اقش-تا تۇراتىن يسلام ءدىنىن ۋاعىزداۋشى فەتحۋللاح گۇلەندى تۇركيا پرەزيدەنتى تايىپ ەردوعان 15 شىلدەدەگى ءساتسىز مەملەكەتتىك توڭكەرىستى ۇيىمداستىرعان دەپ ايىپ وتىر. بۇلىكتەن سوڭ تۇركيا بيلىگى بىرقاتار ەلدىڭ ۇكىمەتتەرىنەن باسقا مەملەكەتتى پانالاعان گۇلەنگە قاتىسى بار وقۋ ورىندارىن جابۋدى تالاپ ەتتى.

بۇل تالاپقا ءار ەل ارقالاي جاۋاپ بەردى. قىرعىزستاننىڭ سىرتقى ىستەر مينيسترلىگى تۇركيانىڭ تاۋەلسىز مەملەكەتتەگى ءبىلىم بەرۋ جۇيەسىنە ارالاسا المايدى دەسە، بۇعان دەيىن قازاقستان بيلىگى قازاق-تۇرىك ليتسەيلەرىنىڭ گۇلەنگە ەشقانداي قاتىسى جوق جانە ءبىلىم مەكەمەلەرى قازاقستان ۇكىمەتىنىڭ باقىلاۋىندا دەپ جاۋاپ بەرگەن ەدى.

سوعان قاراماستان تۇركيا پرەزيدەنتى استانادان رەسپۋبليكاداعى 33 ليتسەيدى تەكسەرىپ شىعۋىن سۇرادى.

"بۇل مەكتەپتەردى مەملەكەت باقىلايدى. ءبىز تۇركياعا قاۋىپ توندىرۋشىلەردى قولدامايمىز. ول ءبىزدىڭ مۇددەمىزگە قايشى كەلەدى. ءبىز بۇل مەكتەپتەردىڭ بارلىعىن تەكسەرەتىن بولىپ كەلىستىك. ەگەر ولاردىڭ [گۇلەنمەن] بايلانىسى دالەلدەنسە، ءبىز وقىتۋشىلاردى الماستىرامىز", - دەدى نازارباەۆ.