Qaraghandy oblystyq sotynda S. Ahmetov jәne basqa lauazymdy sheneunikterding qylmystyq isi boyynsha kuәgerlerden jauap alu jalghasyp jatyr. 11 qarashadaghy sot otyrysynda «Topar jylyjaylary» JShS-ne qatysty epizodty qarau kezinde kuәger Galina Kordovich sotqa jauap berdi. Ayta keterligi, búghan deyingi sot otyrysynda týsinik bergen kuәgerlerden «Topar jylyjaylary» jobasyndaghy qondyrghynyng qúny 3 mln. eurogha әdeyi kóterilgeni mәlim bolghan.

Formalidy týrde qúrylghan «KazInterAktiv 21 vek» jәne «Gold company KZ» firmalarynyng esepshisi Galina Kordovich sotta qújat jýzindegi qarjyny qolma-qol aqsha týrine qalay ainaldyrghany turaly әngimeledi. «2012 jyldyng jeltoqsanynda «Forte banktin» qaraghandylyq filialynda Erlan Qisyqovpen tanystym. Ol aqshany qolma-qol týrine ainaldyru qyzmetine qyzyghushylyq tanytty. E. Qisyqov «ispandyq «Rupefa Technoagro S.L.» kompaniyasy audaratyn aqshany eshqanday is jýzindegi tauar jetkizu men qyzmet kórsetusiz «Topar jylyjaylary» JShS-ning shotyna audaryp, qalghanyn qolma-qol aqsha týrinde maghan qaytaru kerek» degen talap qoydy» dep habarlady kuәger.

«QazAgroQarjy» AQ-nyng sol kezdegi nesiyeleu jәne lizing departamentining diyrektory E. Qisyqov kóp úzamay G. Kordovichke aqshany qolma-qol týrine ainaldyrugha ótinish jasaydy. Odan әride «TorgPromStroy», «KazInterAktiv 21 vek», «Gold company KZ» kompaniyalary arqyly ispandyq firmadan jәne «Topar jylyjaylarynan» týsken qarajat qolma-qol aqshagha ainaldyrylghan. «Is jýzinde biz eshqanday qyzmet týrin kórsetken joqpyz, tauarlar jetkizilgen joq. Qolma-qol aqshany men E. Qisyqovqa berdim»,- dep týsindirdi kuәger isting mәn-jayyn.

Sonday-aq ol aqsha audarymdaryn tirkeu ýshin ispandyq «Rupefa Technoagro S.L.» kompaniyasynyng ókili Kәmila Pirәliyevamen baylanys ornatqany turaly da aitty. «Men ony tanymaymyn. Elektrondyq poshtasynyng meken-jayyn E. Qisyqov berdi. K. Pirәliyeva elektrondyq poshtama kelisim-sharttardy jiberdi. Men oghan invoystardy, shot-fakturalardy saldym. Biz qashan jәne qay uaqytta aqsha audarylatyny jóninde elektrondyq poshta arqyly hat jazystyq» dep әngimeledi G. Kordovich.

Sotqa deyingi tergeude bergen jauabynda kuәger 2013 jyly 31 qantarda «Topar jylyjaylary» JShS-nen atalghan kәsiporyndardyng shotyna jalpy somasy 101 368 500 tenge jәne 2013 jyly 31 shildede 50 000 000 tenge týskenin, keyinirek ol qarajat basqa kompaniyalar arqyly qolma-qol aqshagha auystyrylyp, «Topar jylyjaylaryna» qayta jiberilgenin aitqan. 2013 jyldyng 13 mausymy men 19 jeltoqsany aralyghynda «Rupefa Technoagro S.L.»-dan «KazInterAktiv 21 vek» JShS-ning shotyna 1 199 741,35 euro audarylghan. Ony jalghan firmanyng nominaldy diyrektory D. Safonov qolma-qol aqshagha ainaldyryp, E. Qisyqovqa bergen. Odan әride «TorgPromStroy»-dyng shotyna ispandyq kompaniyadan 262 589 euro týsip, G. Kordovich sonyng 4 835 000 tengesin qolma-qol aqsha týrinde E. Qisyqovqa jetkizgen. Qalghan aqshalar da basqa kompaniyalar arqyly shottan alynyp, qolma-qol týrinde E. Qisyqovqa berilgen.

Ámina BÁKIR.

Abay-aqparat