimin jýrgizuge núsqau beredi. Tandap alynghan merdigerlerge kóshege tóseletin qyrly tasty «EuroStandartQaraghandy» zauytynan ghana satyp alugha talap qoyylady. Sayyp kelgende olar trotuargha tóseletin taqtany әdeyi kóterilgen baghamen satyp alady. Ol taqtalar oblys әkimdiginin, «Ghasyr» bazarynyn, «Molodejnyi» mәdeniyet ýiining jәne «Shalqyma» konsert zalynyng alanyna, sonday-aq Serov pen Staleliyteynyy kóshelerine tóselgen. Osylaysha, joghary lauazymdy túlghanyng «isinen» budjetke 3,6 mlrd. tenge ziyan keltirilgen.

Aytarlyghy, B. Ábdishev sotta ózining kinәli ekenin moyyndaghan joq. Ol qalanyng әdemi bolghanyn qalaghandyqtan, barlyq sayabaqtar men shaghyn baqtardy retke keltirgisi kelgenin aitty. Biraq búl isti tolyq jýzege asyrugha oblystaghy qyrly tas shygharatyn zauyttardyng quaty jetpegen. Búl mәseleni qalay sheshpek bolghanyn sottalushy B. Ábdishev bylay әngimeledi: «2011 jyly trotuargha tóseletin qyrly tastyng tapshylyghy bayqaldy. Ol uaqytta oblystaghy kәsiporyndardyng tapsyrystary da kóp bolatyn-dy. Sol sebepten olar bizge qajetti ónimdi shyghara almady. Sodan song tas taqtany Astanadan tasymaldadyq. Meshitting aldyndaghy alanqaygha merdiger elordadan alghyzghan qyrly tastardy tósedik. Búl mәseleni sheshuge shamamyz kelmedi».

Bauyrjan Ábdishevting aituyna qaraghanda, sol kezende Qaraghandyda qyrly tas shygharatyn zauyt salu qajettiligi tuyndady. Búl mәseleni sheshu ýshin, әkim orynbasaryna núsqau berip, búrynnan istep túrghan kәsipornyn jetildiruge kelisetin kәsipker tabudy tapsyrady. «EuroStandartQaraghandy» JShS-ning iyesi Ruslan Syzdyqov múnday mәmilege birden kelisedi. «Ontýstik-Shyghys yqsham audanynda onyng quaty shaghyn sehy bolatyn. Men ózimning dosym Ghabit Júmataevqa osy jobagha qarajat saludy úsyndym. Júmataevtyng zandy jolmen tapqan aqshasy bar edi. Sol aqshasyn kәsiporyngha investisiya esebinde salyp, jana júmys oryndaryn qúrdy. Sebebi investisiya tartu men júmys oryndaryn ashu – oblys әkimining istegen júmysynyng negizgi kórsetkishterining biri bolatyn»,- dep týsindirdi B. Ábdishev.

Sot aldyndaghy sóilegen sózinde Bauyrjan Ábdishev aiyptaushy taraptyng «ol paydakýnemdikten qyrly tas shygharatyn zauyt salugha kómektesti» degen aiybyn teriske shyghardy. «Búl shyndyqqa mýldem janaspaydy. Zauyttyng qúrylysyna 1 gektar jer telimin bólu turaly qaulyny kollegiyalyq organ – әkimdik qabyldady» dep mәlimdedi. Sonday-aq ol memlekettik manyzy bar istermen bas kótermey ainalysqandyqtan «EuroStandartQaraghandy» sehynyng júmysyn jeke baqylauyna alugha uaqyty bolmaghanyn habarlady. Sottalushylardan jauap alu odan әri jalghasuda.

Ámina BÁKIR

Abay-aqparat