Boratty eske alghymyz joq, shynymyzdy aitsaq. Ózimen ketsin.
Biz odan qútylghymyz kelgenmen, ol bizden aiyrylmay qoydy, alayda.

«Qazaqstan – Borat». «Borat – Qazaqstan». Búlar bir úghymgha ainalyp ketken əldeqashan. Moyyndaghymyz kelmese de, əzirgi əlem Qazaqstandy Borat arqyly tanydy jəne Borat arqyly biledi. 
Kýledi. «Borat, Borat» deydi. 
Amerika men Úlybritaniya túrghyndary bizdi Aughanstanmen shatastyrady eken, shyn bolsa. Ol jaqqa baryp kelgender sýy deydi. Bizdi bilmeydi, demek. Mýlde bilmeydi. Tipti kartadan kórsete almaydy. Joq, ras.
Biraq, Boratty biledi. Bizding imidjdi osy Borat qalyptastyryp qoyghan, bayaghydan-aq. Anyghy osy. Aqiqaty da osy.

Borattyng týsirilgenine 10 jyl boldy ma, bolmady ma? Məsele onda emes. Məsele: osy uaqyttyng ishinde biz Borattaghy Qazaqstan men shyn ómirdegi Qazaqstannyng mýlde səykespeytinin, sorpasy qosylmaytynyn dəleldey almadyq.
Qazaqstandy bilmeytinderdi sauatsyzdyghy ýshin sóge almaysyn.
Bilmeytinder biletindey, estimegender estiytindey eshtene atqarmappyz osy 25 jylda (biz solay oilaymyz, siz basqasha oilauynyz mýmkin).
Aziada? OBSE? Taghy ne? Qazaqstannyng imidjin kóteredi degen birde-bir shara Borattyng shanyna ilese almady. Ókinishke oray. 
Borat nege bizding qyr sonymyzdan qalmay qoydy? Biz odan qalay qútylamyz? 
EKSPO? Siz búghan senesiz be? Biz senbeymiz. Ekspo bastalmay jatyp sətsizdikke úshyrady. Basshysy jedi, qosshysy da solay. Əli bastalmaghan kórmening imidji býlindi, osylay.  Búl jaman yrym, negizi.
Kórmening júmysyna jauapty adamdar Nazarbaevtyng aldynda bastaghan isting berekesi ketkenin, bylaysha aitqanda týk bitirmegenin bildirip qoydy. Kimning keletini, kimning qatysatyny belgisiz eken, əli kýnge deyin. 
Múnday Ekspo Qazaqstannyng atyn qay jaghynan tanytuy mýmkin? 
Tanytty: Ekspodaghy jemqorlyq Qazaqstannyng «qapteserler memleketi» ekenin taghy mәrte dəleldedi.
Belgilisi, bizding el Borat degen laqap attan arylghan kýni əlem de basqa Qazaqstandy tanityn bolady.  Al əzir...
Al əzir biz əlemning auzyna qaqpaq qoya almaymyz. 

Borat she? «Ol tapsyryspen týsirilgen dýniye» deydi. «Shetel asqan qazaq oppozisioneri qarjylandyrypty-mys...». «Sayqymazaq ssenariydi de jazyp shyqqan sonyng ózi», –deydi úzynqúlaq. Óshigip jazghan, qaralaghysy emes, masqaralaghysy kelgen. Kim bilgen?  Solay boluy da mýmkin, bizdinshe.
Biraq búl da manyzdy emes, endigi jerde.
Borat degen laqap attan qalay arylamyz? Borat emes ekendigimizdi  qalay dəleldeymiz? 
Tapsyrys bergen adam bar bolsa (kózi tiri bolsa) haostaghy Qazaqstannyng qazirgi kýiin kórip-bilip, baqylap otyr. «Jemqorlar memleketi». «Əlemdegi eng daraqy el», «Shalaqazaqstan»...
Tapsyrys bergen adam shynymen de bar bolsa, ol búl mýmkindikti qúr jibermeydi. «Borat – 2» alghashqysynan da soraqy shyghuy mýmkin.

Duman BYQAY

Abai.kz