Ótken aptada Ontýstik Qazaqstan oblysynyng әkimdigi jalpy delegattar sany 50 adamnan asatyn sheteldik 3 delegasiyany qabyldady. Sapar barysynda sheteldik delegasiya «Ontýstik» industriyalyq aimaq jәne «Ontýstik» arnayy ekonomikalyq aimaqtaghy kәsiporyndardyng júmysymen tanysty. Sonday-aq, investorlargha  Ontýstik Qazaqstan oblysynyng әleueti investisiyalyq jobalary kórsetildi, - dep habarlaydy Abai.kz portaly OQO әkimdigining baspasóz qyzmetine silteme jasap.

Qonaqtardyng qatarynan italiyandyq delegasiya Ontýstik Qazaqstan oblysynyng investisiyalyq mýmkindikterine erekshe qyzyghushylyq bildirdi. Sonymen qatar, Italiyalyq delegasiya oblys әkimining birinshi orynbasary D. Satybaldymen kezdesti. Kezdesu barysynda kәsipkerlik salasyndaghy yntymaqtastyqty jaqsartu jәne ontýstik ónirding ekonomikasyna investisiya salu mәseleleri talqylandy.

Búdan bólek, Ontýstik Qazaqstan oblysyna resmy is-saparmen Amerika Qúrama Shtattarynyng Almaty qalasyndaghy Bas konsuly Mark Mudy keldi. Sapar barysynda konaqty Ontýstik Qazaqstan oblysynyng әkimi B. Atamqúlov qabyldady. Kezdesu barysynda densaulyq saqtau jәne bilim beru salasynda jana tehnologiyalar jәne әdister engizu boyynsha eki jaqtyq yntymaqtastyq mәseleleri pysyqtaldy, sonymen qatar, ontýstikting investisiyalyq mýmkindikteri kórsetildi.  

Sheteldik delegasiyalardy qabyldaudan bólek, Otyrar audanynda jýgeri keptiretin jәne saqtaytyn keshenning ashylu saltanaty ótkizildi. Búl jәit oblystaghy jýgeri daqyldaryn ósiru boyynsha jandandyru júmystarynyng alghashqy jemisi bolyp tabylady.

Keshen oblys әkimdigi janynan qúrylghan «Maksimum» aimaqtyq investisiyalyq ortalyghy» JShS-nyng qoldauymen salynyp, britan jәne qytay jabdyqtarymen jabdyqtalghan. Keshenning bir merzimde 10000 tonna jýgerini keptirip, saqtaugha mýmkindigi bar.

Jobany jýzege asyrugha 450 mln.tenge kóleminde investisiya tartyldy jәne 35 túraqty júmy orny ashyldy. 

Abai.kz