وتكەن اپتادا وڭتۇستىك قازاقستان وبلىسىنىڭ اكىمدىگى جالپى دەلەگاتتار سانى 50 ادامنان اساتىن شەتەلدىك 3 دەلەگاتسيانى قابىلدادى. ساپار بارىسىندا شەتەلدىك دەلەگاتسيا «وڭتۇستىك» يندۋستريالىق ايماق جانە «وڭتۇستىك» ارنايى ەكونوميكالىق ايماقتاعى كاسىپورىنداردىڭ جۇمىسىمەن تانىستى. سونداي-اق، ينۆەستورلارعا  وڭتۇستىك قازاقستان وبلىسىنىڭ الەۋەتى ينۆەستيتسيالىق جوبالارى كورسەتىلدى، - دەپ حابارلايدى Abai.kz پورتالى وقو اكىمدىگىنىڭ ءباسپاسوز قىزمەتىنە سىلتەمە جاساپ.

قوناقتاردىڭ قاتارىنان يتالياندىق دەلەگاتسيا وڭتۇستىك قازاقستان وبلىسىنىڭ ينۆەستيتسيالىق مۇمكىندىكتەرىنە ەرەكشە قىزىعۋشىلىق ءبىلدىردى. سونىمەن قاتار، يتاليالىق دەلەگاتسيا وبلىس اكىمىنىڭ ءبىرىنشى ورىنباسارى د. ساتىبالدىمەن كەزدەستى. كەزدەسۋ بارىسىندا كاسىپكەرلىك سالاسىنداعى ىنتىماقتاستىقتى جاقسارتۋ جانە وڭتۇستىك ءوڭىردىڭ ەكونوميكاسىنا ينۆەستيتسيا سالۋ ماسەلەلەرى تالقىلاندى.

بۇدان بولەك، وڭتۇستىك قازاقستان وبلىسىنا رەسمي ءىس-ساپارمەن امەريكا قۇراما شتاتتارىنىڭ الماتى قالاسىنداعى باس كونسۋلى مارك مۋدي كەلدى. ساپار بارىسىندا كوناقتى وڭتۇستىك قازاقستان وبلىسىنىڭ اكىمى ب. اتامقۇلوۆ قابىلدادى. كەزدەسۋ بارىسىندا دەنساۋلىق ساقتاۋ جانە ءبىلىم بەرۋ سالاسىندا جاڭا تەحنولوگيالار جانە ادىستەر ەنگىزۋ بويىنشا ەكى جاقتىق ىنتىماقتاستىق ماسەلەلەرى پىسىقتالدى، سونىمەن قاتار، وڭتۇستىكتىڭ ينۆەستيتسيالىق مۇمكىندىكتەرى كورسەتىلدى.  

شەتەلدىك دەلەگاتسيالاردى قابىلداۋدان بولەك، وتىرار اۋدانىندا جۇگەرى كەپتىرەتىن جانە ساقتايتىن كەشەننىڭ اشىلۋ سالتاناتى وتكىزىلدى. بۇل ءجايت وبلىستاعى جۇگەرى داقىلدارىن ءوسىرۋ بويىنشا جانداندىرۋ جۇمىستارىنىڭ العاشقى جەمىسى بولىپ تابىلادى.

كەشەن وبلىس اكىمدىگى جانىنان قۇرىلعان «ماكسيمۋم» ايماقتىق ينۆەستيتسيالىق ورتالىعى» جشس-نىڭ قولداۋىمەن سالىنىپ، بريتان جانە قىتاي جابدىقتارىمەن جابدىقتالعان. كەشەننىڭ ءبىر مەرزىمدە 10000 توننا جۇگەرىنى كەپتىرىپ، ساقتاۋعا مۇمكىندىگى بار.

جوبانى جۇزەگە اسىرۋعا 450 ملن.تەڭگە كولەمىندە ينۆەستيتسيا تارتىلدى جانە 35 تۇراقتى جۇمى ورنى اشىلدى. 

Abai.kz