Onynshy mausymnan beri Fransiyada ótip jatqan ayaqdoptan Europa qúrlyghy birinshiligining dop dodasynan «Qazaqstan» jәne «Kazsport»  arnalarynan tikeley efirde  kýndelikti kórsetude. Biraq bizdin  qazaq  tilindegi komentatorlar әbden jýikemizge tiyip bitti.  Qay jaq gol soqsa boldy, «g-o-o-l!» jep óneshi jyrtylghansha úzaq-sonar aiqaylaydy. Jaraspaydy-au, jaraspaydy. Jaraspaytyny - jasandy emosiya!

Jasandylyghy aidaladaghy ýsh qaynasa da sorpasy qosylmaytyn  Italiya, Ispaniya  siyaqty  europa  elderinin  komandalary ýshin qylghyna ólip kete jazdaydy, sabazdaryn. Al otandyq birinshilikten reportaj jýrgizgende mingirlep, múrnyn astynan sóilep ózimizdikin mensinbeydi. Ózindikin qor, ózgenikin zor sanaghan sorly qúldyq sanany aitsanyzshy! Sonday sәtte qazaqtay  erme, elirme, daraqy  júrt bar ma eken dep  yzalanasyn.  Jankýier boludyng ne ekenin qúdaygha shýkir, bilemiz. Biraq qansha jerden jýreging jarylyp ketse de aqylgha syiymdy bolu kerek emes pe?!  Óneshing jyrtyla aiqaylaytyn stadionda  otyrghan jankýier emes,  elge habar jetkizushi kommentator ekenin úmytyp ketedi. Kenes zamanynda Nikolay Ozerov  jәne  Kote Maharadze degen sport kommentatorlary boldy. Olar aiqaylaghanda aiqaydyng kókesin tanytatyn. Biraq olar óz elinin  hokkeyshileri nemese futbolshylarynyng soqqan goldaryna ghana shynayy tәnti bolyp dauysqa salatyn.  Shynayy emosiya tyndarmandy da, kórermendi de tabighy elitip әketetin.

..Mausymnyng 17 kýngi Italiya - Shvesiya kezdesuinen jasaghan reportajda («Kazsport»19.00.) komentator aqyldymsyp, anany bir, mynany bir aityp, ghalamtordan oqyghandaryn aityp,  Zlatan Ibragimovichting ómir boyy qasynda jýrgen ejelgi syralghy joldasynday bilgishsindi.  Bir uaqytta Italiya gol soghyp edi, mana aitqanymyzday  «g-o-o-l!» dep óneshi jyrtylghansha úzaq-sonar aiqaylady. Ayqaylady da: «Bizding ansaghanymyz osy edi!» dep qoyyp qaldy. Apyray ansaytynday  búl kommentator Italiya elinde tughan neme dep qaldyq! Keyde yzang kelgende, Resey arnalaryndaghy osynday  reportajdargha auystyryp kóresin. Orystar biz siyaqty shekten shyqqan daraqy emes, baysaldy da, jenil-jelpi, jarasymdy kónil-kýimen әngimelep otyrady. Gol soghylsa, dauys kóteredi, belgili bir shekpen ghana.  Olardyng pikir talasy da tartymdy. Bizding qazaq kommentatorlary tym bolmasa qasyndaghy orystildi әriptesine qaramaydy-au. Eki sózining biri: «oryn aldy»,  «qiys ketti», «ese jiberdi», «shabuyl úiymdastyrdy» - bary osy.  Sóilese  dop tebedi, baspen úrady, sekire tebedi, ókshemen  dopty iyirip alady, bayau jýgiris, jambastap dop soghu  siyaqty qazaqta sóz jetilikti. Biraq sózding qory sarqylghan kommentatorlar gol dep aiqaylamaghanda ne istesin dep taghy da ayaysyn. 

Túrsyn Tanatarov, Qostanay qalasy

Abai.kz