AQSh-ta túratyn islam dinin uaghyzdaushy Fethullah Gýlendi Týrkiya preziydenti Tayyp Erdoghan 15 shildedegi sәtsiz memlekettik tónkeristi úiymdastyrghan dep aiyp otyr. Býlikten song Týrkiya biyligi birqatar elding ýkimetterinen basqa memleketti panalaghan Gýlenge qatysy bar oqu oryndaryn jabudy talap etti.

Búl talapqa әr el әrqalay jauap berdi. Qyrghyzstannyng syrtqy ister ministrligi Týrkiyanyng tәuelsiz memlekettegi bilim beru jýiesine aralasa almaydy dese, búghan deyin Qazaqstan biyligi qazaq-týrik liyseylerining Gýlenge eshqanday qatysy joq jәne bilim mekemeleri Qazaqstan ýkimetining baqylauynda dep jauap bergen edi.

Soghan qaramastan Týrkiya preziydenti Astanadan respublikadaghy 33 liyseydi tekserip shyghuyn súrady.

"Búl mektepterdi memleket baqylaydy. Biz Týrkiyagha qauip tóndirushilerdi qoldamaymyz. Ol bizding mýddemizge qayshy keledi. Biz búl mektepterding barlyghyn tekseretin bolyp kelistik. Eger olardyng [Gýlenmen] baylanysy dәleldense, biz oqytushylardy almastyramyz", - dedi Nazarbaev.