Ádildik izdep sharq úrghan Ayman Saghidulla sotta jeniske jetti. Múghalimderding qúqyghyn qorghap, mektepterdegi zansyzdyqtarmen qaymyqpay kýresip jýrgen batyr qyz ózi qyzmet etetin mektep diyrektoryn sotqa berip, ózine negizsiz «kýshtep» taghylghan eskertuding zansyz ekenin dәleldedi. Múny әriyne, bir ghana múghalimning mәselesi dep qaraugha bolmaydy. Búl bizding demokratiyaly qoghamda eshkimge jaltaqtamay óz qúqyghy ýshin kýresetin erkin oily ústazdardyng payda bola bastaghanyn kórsetedi. Ayman sendi qozghady. Endi býkil Qazaqstanda «aymanshyldar», yaghny Ayman sekildi shyndyqty tu eter ústazdar kóbeyedi. Ol ústazdar jaghympaz, jaltaqtardy emes, shynshyl, әdiletti úrpaq tәrbiyeleytin bolady.

Ayman Saghidulla oqushylardan aqsha jinau, konsertterge biylet satu, múghalimderdi qoghamdyq júmystargha jegu sekildi mәselelerge qarsylyq tantytyp, óz oiyn audan dengeyinde ghana emes, respublika kóleminde jetkize bildi. Elimizdegi týrli sayasy oqighalar kezinde de belsendilik tanytyp, kózqarasyn ashyq bildirip jýrdi. Áriyne, memlekettik mekemede qyzmet ete jýrip, sol jýiege qarsylyq bildiru – aghysqa qarsy jýzgenmen birdey. Ayman alghan betten qaytpady. (Osy orayda aita keteyik.  Ayman Saghidulla bir isti bastamas búryn eng aldymen bizding portalgha habarlasyp, pikirimizdi súraytyn. Oghan sebep eng alghashqy maqalasy bizding saytta jariyalanghandyghy bolar. Áyteuir kezdese qalsaq, «Abai.kz mening qorghanym ghoy» dep әzildeytini bar).

Osy qyzymyz mamyr aiynyng 19-kýni bizge habarlasyp, ózin zansyz jinalysqa salghanyn aitqan edi. Biz dereu «Qarasaylyq aqsaqaldar ústazgha qysym kórsetti» degen maqala jariyaladyq. Osy aqsaqaldardyng «qysymy» ústazgha «pedogogikalyq etikany saqtamady» degen aiyp taghugha negiz bolyp, Ayman sottyng aldynan bir-aq shyqqan-dy.  

Býgin mine, Aymandy jenisimen qúttyqtamaq bolyp habarlasyp edik ol: «Mening jenisim – Qazaqstan Respublikasynyng Ata Zanynyng jenisi. Zansyzdyqqa jol bermeu ýshin biz әrdayym da óz qúqyghymyzdy Konstitusiya shenberinde qorghauymyz qajet. Sonymen qatar búl jenis Abai.kz portalynyng jәne maghan janashyrlyq tanytqan býkil qazaqtyn, qazaq baspasózinin  jenisi ghoy» dedi.

Publisist Ábdirәshit Bәkirúly aghamyz Abai.kz aqparattyq portalyna jazghan «Ayman Saghidulla fenomeni» degen maqalasynda «Barlyq jerde shyndyqty ashyp aitatyn kez keldi. Elbasynyng ózi ony qoldap otyr. Sondyqtan "ústaz" aty bar bilikti múghalimder endi búrynghyday diyrektorynyng aldynda jasqanshaqtay bermegeni dúrys» degen edi. Kórip otyrghanymyzday mine, zannyng turalyghy, zandy basshylyqqa alghan sottyng әdil sheshimi Aymandy әlimjettikten arashalap qaldy, mereyin ýstem etti.

Jaraysyn, Ayman!

Sen býgingi әr  múghalimge ýlgisin!

Sening artynnan erer, shynshyl ústazdar kóbeye bersin!

Qanat Birlikúly

Abai.kz