جاقىندا Facebook الەۋمەتتىك جەلىسىنىڭ قولدانۋشىسى ماريا مويسەەنكوۆا اقتوبەدە "ەروتيكالىق" ءمۇسىننىڭ سۋرەتىن اقتوبە-Online توبىنا جۇكتەپتى. بۇل تۋرالى tengrinews.kz جازادى.

"بىزدە دە "ەرسى" مۇسىندەر بار، بىراق ونى استانادا ورامالمەن جاپقانداي ەشكىم جاپپايدى. قىزدىڭ كەۋدەسى دىمقىل كيىمنەن ەرەكشە كورىنىپ، بوكسەسى دە انىق بايقالىپ تۇر. اي-ياي-ياي", - دەپ جازدى ول سۋرەتتەردىڭ استىنا.

سۋرەتكە پىكىر قالدىرعاندار بەلگىسىز ءمۇسىنشىنىڭ تۋىندىسىن قولداي باستادى.ء "مۇسىن قالىپتى. ادەمى، تۇلعاسى سىمباتتى. بىراق كەيدە ودان دا اسقان تۇپنۇسقالاردى كورەسىڭ... ۇيالۋ تۋرالى اڭگىمە جوق", - دەپ جازدى قولدانۋشىلاردىڭ ءبىرى.

"وتە ادەمى، ەشقانداي ادەپسىزدىكتى كورىپ تۇرعان جوقپىن...", - دەپ ەكىنشىسى دە كەلىستى.

"تۋىندىدان ەروتيكالىق كورىنىستى تاپقان ادام (استانادا), ءوزى دە سونداي ادام بولسا كەرەك", - دەدى ءۇشىنشى پىكىر قالدىرۋشى.

ەستەرىڭىزدە بولسا، قازنەتتە عاشىقتار ساياباعىندا ورنالاسقان قىز بەن جىگىتتىڭ ءمۇسىنى ۇلكەن داۋ تۋعىزعان ەدى. كەيىن ونى استانا تۇرعىنى  ورامالمەن جاۋىپ تاستاعان بولاتىن. ول كومپوزيتسيانى الىپ تاستاسىن نەمەسە ونى قايتادان كيىندىرىپ قويسىن دەگەن بولاتىن.

كەيىن قر مادەنيەت جانە سپورت ءمينيسترى ارىستانبەك مۇحامەديۇلى كوركەمدىك كەڭەستىڭ داۋلى مۇسىنەن ەشقانداي ەرەجە بۇزۋشىلىقتى تاپپاعانىن ايتتى.

Abai.kz