Birde bir halyq tiri jýrmes edi,

egerde  aq pen qarany aiyra almasa;

F. Nisshe

 

Qaz dauysty Qazybek by babamyz: «Qazaq degen mal baqqan elmiz..., dúshpan basynbaghan elmiz, basymyzdan sóz asyrmaghan elmiz... » degen edi, asyl dana Abay: «Qayran elim, qazaghym, qayran júrtym» dep ótti, Alashshyl Mirjaqyp Dulatov: «Oyan,  qazaq!» dep jar salghanyn barsha jaqsy biledi, erjýrek Qasym aqynnyn: «Men – qazaqpyn, sen – fashissin» degen aibatty sózi eriksiz eske týsedi, bertin kele aqyn Júban aghamyz: «Men – qazaqpyn, myng ólip, myng tirilgen» dep jazdy.

Biz ózining qadirin ózi jaqsy bilgen halyqtyng úrpaghymyz....

Qazirde kýn astyndaghy tirligimizge shýkirshilik etip, әrbir kýnimizdi ózimizshe týsinip, ózimizshe týiip jýrgen, jýregimiz ashyq, niyetimiz taza, adal jandarmyz: sen, men, ol, biz.... El tәuelsizdigining 25 jyldyghyna arnalady.

 

***

Kýn astyndaghy qazaq – óz tirligin ózi kórip jýrgen, adamshylyq qasiyetterdi boyynda saqtap qalghan qazaq, ol uaqyt pen zamannyng qanday bolmasyn dýley dauyldary men qúiyndaryna, daghdarystaryna ózining kisiligimen qarsy túrady; ol – ómir  kóptegen týsinikterden túratynyn,  qyzyqtar men jaqsylyqtan ghana túrmaytynyn, sonday-aq adam jany kýizeliske toly ekenin jaqsy biledi, sonan da shyghar ol qanday jaghdaylar bolmasyn ómirining mәni bolghanyn qalaydy, ómirin beker ótkizbeydi; ol – qyzyqta jәne qayghyda,  jaqsylyq  pen jamandyqta adam bolyp qalady. 

***

Kýn astyndaghy qazaq – kisilikti ómirining basty qúndylyghy sanaydy, әrqashan kisiligin saqtaydy, ol kisiliginen  aiyrylsa ózine jat bolatynyn, odan song jaqsy kóretinderi aldynda, ainalasyna kerek bolmaytynyn  jaqsy biledi; ol  jaqsy men jamannyn, aq pen qaranyn, adal men aramnyng parqyn aiyra alady, onyng basynan kóp nәrse ótti, ol jýzin jamangha búrmaydy, óitkeni talay ret jamannan kónili qaldy, saghy syndy, tauy qaytty, biraq ótken jyldar onyn  ruhyn syndyra almady. 

***

Kýn astyndaghy qazaq – kókiregi oyau, týsinigi bar adam, kóp oqidy, kóp týiedi, onyng biletini kórinip túrady, bilgeni men týigenin jaqsylyqqa  júmsaydy; ol – ómirden ýirenedi, ómirden sabaq alady, adamgha bolsyn dep jýredi; dana asyly Abaydyn:  «Birindi qazaq biring dos, kórmeseng isting bәri bos» sózin jýreginde jatqa ústaydy, qazaqty dos, bauyr kóredi jәne ony iytermeydi.

***

Kýn astyndaghy qazaq – onyng ómirinde qiyn jәne auyr kezender bolghanyn, ol bir kezde ózining qateleskenin de jasyrmaydy, ótkenine kóz jiberip, aqylgha sala otyryp, ol ózin saqtau ýshin istegenin bayqaydy, ol ózining dúrys istegenin, dúrys joldy tandaghanyn, sonyng arqasynda dúrys kele jatqanyn týsinedi; ol qanday bolmasyn jetistikke ózining bilimimen, aqylymen, kýshimen jetedi, kishkentay bolsa da ózi jetken, ózi shyqqan  biyikti múrat tútady.

***

Kýn astyndaghy qazaq – ol kýnshil emes, adamgha qyzghanyshy joq deni  sau adam; ainalasyndaghy adamdardyng jetistikteri men quanyshtaryna shyn niyetimen quanady, jaqsylyqqa ortaq jan.

 

***

Kýn astyndaghy qazaq – «adam aramdyghynyng shegi joq», – deydi, ol aram adamdardan boyyn aulaq ústaydy, adaldyqty qazyna baylyq, erlik nyshan dep biledi, ol  – ómirin adal  sýredi, adal enbekpen kelmegen dýniyening aram ekenin, aram dýniyening tesip, ne jaryp, ne jaralap shyghatynyn, al keyde adamdy joq etetin  jaqsy biledi, sonan da bolar ol eshqashanda aramdyqqa, aram iske barmaydy; ol – dýniyening qúly emes, dýnie baylyq, kóp aqsha ómirining maqsaty emes, asyp – tasqan baylyqty qúdayda qostamaytynyn jaqsy biledi, ol –  qanaghatshyl, kedeyligin  kemdik  sanamaydy.

 

***

Kýn astyndaghy qazaq  – eki jýzdilik pen satqyndyqty  qabyldamaydy, azghyndyq ishindegi eki jýzdilik pen satqyndyq eng jeksúryny ekenin bala kezinen biledi, al qate bolyp, ne qatelikke úrynghan kýnde, ol ózining jasaghanyn, ózining qatesin moyynymen kóteredi.

 ***

Kýn astyndaghy qazaq – adam  qadirinde, ózining qadirin de  jaqsy biledi, eshkimdi ózinen kem sanamaydy, «qadirsizden qút qashatynyn»  jaqsy biledi.

 ***

Kýn astyndaghy qazaq  – mahabbattan ómir tuady, «eger de  sýy bolmasa, adamda bolmas edi» dep týsinedi, jýregi  meyirimge, mahabbatqa  toly jan.

 

***

Kýn astyndaghy qazaq –tughan óletinin, jaralghan joghalatynyn, kelgen ketetinin, ajaldan eshkim qútyla almaytynyn jaqsy biledi, ajal jetpey ólmek joghyn da týsingen búl dýniyedegi qonaq; ol ómirding kýshti ekenin, ólim odan da kýshti ekenin jaqsy biledi, ol qúdaydan ólimining úyatty bolghanyn qalamaydy.   

 ***

Kýn astyndaghy qazaq  – bala kezinen tәkappar jandardy,pysyqtar men pasyqtardy únatpaydy, olardy kórgende ol ishinen tynady, al biraz jyldardan keyin olardyng sýmireygen úsqyndaryn kórip taghy da ýndemey qalady, óitkeni olardyng nadandardan ekenin bala kezinen jaqsy biledi, olardyng opasyzdyqtan tayynbaytynyn talay kórdi, ózi de solardyng talay qúrbany boldy.   

***

Kýn astyndaghy qazaq – músylman, Jaratqan iyem, Allanyng qúdyretine baghynatyn adam. Qúran Kәrim kitabyn qolynan tastamaydy, jyldar, kýnder boyy, saghattap qúran oqidy. Jaratqan iyemge  jalbarynady, imanyn  jýreginde saqtaydy. Bәri Allanyng qolynda ekenin, Jaratqan iyem iyeliginde ekenin ol jaqsy týsinedi.

***

Kýn astyndaghy qazaq – ol ata-anasyn qúrmettep  syilaytyn, kәriliginde kýtip baghatyn, ólgende qadyrlep kómetin, olardyng beynesin jýreginde ústap,  júma kýni olardyng aruaqtaryna baghyshtap dúgha oqityn jan.

 

***

Kýn  astyndaghy qazaq – erjýrek, qorqynyshyn bildirmeydi, úyalghan batyr bolady dep týsinedi. Erlik – aqyl men jýrek  sheshiminen keyin ghana tuatyn әreket sanaydy.Batyrlyq, erlik mynnyng birining qolynan kele bermeytinin, ezdik biylegen jerde erlikke oryn joq ekenin ol jaqsy týsindi.

***

Kýn astyndaghy qazaq  –  jaqsylyqtan ýmit ýzbeydi, basyna auyr kýnder týskende  kýshin qiyndyqtardy jenuge júmsaydy, ol auyrlyqpen birge jenildik baryn, qiynshylyqpen birge onaylyq baryn, belin qayystyrghan jýkting týsetinin, kónilining ashylatynyn, abyroyynyn  kóteriletinine senedi.

***

Kýn astyndaghy qazaq  – ózining kýsh – qayratyn kýtedi, bosqa shashpaydy,  óitkeni  onyng kýsh –quaty onyng ómiri ýshin  manyzdy ekenin jaqsy biledi, sondyqtanda bolar ol qiyn sәtte ózin toqtatady, sabyrgha salady, aqylyn ashugha jendirmeydi, kýsh - quatyn  keleshekte  basqa iygi  isterge qaldyrady.

***

Kýn astyndaghy qazaq – ózinin  jýregin  tyndaytyn adam, jýregining ony aldamaytynyn jaqsy biledi, qanday bolmasyn sheshim qabyldar aldynda  ol aqylynan góri jýregin tyndaydy, sonan da shyghar onyng jýregi kóp auyrmaydy, óitkeni shyn jýrekten shyqqan sóz, ne jasalghan iygilik qanday bolmasyn jýrekten oryn alatynyn  jaqsy biledi.

***

Kýn astyndaghy qazaq – qiynshylyqta adamgha qol úshyn sozady,  jaqsylyq  isteydi,  jaqsylyq istey otyryp, ol ózining adamdargha qajettiligin sezinedi, ózi de quanyshqa bólenedi, jaqsylyq ýshin  ol ózinin  qolyndaghysyn  bólip beredi, sol kezde ol ózining jýrek sezimderimen әreket qylady, osylaysha ol ózinin  jýregin izgilikpen shyndaydy.

 ***

Kýn astyndaghy qazaq – enbekqor, enbeksýigish, ol  bala kezinen  enbek etti: jerde jyrtty, eginde saldy, shópte japty, malda baqty, qúrylysta saldy, ústazdyq etti, kóp jyldar kensede qyzmet atqardy, kitap jazdy, ol qanday bolmasyn enbekting dәmin tatty, qanday  bolmasyn oghan tapsyrylghan júmysty adal atqardy, ol – óz isinin  bilikti mamany, ol adal enbegimen nanyn tauyp jeydi; ol býgingisin ertenge qaldyrmaydy, jalqaulyqty aramtamaqtyq sanaydy, jatyp isherlikti, qynyr-qyrsyqtyqty  eshqashanda qoldamaydy.

 

***

Kýn astyndaghy qazaq – dosynyng kemshiligin keshire biledi, dosynan  súramaydy, dosyn dúshpan sanamaytyn adam, ol jalghannan janyn aulaq ústaydy, janyn ótirikke satpaydy, ótirikten keyin jazylmaytyn jara qalatynyn jaqsy týsingen qazaq. 

 

***

Kýn astyndaghy qazaq – ol adamgha qiyanat  jasamaydy, adamgha qiyanat jasau qylmys dep biledi.

***

Kýn astyndaghy qazaq – onyng elinde, memleketinde, qoghamda, adamdar arasynda әrqashanda әdildik bolghanyn qalaydy, әrkim ózine, ózgege әdil qarasa dep oilaydy, ol әr nәrsege әdil kózben qaraydy.               

***

Kýn astyndaghy qazaq   –   jemqorlyq  pen  paraqorlyq   azghyndyqtyng bir týri sanaydy, olardy qúzghyndargha teneydi, óitkeni qanshama qúzghyndar aspanda samghasa da olardyng jarylyp óletinin jәne olardyn  jarymaghandardan  ekenin  bala kezinen  jaqsy biledi. 

 

***

Kýn astyndaghy qazaq  – sabyrly,  әrqashanda amandyghyna  shýkirshilik  etedi. Bәle kelse  «keter» dep,  tózimdilik saqtaydy.Ol әr nәrsening shegi baryn jaqsy biletin adam. 

 

***

Kýn astyndaghy qazaq – ózining úrpaghynyng tәrbiyesine ýlken mәn beredi, qoghamnyn, qazaqtyng eng basty mәselesi sanaydy, ol  tәrbiyenin  ózegi: «Ata - anadan ósip úrpaq taralghan, jaqsy, jaman bolsa bala – solardan» dep týsinedi jәne esinde saqtaydy; ol qazaq otbasynda erli- zayypty adamdar arasyndaghy  qatynas mahabbatpen jәne ózara senimge, týsinistik pen syilastyqqa  qúrylyp, qazaq  otbasynda  erkek – er, al әiel – ana bolyp qaluynyng manyzy zor dep sanaydy. 

***

Kýn astyndaghy qazaq – balalary  boyynda  jaghymsyz qylyqtar men kemshilikterdi kórgende ol ózinen júqqan, ne auysqan kemshilikter  dep biledi, ol balalarynyng aldynda ózining tәrbiyesine kónil bóledi, ózining qylyghy men sózderine múqiyat, jýris -túrysymen balalaryna ýlgi. Ol balalary alghan bilimderimen ghana emes, adamshylyqtarymen biyik túrghandaryn qalaydy.

***

Kýn astyndaghy qazaq – Qúday qosqan qosaghyn, sýiikti jaryn  syilaydy,  tatu ómir sýrip,  balalaryn tәrbiyelep, ómirding qyzyghy men shyjyghyn birge  kórip, aralaryna daq týsirmey ómir sýredi; ol – әielding úyattysyn, jardyng aqyldysyn, qyzdyng qylyqtysyn dúrys kóredi, әielding kórki – onyng ar- úyaty, aqyly, sýikimdi qylyghy dep biledi, ol  әiel  aldyndaghy sertine  berik  qalady, aitqan sózin jerge qaldyrmaydy.

 

***

Kýn astyndaghy qazaq  –sәlemim saulyq, sәlem alghan qyzyghyn kóredi, әdepti jaqsy qylyq, әdepti sóilep – óz ortasynda sýikimdi jýretin, әrqashanda sәlemi týzu adam. 

 

***

Kýn astyndaghy qazaq  – tughan-tuysqanyn jaqyn kóredi, jaqynymen arasyn ýzbeydi, al ýzile qalsa ózining ókpesin qoyyp aghayynyna, tuysqanyna  jaqynday týsetin qazaq.

 

***

Kýn astyndaghy qazaq – ósh alghannan góri keshirgen jaqsy dep biledi, sondyqtanda bolar ol oghan qarsy jasalghan barlyq jamandyqtardy janymen qinalyp, janymen  keshiredi, eshqashanda  kek saqtamaydy.  

 

Kýn astyndaghy qazaq - eli, halqy, onyng ótkeni jәne keleshegi turaly

Kýn astyndaghy qazaq – eli, qazaghy, onyng ótkeni  men keleshegi  turaly kóp oilanady, kóp tolghanady, ol jer әlemde jәne ózining tughan jerinde qazaqtyn  eng bolmaghanda on bes milliongha tolmaytynyn jaqsy biledi, ol әrqashanda elinin  mýddesin  joghary qoyady;  tәuelsiz elining shyrqyn búzatyn qanday bolmasyn qauipten saqtanady, ol elining amandyghyn tileydi, tәuelsizdigining qadyryn týsingen  qazaq.

~~~~~~~~~

Kýn astyndaghy qazaq –  kýn astyndaghy fransuz, japon, aghylshyn, ýndiler men qytaylar  jәne  basqa da kýn astyndaghy halyqtar siyaqty ózining ghasyrlar  tarihyn jaqsy biledi, qazaq  halqynyn  qadir-qasiyeti  biyik,  onyn  ata-babalary  әdil, adal,  shynshyl, erjýrek, qaharman  bolghanyn,  ol  halqynyng adamshylyq qúndylyqtary men týsinikterining tamyry, onyng kisilik qaynary terende ekenin sezedi, ol odan sayyn halqynyng bolashaghyna senimmen qaraydy jәne onyng keleshegine kýmәn keltirmeydi.

~~~~~~~~~

Kýn astyndaghy qazaq – eldiginen aiyrylghan ýsh ghasyrgha juyq kezen  uaqyt pen ómirding toqtaghan, qazaqtyng tynysy tarylghan, taryday shashylghan  auyr kezeng sanaydy, ol ótkeninen óshpes sabaq aldy, ótkende kórgenin eshqashanda  qaytalaghysy kelmeydi. Ol ózinin  tarihynan  synda jәne minde izdemeydi, búdan bylay qatelikke úrynbas ýshin aqiqatty tandaydy.   

~~~~~~~~~

Kýn  astyndaghy  qazaq – adam qúndylyqtary men týsinikterinin  ózgerip  jatatynyn, al keybireui qoghamnyn  sipatyna qaray eskirip, al endi bireuleri qalyp jatatynyn da biledi, ol eng basty qúndylyq  - qazaq jәne onyn  ómiri dep sanaydy. 

 

~~~~~~~~~

Kýn astyndaghy qazaq  – ózin bizding zamangha deyingi eki mynjyldyq  uaqytta Euraziya qúrlyghynyng qaq ortasynda, qazirgi keng baytaq qazaq dalasynda ómir sýrgen  asqaq jandy, adal niyetti, erkindik ansaghan, batyl  adamdar  –   kóshpendi dala taypalarynyng zandy  jalghasy. 

~~~~~~~~~

Kýn astyndaghy qazaq  – jayylym  jer  mýddesinde,  sharuashylyq tirshiligining jәne  salt-dәstýrining úqsastyghy men taypalyq, rulyq birliginde  qazirgi qazaq jerinde eldigin qalaghan jәne qúrghan, oghan qosylghan  (taypalyq odaq, birlik, qaghanat, orda, handyq, avtonomiyalyq respublika, sosialistik respublika) tarihy tamyry tereng eldin, on besinshi ghasyrda Qazaq handyghy ayasynda halyq bolyp birigui arqyly qalyptasqan, songhy ýsh ghasyrgha juyq uaqytta memlekettik tәuelsizdiginen aiyrylyp, qazirgi úrpaghyna keng baytaq jerin qaldyrghan qazaqtyng balasy.

~~~~~~~~~

Kýn astyndaghy qazaq –jerining kendigi, eldigi osy kýide onaylyqpen kelmegenin, ghasyrlar boyy qalyptasqan qazaqtyng birtútas qan birliginin, jan birligining jemisi ekenin, el tәuelsizdigi -  tarihy zandylyq dep sanaydy.

Qazaq halqy adamzat balasyn qyzyl qangha boyaghan, ashtyq pen joqshylyqqa úryndyrghan, stalindik zorlyq  - zombylyqqa   úshyratqan totalitarlyq jýiening qúrsauynan aman qaldy, qúryghynan aman shyqty.

Kýn astyndaghy qazaq – 1991 jyly memlekettik tәuelsizdikke qol jetti, jahan әlemdegi jana el, kýn sәulesine qyranday atylghan  – Qazaq Respublikasynyng azamaty.

~~~~~~~~~

Kýn  astyndaghy  qazaq  –  qazaq halqynyng sabyrly ekenin jaqsy biledi, qanday bolmasyn tarihy ótkelder men asularda, syn saghattarda eldik pen birlik kórsetti, onyng basyna týsken auyr kezender men kýizelisterde, ómir men ólim sәtinde tózimdilik kórsetken halyq; ol qazaqtyng tózimdi jәne sabyrly tabighatyn qadyr tútady, sol ýshin syilaydy.     

~~~~~~~~~

Kýn  astyndaghy  qazaq –  qazaqtyng syrtqy túlghasy, bet pishini men kelbetine, ishki jany men oy jýiesine, minez - qúlqy men sóz saptauyna, әleumeti men mәrtebesine jәne basqa da týrli belgilerine qarap olardy bólmeydi, qazaqty sol qalpynda  qabyldaydy, ózi de ózge bolghysy kelmeydi. Ol halqyn janymen sýietin qazaq, onysyn eshqashanda jasyrmaydy.           

~~~~~~~~~

Kýn astyndaghy qazaq –  ol bireuding jerine kóz jýgirtpeydi, óziniki ózine jetetin el, ol jau izdeytin el emes, «soghystyng betin aulaq qylsyn» deytin beybit halyq, ol jer betinde, әlemde soghys bolghanyn qalamaydy, al onyng eline jau shapsa, ol eli ýshin, jeri ýshin janyn ayamay, qasyq qany qalghansha qorghaytyn erjýrek jauynger, ony uaqyt pen tarih san mәrte dәleldedi jәne oghan kuә boldy.      

~~~~~~~~~

Kýn astyndaghy qazaq – halqynyn  biylikten әrqashanda biyik  túrghanyn,  qazaq tarihynyng qay kezeni,  qanday ghasyry men zamany bolmasyn, qanday  biylik qazaq basynda túrmasyn ol ózining adamshylyq biyiginde el bolyp qalghan halyq ekenin jaqsy biledi; ol ózining ghasyrlar  qalyptasqan  erkin ruhy, adal tabighaty men últtyq  bolmysy, oy sanasy, tózimdigi men birligi arqasynda eldigin saqtady; alty ghasyr - Qazaq eli bolyp keledi jәne qala beredi,elining mәngiligi – onyng mәngiligi.

~~~~~~~~~

Kýn astyndaghy qazaq –  ol qazaq tilining kórgen qasiretin janymen qinalyp, ana tilimen birge tartady, ol qazaq tilin  qatynas qúraly qyzmetinen  keng sanaydy, qazaq tili – qazaqtyng ózi, qazaqtyng jany, ómiri, ony qorghaytyn  jәne saqtaytyn qúral dep biledi; ol  - óz  tilinin  qasiyetin tómen týsirmeydi, ol - qazaq tilinde sóileydi, qazaqsha oilaydy, qazaqsha jazady.

~~~~~~~~~

Kýn  astyndaghy  qazaq – ózinin  jeti atasyn, ruyn, jýzin biletin, ózining tughan jerining salt-dәstýrin biletin qazaq, onyng osy belgileri últtyq tútastyghynyng negizi dep sanaydy. Ol qazaqtyng rugha, jýzge, aimaqqa  bólinip, jarylghanyn qalamaydy, óitkeni ol bólinse tirliginen, birliginen aiyrylatynyn, elining joghalatynyn jaqsy týsinedi.

~~~~~~~~~

Kýn astyndaghy qazaq – onyng jerinde onymen birge ómir sýretin kýn astyndaghy basqa da últtardy teng kóredi, olardyng da eli – qazaq jerining shyn qoldaushylary men  janashyry bolghanyn  qalaydy.           

~~~~~~~~~

Kýn  astyndaghy  qazaq – uaqyt qúdyretin jaqsy týsinedi, bәri uaqytqa kelip tireledi, uaqytsyz onyng ómiri joq, ólsheuli uaqyt әrkimge berilgen mýmkindik, adam uysyndaghy ómir onyng býgingisi jәne keleshegi dep sanaydy.

~~~~~~~~~

Kýn  astyndaghy  qazaq – ótken kýnning qaytyp oralmaytynyn, myng ret baqyrsa da, ótken uaqytty qaytaru mýmkin emestigin, sonday-aq mezgili jetpey isting bitpeytinin de jaqsy biledi, ol ótken isten syn izdemeydi, artyna kóp alandamaydy, keler kýnin oilaydy.      

~~~~~~~~~

Kýn astyndaghy qazaq –  eng bastysy qazaqtyn  arsyzdyq pen azghyndyqqa bylghanbaghanyn, onyng boyynda әdildik joghalmaghanyn, shyndyghy taptalmaghanyn, ózining azbaghanyn, qazaqtyng birine biri: jat, ógey, ósh,qas bolghanyn jәne qazaqtyng jany kýizelgenin qalamaydy.

~~~~~~~~~

Kýn  astyndaghy  qazaq –  elining býgin jәne ertengi ilgeri damuynyng negizi  – halyqtyng layyqty ómir sýrui, әrkimning eline qyzmet etui, oy armanynyng iske asuy, janynyng kendigi jәne úrpaghynyng ertengi kýnge degen senimimen ólsheydi.   

~~~~~~~~~

Kýn astyndaghy qazaq – qanday bolmasyn jetistikter halyqtyng arqasynda jasalatynyn, qanday bolmasyn kemshilikterge de halyqtyng ózi jauap beretinin jaqsy biledi, sonan da shyghar ol eshqashanda ózinen jauapkershilikti týsirmeydi jәne zamangha iytermeydi, zamannan kórmeydi.

~~~~~~~~~

Kýn astyndaghy qazaq  –  qazaq eli, qazaq jeri jәne qazaq halqy óte qymbat jәne qasiyetti úghymdar, jan beretin, qan aghyzatyn úghymdar sanaydy. Atalghan úghymdardy keregi joq, úsaq, tirshilik qaraketterine, aldamshy mýddeler men aldanyshtargha, týkke túrmaytyn jetistiktermen almastyrugha  jәne satugha bolmaydy dep sanaydy.

Salauat Kәrim

Abai.kz