Áyelim telearnada isteydi. Sizder onyng sózin týsinesizder me, bilmeymin, ózim o basta «osy ne aitty?» dep, an-tang bolyp jýrdim. Keshe ekeumiz jap-jaqsy shәy iship otyrghanbyz.

Nesiyening zary oiyma týsip ketip:
- Osy bizding kredit qashan bitetin edi? – dedim. Sóitsem:
- Ýstimizdegi jyldyng ayaghynda, – deydi. «Dúrys týsinbey qaldym ba?» dep qayta súradym.
- Ýs-ti-miz-de-gi!
- Sonda ol qay jyl?
- Biyl! Biyl bitedi. Ne bolghan saghan? 
Kýiip kettim. 
- Ony ýstimizge shygharmay-aq, biyl dep aitsang bolmay ma? Sonda ótken jyldy ne deysinder? Ol da ýstimizde me, әlde astymyzda qaldy ma?
Joq, ras, televizordy qosyp qalsanyz nemese gazet-jornaldy ashyp qalsanyz: «Ýstimizdegi jyly týsim mol boldy, ýstimizdegi jyly óitti-býitti» deydi. Sosyn, «Bolyp tabylady», «Kelude, baruda», «Dey túrghanmen», «oy-pikirmen bólisti», «júmys jasaydy», «qol jetimdi» «jiberip almanyzdar», taghy basqa tolyp jatqan sózderi bar. Sonda bir jerge qonaqqa barsan, «Mynau bizding ýidegi kelininiz bolyp tabylady» deysiz be? Álde, dosyna «Monshagha barasyng ba?» desen, ol saghan «Baghasy qol jetimdi me?» dey me? Kino nemese konsert kórseterde «Osyny jiberip almanyz!» deytinderi bar. «Jiberip qoymanyz» degen siyaqty estiledi qúrghyr... Sonymen... a, keshirinizder, әielim qonyraulatyp jatyr. Qazir...
- Sizdi múqiyat tyndap túrmyn...
- Ákesi, siz keshigu ýstindesiz...
- Oi, meni qoyshy, ózing jyljymaytyn mýliktesing be?
- IYә, kóterme jәne bólshek sauda ortalyghyna baryp, qazir ghana jyljymaytyn mýlikke kirdim. Al, ózing qayda bolyp tabylasyn?
- Men myna qúryp ketkir jyljityn mýlik jyljymay qalyp, sony shúqylap jatyrmyn. 
- Qonaqtar der kezinde tiyisti orynnan tabylyp, sen ókinishke oray keshigip jýrme.
- Olar neshede keledi dep josparlanyp otyr? 
- Keshki altygha keledi dep kýtilude!
- Ne isteude?
- Kýtilude!
- Oi, qoy, mynauyng artyqtau emes pe?
- Qay jeri artyqtau? Televizordan kýnde «kýtilude», «josparlanuda» dep aityp jýrmiz ghoy. 
- E, bopty, kýtile bersin. Onda men de barudamyn. 
- Ayta ketu kerek, aqyry bәri keledi ghoy dep, býgingi kýn tәrtibine Bәtishterdi de engizdim...
- Oibay, ol bizge kim bolyp tabylady?
- Tuu, sen-aq úmytasyng da qalasyn. Ol ana qúdannyng tughan qaryndasy bolyp tabylady ghoy. 
- A, qúdasha deshi?.. Deytúrghanmen ol...
- IYә, iyә, qúdasha! Eshqanday deytúrghanmen emes!
- E, bopty. Men de jylju ýstindemin sizge qaray...
- Áy, әkesi, asyqpay abaylap jýr. Jolda jol-kólik apaty oryn almasyn!
- Dәl osyny aitpashy, bәibishe.
- Ákesi, au, әkesi, aitpaqshy, jol-jónekey bir móshek qara altyn ala salshy...
- Ne ala sal?
- Qara altyn, yaghni, kómir ala sal deymin. Monsha jaqqangha...
- A, iyә. Qúrsyn, shatasyp bittik qoy. Osy jurnalister birtýrli, qara halyq birtýrli sóilegendi qashan qoyamyz a?..

Qanaghat Ábilqayyr

Abai.kz