Bolashaq – ýmitting besigi. Adam balasy ýmit  etetin jaqsy kýnder bolashaqtan qol búlghap túrghanday seziledi. Shetelderde bilim alyp, biligin jetildirip qaytatyn jastargha arnalghan memlekettik baghadarlama atynyng «Bolashaq» boluynda da osynday mәn bar siyaqty. «Bolashaq» baghadarlamasy boyynsha tórtkýl dýniyege kózin ashqan qazaq jastary qazir qoghamnyng әr salasynda qyzmet atqaryp jýr. Sonyng biri – Almaty qalasynyng qazirgi әkimi Bauyrjan Baybek.

Bauyrjan Qadyrghaliyúly myng jyldan astam tarihy bar shahargha әkim bolyp taghayyndalghan kýnnen beri 100 kýnning jýzi tolypty.  Lauazymdy qyzmet iyelerining ortasynda elge esep beru dәstýrine engen 100 kýnning sheginde Baybek myrza ne istey aldy, ózin qay qyrynan kórsetti? Kesheli beri qazaqstandyq BAQ-tyng osy saualgha at basyn búrmaghany kem. Abai.kz portalynyng újymy da alyp megapoliste ýsh aidyng kóleminde atqarylghan júmystardy saralap, Baybek myrzanyng kisilik kelbetin tanugha tyrysty.

Birden aitayyq, búl – Almatygha  qanday da bir iygilikti is jasasam dep kelgen azamat. Óitkeni «Bolashaq» kórgen jigitting bolashaghy alda. Almatydaghy әkimdik qyzmetin abroymen atqaryp, el yqylasyna bólense, Bauyrjan Baybek kóp alysqa barady. Búny qyryqtyng qyrqasyna jana ilingen jigerli jigit ishtey bek týsinip jýrse kerek-ti. Demek, «iship-ketti», «jep kettiden» qúlaghy sarsylghan almatylyqtar aldaghy kýnderi qala әkimi men onyng komandasynyng serpindi isterine kuә bolady dep boljam jasaugha tәuekel ete  alamyz. 

«Almaty – Tәuelsizdikting altyn besigi». Almaty – ýlken sayasy mansapqa bastap aparatyn danghyldyng basy.  Sol ýshin Almatynyng tarihyn tereng tanu lәzim. Almatynyng ruhany ortasymen bite qaynap, birge jýru kerek. Jas әkim aragha az uaqyt salyp Almatynyng ziyaly qauym ókilderimen birneshe ret kezdesip, olardyng lebizin tyndap, pikir almasyp ýlgerdi. Qala túrghyndarymen birge senbilikterge shyghyp, bazar aralap, qarapayym júrt tútynatyn zatttardyng baghasyn baghamdap, qalyng búqaragha jaqyndyghyn da kórsetti. Búl onyng Almatygha tәn әleumettik ahualdy aldaghy kýnderi de jiti baqylap otyratyn sergektigin anghartqan sәtti qadamdar. Almaty – erteden qara keshke deyin әldeqayda asyghyp, kóship bara jatqanday alas-qapasy mol qala. Sondyqtan oghan sarayynda qalghyp-mýlgip, qara telefondy qúlaghyna japsyryp alyp, byldyrlap otyratyn әkim emes, әbjil qimyldaytyn, әlekedey jalanghan әkim kerek. Baybek myrzanyng shiraq qimyldary Almatynyn  ishki quatymen әbden sәikesetin siyaqty. Endeshe, keler kýnder almatylyqtar kýtip jýrgen iygilikti isterge tola beremek. Sózimizge dәlel, Almaty qalasynyng әkimidigi juyrda shahardy damytudyng 7 baghytyn aiqyndaghan baghdarlama jobasyn qabyldap ýlgerdi.  Baghdarlama boyynsha,   «Almaty, birinshiden, adamdargha jayly qala boluy tiyis, ekinshiden, qauipsiz, ýshinshiden, әleumettik salagha bet búrghan qala boluy kerek. Tórtinshi  – ekonomikasy túraqty, besinshi – biznes pen jeke kapitaldyng qalasy, altynshydan, barlyq aumaq birkelki damyghan, jetinshi – túrghyndary belsendi qala boluy qajet. Búl – shahar basshysy Bauyrjan Baybekting tóraghalyghymen Almaty qalasynyng 2016 – 2020 jyldargha arnalghan damu baghdarlamasynyng jobasy boyynsha ótken keleli jiynda aitylghan sóz. Osylaysha qala basshysy shahardy әr qyrynan damytudyng 7 baghytyn atap, osy baghdarlamanyng ayasyn keneytu ýshin barsha halyqty belsendi qatysugha shaqyrghan edi. Atalghan baghdarlama qala túrghyndary men sarapshylardyn, ýkimettik emes úiymdar men kәsipkerlerding talqysyna týsip úsynylyp, osyghan baylanysty arnayy almaty2020@a-a.kz elektrondy poshtasy júmys istey bastady. Búl poshta almatylyqtardyng úsynysy men oi-pikirlerine arnalyp ashylyp otyr», - dep jazady «Almaty aqshamy» gazeti.

Jón-aq. Damu baghdarlamasynyng altynshy baghyty turaly osy arada az-kem aita ketken dúrys shyghar. Altynshy baghyt: Almaty barlyq aumaghy birkelki damyghan qalagha ainaluy kerek deydi.

Bәrekeldi! Eger altynshy baghyt shynymen is jýzine assa, Almaty әlemdegi әdemi, mәdeniyetti, taza qalalardyng qatarynan oryn teber edi. Óitkeni qazirgi Almaty – әleumettik kelbeti әrqily; bir túsy tozghan, bir túsy ozghan alabajaq túrmys keship jatqan, әri shiyrek ghasyrdan beri urbanizasiya kóshin ýnsiz kóterip kele jatqan qala. Sóitip ózining ishki jylylyghyn, muzasyn, kórkemdigin joghaltyp barady. Joghary órlep әl-Faraby danghylyna shyqsanyz – әlemning әrqily týsine boyalghan baylyqty, tómen qúldilasanyz – shahar saltanatyna esh ýilespeytin ýilerdi óz әlinshe túrghyzyp alghan, kýnkóristing sheginde qalt-qúlt etken kedeylikti, joqshylyqty kóresiz. Al, búl týbi әleumettik jarylystar men qaqtyghystargha soqtyratyn qauipti nyshan. Almatynyng túrmys-tirshiligin damytugha arnalghan altynshy baghytta mine, osynday mәn bar.

Almaty songhy jyldary kerekti kereksiz qúrylystardyng alanyna ainalyp ketti. Qymbat sauda oryndary kóbeyip, esesine, tarihy әm últtyq qúndylyqtar esebindegi  nysandar joyyluda. Sonday qater Almaty ippodromyna da tayap qalghan edi. Ákim tayauda atashbar maydan eshkimge berilmeydi degen sheshim qabyldady. «Kók jaylau» shanghy bazasyndaghy qúrylysty da toqta túru kerek dedi.

100 kýnde,әriyne, bar júmys bitpeydi. Bastalady. « Isting qanday bolmaghy bastauynan kórinedi», - degen eken hakim Abay. Bauyrjan Baybekting kýrdeli jaghdaydaghy mektepterdi jóndeuge, kәsiporyndarmen kelise otyryp mamandardy tez arada oqtyp dayarlaugha, tasqyn su shayyp kete jazdaghan Nauryzbay, Alatau audandarynyng túrghyndaryna jedel týrde jәrdem aqy bóluge, qalany taza ústaugha, jol-kólik infraqúrylymyn jaqsartugha, әleumettik jelilerde halyqpen tikeley tildesip otyrugha pәrmen etui – el ýshin jasalar iygilikti isterining bastauynday kórinedi.  «Bolashaqtan» kelgen әkimning endigi júmysy Almatynyng ruhani, últtyq kelbetin kórkeytumen jalghasa beredi dep seneyik.

Abai.kz