Jaqynda Facebook әleumettik jelisining qoldanushysy Mariya Moiyseenkova Aqtóbede "erotikalyq" mýsinning suretin Aqtóbe-Online tobyna jýktepti. Búl turaly tengrinews.kz jazady.

"Bizde de "ersi" mýsinder bar, biraq ony Astanada oramalmen japqanday eshkim jappaydy. Qyzdyng keudesi dymqyl kiyimnen erekshe kórinip, bóksesi de anyq bayqalyp túr. Ay-yay-yay", - dep jazdy ol suretterding astyna.

Suretke pikir qaldyrghandar belgisiz mýsinshining tuyndysyn qolday bastady. "Mýsin qalypty. Ádemi, túlghasy symbatty. Biraq keyde odan da asqan týpnúsqalardy kóresin... Úyalu turaly әngime joq", - dep jazdy qoldanushylardyng biri.

"Óte әdemi, eshqanday әdepsizdikti kórip túrghan joqpyn...", - dep ekinshisi de kelisti.

"Tuyndydan erotikalyq kórinisti tapqan adam (Astanada), ózi de sonday adam bolsa kerek", - dedi ýshinshi pikir qaldyrushy.

Esterinizde bolsa, Qaznette Ghashyqtar sayabaghynda ornalasqan qyz ben jigitting mýsini ýlken dau tughyzghan edi. Keyin ony Astana túrghyny  oramalmen jauyp tastaghan bolatyn. Ol kompozisiyany alyp tastasyn nemese ony qaytadan kiyindirip qoysyn degen bolatyn.

Keyin QR mәdeniyet jәne sport ministri Arystanbek Múhamediyúly kórkemdik kenesting dauly mýsinen eshqanday ereje búzushylyqty tappaghanyn aytty.

Abai.kz