Siz әruaqty qalay týsinesiz? Allanyng qasyna әruaqty "serik" etip, dindi qiyndatudyng ne qajettili bar? "Júrttyng bәri әrnәrseni bir aityp, shatasyp jatqanda "Alladan basqagha ghibadat etpeymin" dep túryp alsam qatelespeymin ghoy" deytin oidyng kimge de bolsyn keletini kýmәnsiz.
Eger mәsele dәl osylay op-onay sheshimin tauyp kete berse, onda teologiya ghylymy ómirge kelmes edi.

Sonda әlgi oida qanday jansaqtyq bar? Payghambarlardyng keludegi maqsaty Alladan basqa syiynugha layyq eshnәrse joq ekendigin úghyndyru emes pe? Endi osy aitqanymyzdy saralap kóreyik.
Eng basty qatelik, payghambarlardyng kelu maqsatyn týsinbeuden tuyndaydy. Bilgen jón. Eshqanday payghambar jana din әkelmeydi. Olar jana din әkeldi degen týsinik talay qauymdy dinnen shygharyp jiberdi. Eger әr payghambar jana din әkele berse, onda olardyng senimi de әrqily bolghan bolar edi. Dindarlar payghambarlardyng keluin dinnin, qasiyetti kitaptardyng búrmalanyp, ózgeriske týsuinen dep týsindiredi. Biraq nege ózgeriske týsetinine jete mәn bere bermeydi. 

Basyn ashyp aitayyq. Payghambarlar búrynnan bar dinge jan kirgizu ýshin keledi. Din óli bolghan song qasiyetin joghaltady, jansyz nәrse kim kóringenning qoljaulyghyna ainalady. Jansyz, ruxsyz nәrsege Alla nazar salmaydy. Bolmasa "eski" dindegiler de Allagha senemin, tek soghan ghana qúlshylyq etemin ( evreylerdi qaperge alynyz) degen oidan ainyghan joq. 
Mine, biz sóz basynda aitqan "Bir Allagha ghana ghibadat etemin" degen adam sol eski, jansyz, ruxsyz dindi mise tútyp júrgen adam siyaqty.
Úghynyqtylyq ýshin taghy bir oy qosayyq. Álgi "Bir Alla" dep jýrgen adam men "әruaqshyl" dindәr qatar otyryp namaz oqydy delik. Qúranda aitylatynynday, bireuining namazy qabyl bolady da ekinshisininki óz boyynan joghary kóterilmeydi. Áriyne, biz "әruaqshyldy" dúrys dep qabyldaymyz. Sonda "Alla" dep otyrghan adamda ne jazyq?! Saualdy osylay qoyghanda, evreyler men xristiandardy aitpaghanda teris 72 baghytqa búrylyp ketti delinetin músylmandarda ne jazyq?!

Jalghyz ghana kinәrat bar. Ol - әruaqty moyyndamau. Búryn da aittyq. Taghy da qaytalayyq. "Alla" degendi seni ózine tәueldi etip alghan "Men" aityp otyr. Al ózin әruaqqa tapsyrghan adam aitqan Allany "Ol" aityp otyr. "Ol" - sening janyn, "Ol" - antimateriya, "Ol" - monada. Ony búl kýnde ghylymnyng ózi dәleldep otyr. Seni, meni, myna 18 myng әlemdegi kórinip túrghan, kórinbey túrghan materiya men ony týzetin barlyq bólshekterdi alyp tastasaq, qalatyny - әruaq.

Endi jogharyda aitqandarymyzgha mәn bereyik. Álgi men "Alla" dedim, "namaz oqydym", "Allagha serik qosqan joqpyn" dep otyrghan adam da biz alyp tastadyq degen materiyamen birge joq bolyp ketedi ghoy. Sonda sol joq bolyp ketetin adamnyng oqyghan namazy da ózi esitetin biyiktikten әri kóterile almauy zandylyq qoy. Al әruaq (antimateriya, rux, monada - atynda túrghan dәnene joq) údayy "joqtyqta" túrady. Al Alla - barlyqta. Biz múny kәlima shaxadat aitu arqyly aighaqtaymyz. Sondyqtan "Alla" dep ózindi barlyqta túrmyn dep aitsan, sen de Allagha ainalyp, sypayylap aitsaq Jaratushy iyemizge "shirk" qosyp shygha kelesin. Al "әruaq" deseng joqtyqqa ótesin. Ol "joqtyq" Allanyng sipattary arqyly myna әlemdi bar siyaqty etip kórsetedi. Sol auany kóriniste jasalghan "ghibadattargha" senim artu - býgingi diny auytqushylyqqa alyp keldi. Ony býgingi ghylym da dәleldep otyr. Biraq soghan nazar audaryp jatqan dindәrdi bayqamadym.

Qúdiyar BILÁL

Abai.kz