23 jastaghy akter jәne Almaty mәslihatyna janadan saylanghan deputat Asylhan Tólepov qazaqstandyqtardyng synyna jauap berdi. Tólepov  Tengrinews.kz tilshisine bergen súhbatynda jas ekenin Internette synap jatqandardyng sózine sabyrmen qaraytynyn aitty.

«Syn, kerisinshe, maghan júmys isteuge kýsh berip, shabyttandyra týsedi. Men eshkimge renjimeymin, әr adamnyng pikirin qúrmetteymin. Sondyqtan halyqtyng meni beker tandamaghanyn sózben emes, ispen dәleldegim keledi. Jas ekenimdi aityp, senim bildirmegenderdi de týsinemin. Biraq, qazaqtyng tarihynda 14 jasta da, 20 jasta da úly batyr jәne by bolghan adamdar bar. Sondyqtan meninshe, jas — bastysy emes. Kóp júmys istep, saylaushylarymnyng senimin aqtaymyn dep sóz beremin», — dedi Tólepov.

Almaty mәslihatynyng deputaty qyzmetinde ol búqaralyq sport pen mәdeniyetti damytugha, balalar alanyn jabdyqtaugha, salauatty ómir saltyn nasihattaugha, jas kәsipkerlerge jenildigi bar jaghday jasaugha jәne Nauryzbay audanynynyng infraqúrylymyn jaqsartugha niyetti.

«Men saylaualdy nasihat kezinde asfalit tóseymin, elektr togyn, sudy jәne taghy basqany jetkizemin dep uәde bergen joqpyn. Sondyqtan búl uәdeni orynday almasam adamdardyng aldynda úyalatyn edim. Biraq men Nauryzbay audanynyng túrghyndarynyng mәselelerin jergilikti zannamada kóterip, sheshudi uәde ettim. Alda júmystyng kóp ekenin, onymen qatar ýlken jauapkershilikti týsinemin», — dedi Tólepov. Alayda ol deputat qyzmetin shygharmashylyghymen qatar alyp jýretinin aitty.

«Qazirgi uaqytta Mýsirepov atyndaghy balalar men jasóspirimder teatryndamyn. Búl mening negizgi júmysym, ony tastap ketpeymin. Qazirgi uaqytta eki jana qoyylymdy dayyndap jatyrmyz. Ázirshe kinogha týsu turaly jospar joq», — dedi akter.

Eske salayyq, 23 jastaghy Asylhan Tólepov №15 saylau okrugi boyynsha Almaty mәslihatynyng deputaty bolyp saylanghan edi. Ol saylaushylardyng 73,8 payyz dausyn jinady.

Tólepov Asylhan Saylauúly 1992 jyldyng 21 mamyrynda Aqtóbe oblysynda dýniyege kelgen. 1996 jyly onyng janúyasy Almatygha kóship keledi. 2015 jyly Tólepov Jýrgenov atyndaghy Qazaq últtyq akademiyasyn «Akterlik sheberlik» mamandyghy boyynsha ayaqtaydy. Taekvandodan qara belbeu iyegeri.

Rejisser Aqan Sataevtyng «Jaujýrek — myng bala» kinofiliminde bas keyipker Sartay batyrdyng rolin somdady. Sonymen qatar, «Balalyq shaghymnyng aspany», «Bauyrjan Momyshúly» jәne «Reketiyr-2» filimderine qatysty.

Abai.kz