Songhy kýnderdegi alasapyran oqighalar hәm sol jaghdayatqa qatysty taraghan resmy aqparattargha qarasanyz, janynyz týrshigedi. Sonau Saryaghashtaghy últaralyq janjaldan bastap, keshegi mitingterge hәm Aqtóbedegi lankestikke deyingi sayasy shiyelenisterding bәrining avtory bir-aq kýnde tabyldy (QR ÚQK ókili Ruslan Karasev osynyng bәrine bir adam yaghny kәsipker Tóleshov kinәli degen resmy mәlimdeme jasady. Qaranyz: http://abai.kz/post/view?id=8194. 

Sonymen, Aqtóbede jiyrmagha juyq azamattyng ómirin jalmaghan qandy qyrghyndy "jasaushylar" (úiymdastyrushy kýsh) beybit mitingte ne ýshin oq atpaghanyn halyq týsine almay otyr.

Jalpy, qazaqta «bir oqpen eki qoyan atu» degen úghym bar. Bizding Ishki ister ministrligi men Últtyq qauipsizdik komiyteti bir oqpen eki emes, ýsh qoyandy birden súlata salmaq niyet tanytty.

Esterinizde bolsa, sonau Saryghashtyng Yntymaghynda kisi ólimi bolghan kezde bizdegi resmy organdar «búl bar bolghany eki azamattyng túrmystyq jaghdaygha kelise almauynan tuyndaghan janjal» dep әlgi oqighanyng «últaralyq qaqtyghys» emestigin dәleldeuge tyrysqan-dy. Endi kelip, Aqtóbedegi lankestik әreketten keyin sol ózderi joqqa shygharghan qylmysty bar etip, onyng artynda kimder túrghanyn "sýiinshilep" jiberdi.

Demek, búl - qatardaghy qylmys emes, últaralyq qaqtyghys bolghany ma? Endeshe, sol kezde últaralyq arazdyqty tughyzghan qylmyskerler nege sottalmady?. Halyq N.Nametovten basqa jauapqa tartylghan bir adamdy da bilmeydi. Nege?

El-júrt úmyta bastaghan Saryaghashty qoyshy... Songhy bir jarym aidyng bederinde qazaq dalasyn dýbirletken jer mәselesine de «syra óndirushi» Tóleshev kinәli bolyp shyqty.  

Jerimizding satyluy men jalgha beriluine qarsylyghyn bildirip qazaq últynyng azamattary alangha shyqty. Qazaqstan Halqy Assambleyasynyng HHIV cessiyasynda sóilegen sózinde Memleket basshysy Núrsúltan Nazarbaev jerin qorghashtaghan qazaq halqyna riza ekenin bildirdi.

«Aghayyngha rizamyn. Layym jerge degen kónil osynday bolsa, halqymyz qasyq qany qalghansha ony qorghaydy dep senemin», - dedi atalghan jiyn barysynda Núrsúltan Ábishúly Nazarbaev.

Osy Elbasy alghys aityp, rizashylyghyn bildirgen búqara halyq endi kelip terrorist bolghany ma? QR Ishki ister ministrligi men Últtyq qauipsiz komiyteti taratqan aqparattargha sensek, mitingshiler lankes bolyp shygha kelgenin bayqaysyz.

Sonda,  Assambelyada sóilegen sózinde  Elbasymyz lankesterge alghys aitqan bolyp shyqpay ma? Joq, әlde ministrlik búl mәseleni basqasha tәpsirleudi moynyna jýktep otyr ma?

Qazaqstan halqynyng týrli miting ótkizuge, ózining azamattyq oiyn ashyq aitugha qúqyghy bar. Qazaqstannyng birneshe qalasynda ótken beybit sherulerde azamattarymyz sol qúqyghyn paydalanyp, beybit týrde narazylyqtaryn bildirdi. Olar memlekettik tútastyqqa qauip tóndiretindey hәm biylikti basyp alatynday әreketter jasaghan joq. "Olar jerdi bireuding aqshasyna bola qorghaydy, olar mitingke bireuding aitaqtauymen ghana shyghady" deu - qazaq últynyng namysyn taptau, alangha shyqqan әr azamattyng adamdyq qúqyghyn ayaqasty etu.  

Endeshe «jerdi eshkimge jalgha bermeymiz» dep últtyq patriottyghyn ashyq bildirip otyrghan kýlli qazaqstandyqtardy «terorist» dep qaralaytynday qanday sebep bar?.

Osyny Ishki ister ministri týsindirui kerek dep oilaymyz.

Aytpaqshy, «senimsiz» bir sebep bar eken. Býkil júrtqa 20 mamyr kýni Almaty qalasynan suyq qarular tabylghany mәlim boldy. Biraq, búl aqparattyng ras-ótirigine әli eshkim kóz jetkize alghan joq. 20 mamyrda ústalghan kýdiktiler turaly әli kýnge tolyq mәlimetter jariya etilmey keledi. Nege? Ústalghandar kimder? Sot aldy tergeu amaldary qalay jýrgizilip jatyr? Kýdiktiler qalay anyqtaldy? Bәri de súraq belgisi kýiinde qalyp otyr.

Halyq 20 mamyrda әbjildik tanytqan qúziretti organ qyzmetkerlerining  Aqtóbedegi lankestik kezinde nege «úiyqtap» qalghanyn da týsine almay otyr. Yaghni, bizding qúziretti organdar bar kinәni ózgege audaryp, ózderining әlsizdigin býrkemelep qalghysy keletindey.

Týiin

Biz osydan bir apta uaqyt búryn QR Ishki ister ministrligining ministri, general Qalmúhambet Qasymov myrzagha «Abai.kz» aqparattyq portalynyng atynan birneshe saualdar jibergen edik. Oghan әli jauap kelgen joq. Alayda biz sol saualdargha qosa osy bir shaghyn  maqalada qamtylghan jayttar men taqyrptaghy súraqqa baylanysty ministri myrza óz pikirin ortagha salar degen ýmittemiz.

Qanat Birlikúly

Abai.kz