«Dorogoy Leonid Iliich!»

«Adamnyng tәni ólse de, jany ólmeydi» degen eski sózden habarym baryn óziniz sharlap ótken býkil dýnie jýzine bildirgim kelip, osy hatty jazugha bel bayladym. Qalamymnyng úshynda – ózinizsiz, toyyst, Sizding janynyz. Hatymnyng soghan, toyyst, Sizding janynyzgha jetetinine shýbәm joq.  

Oqyp biluimshe, adamnyng jany marqúmynyng tughan, ósken, qyzmet istegen jerlerine uaq-uaq kelip, biraz bolyp, ózgeristi sholyp ketip jýredi eken, sonday saparlarynyng birinde onyng kózine mening hatym da   týsui  mýmkin  ghoy. Qalay  bolsa  da, «tәuekel  týbi – jel  qayyq...» dedim.

Sonymen sóitip, KSRO júrtyn qasynyzben baurap, jymiyp biylep jýrgen jyldarynyzda tútas sovet halqy, onyng ishinde ózinizding qazaqstandyqtar da  ataghanday, Dorogoy Leonid Iliich, Sizge aitpaghym mynau:

Siz dýniyeden armansyz ótken siyaqtysyz. Qatardaghy kommunisten KOKP Ortalyq komiytetining Bas hatshysy dengeyine jettiniz. Qatardaghy soldattan Kenes Odaghynyng Marshaly dәrejesine jettiniz. Alghan altyn júldyzdarynyz ben orden-medaliderinizding sany jetpisten asypty. Birinshi  Iliichtin  manynda  Ekinshi  Iliich  bolyp  jatyrsyz.

E-e, Qazaqstandy: «Nan bolsa, әn de bolady!» dep pәlen jyl basqarghanynyzda óziniz er-әielining talayyn tap auzynan sholp-sholp sýigen  qazekende:  «Armansyz adam bolmaydy» degen naqyl baryn estigen shygharsyz, al ol sózding beker aitylmaghanyna dәlel jetkilikti. Mysaldy, dorogoy Leonid Iliich (Brejnev joldas), Sizdin  ómirinizden  de  keltire  alamyn.

Mysaldyng narqy salystyrmasyna qaray. Endeshe, Sizdi bizding eldi jalghyz ózi jiyrma tórt jyl  iyirip otyrghan ininizben qatar qoya sóileyin. Salystyruym tym salaqtap ketpes ýshin Sizding әuletinizde bolmaghan jayttardy  ghana  tizimge  alamyn. Yaghniy:

Sizdin  etikshi bolghan atanyz, baqtashy bolghan әkeniz, sauynshy  bolghan shesheniz jayynda «by boldy; el basqardy; sheshen, aqylman boldy; kiyeli, kóripkel boldy» dep hikaya, roman, ballada, dastan jazyldy ma? Joq!

Sizding shәkirttik, bozbalalyq, jigittik, fabriyk-zauyt uchiliyshesinde kursant, kombinatta júmysshy, komsomolda hatshy, partiyada qyzmetker, basshy kezderiniz jayynda tom-tom kitap, piesa, spektakli jazyldy ma, kóp seriyaly kinofilim týsirildi me? Joq!

Siz «Leonid Iliich Brejnev» dep ózinizding atynyzda orden jasata aldynyz ba? Joq!

Siz «Elbasy» ataghyn ala aldynyz ba? Joq!

Siz «Últ liyderi» ataghyn ala aldynyz ba? Joq!

Sizding tiri kezinizde nókerleriniz Sizge birneshe eskertkish ornatty ma? Joq!

Siz kóziniz tiride: «kemenger, dana, oishyl, kóregen, danyshpan, әlem moyyndaghan sayasatker, aqyn, kompozitor...» degen bagha ala aldynyz ba? Joq! «Naghyz leninshil» degendi ghana estidiniz.

Siz  ghylymy enbek jazyp әure bolmay-aq «Ghasyr Ghúlamasy» degen ataq aldynyz ba? Joq!

Siz  ózinizdin  jazghanynyzdan ózgelerge jazdyrtyp alghanynyz kóp jýz shaqty kitap shyghardynyz ba? Joq! Sizding jazghan-jazdyrghanynyz nebary 3 kitap, biraq, qisyny kelgende qiyn bolmaydy ghoy,  sol 3 kitappen-aq әdebiyetting Lenindik syilyghyn aldynyz (al Sizdin  jýz shaqty kitap jazghan Ininizge bizding әdeby Memlekettik syilyghymyz búiyrmay-aq qoydy, әriyne, búl - Siz ýshin de, biz ýshin de ókinish. Alayda  әzirshe 75 jastaghy Ininizding bar ómiri alda, әli almaghan syilyq-ataqtyng bәrin erten-aq alatyny dausyz).

Sizding portretteriniz  Kremliding  qaqpasynday etip jasalyp,  KSRO-nyng qala-selo-derevnyalarynda iluli túrdy ma? Joq! Týrli-týsti boyauly fotosuretteriniz kitap dýkenderine simay túrdy ma? Joq!

Sizding qyzynyz ben kýieubalanyz besikten belderi shyqpay jatyp milliarder boldy ma? Joq.

Siz: «Nagrada alu men berude rekord jasadym!» dep, ózinizge óziniz syrttay da, ishtey de razy  bolyp ketken shygharsyz, jo-joq, Ininiz ol jaghynan da Sizding enenizdi úryp jiberuge jaqyn!

Siz Nobeli syilyghyn aludy kóksediniz be, «Aluym kerek! Qaytsem de alamyn!» dep jantalastynyz ba? Joq!

Jә, dorogoy Leonid Iliich, osy jerde toqtayyn. Shynymdy aitsam, - men salystyrudan jalyghyp kettim. Sizding janynyz da tyndaudan sharshaghan bolar. Mynau jaryq dýniyeden armansyz jan bolyp óte almaghanynyzgha ilandynyz dep  bilem.

Solay, dorogoy Iliich!

Hat iyesi  sonau jyldary Sizben partiyalas bolghan milliondardyng biri - Qazaqstanynyzdyng jazushysy Ghabbas QABYShÚLY.

Abai.kz