Astana әkimdigi kóshelerding atauyn ózgertu jәne jekelegen kóshelerge ataular beruge qatysty týsinikteme berdi. Búl turaly qazaquni.kz portalynyng tilshisi habarlaydy.

«Songhy eki jyl ishinde 2016 jyldyng shildesine deyin nysandargha, әkimshilik-aumaqtyq birlikterge atau beruge jәne ataularyn ózgertuge moratoriy engizilgen bolatyn. 2015 jyldyng 1 qantarynan 2016 jyldyng qyrqýiegine deyingi kezende Astana qalasynyng әkimdigine enbek újymdarynan jәne shygharmashylyq odaqtardan, birlestikterden, úiymdardan, ziyaly qauym jәne qogham ókilderinen jýzge juyq úsynys týsti», – dedi әkimdiktegiler.

Jón deymiz. Elorda kóshelerining dúrys atalghany elge abyroy. Degenmen, osy uaqytqa deyin kóshe atauyna salghyrt qarap kelgen bizding sheneunikter taghy da birtýrli sheshimderimen kózge týsti.

Mәselen, jaqynda Astanada Álihan Bókeyhan, Búqar jyrau, Súltanbek Qojanúly, Ázirbayjan Mәmbetov sekildi birqatar túlghalardyng esimderimen atalghan kósheler payda bolmaq. Quanarlyq jayt!

Sonymen qatar, jobalyq E350 atauy bar kóshege Nikola Teslanyng esimi berilmekshi eken.

O zaman da búl zaman, Nikola jaryqtyqtyng mynau elge, myna Astanagha ne enbegi sinip edi? Sol kóshege esimin beruge túrarlyq taghy bir qazaqtyng maqtanyshy tabylmay qaldy ma? Álde, jogharyda aty atalghan túlghalargha kóshe berdik, sol da jetedi dedi me eken әkimdiktegiler?

Osyghan oray qazaqtyng ýlken ghalymy Mekemtas Myrzahmetovting «Jer tarihy – El tarihy» atty kitabynan ýzindi keltire ketsek deymiz.

«Býginde qalalardaghy kóshe ataulary alandatyp otyr. Sebebi, býginde el auzynda mysqylmen aitylyp jýrgen «Kóshening aty kókeme, Auyldyng aty atama» dep aitylghan sózding astarynda býgingi kýnning ashy shyndyghy jatqanyn angharamyz. Oblystyq, qalalyq, audandyq onomastikalyq komissiyalar tarapynan mәselening tórkinin tany bermeytin onomastikalyq sauatsyzdyq beleng alyp túr. Búl kemshin jaghday kóp uaqytta jergilikti jaghdaydyng keybir ózindik ereksheligin, ótkendegi tarihy atalymyn jete bilmeuden», – deydi ghalym.

Kezinde qazaq dalasynda kóshe túrmaq, jer-su attary týgeldey orystandyrylghanyn tarihtan jaqsy bilemiz. Onyng barlyghy qazaq halqyn mәngýrt etu ýshin jasalghany da ayan.

Atap ótu kerek, Astana әkimdigindegi onomastikalyq komissiyanyng tóraghasy elorda әkimining orynbasary Ermek Amanshaev. Ermek Ámirhanúly – qazaqtyng talantty jazushysy, dramaturg. Sóz qadirin jete týsinetin, últyn sýietin perzent qoy dep jýrgen azamattyng múndaygha qalay jol bergeni týsiniksiz. Joq, әlde búl qalypty jaghday dep sanaydy ma?

Áriyne, kóshe ataulary boyynsha barlyq júmys arnayy komissiya tarapynan jasalghanymen, qol qoyatyn әkim. Qol qoyarda «Tesla degenning bizge ne enbegi sindi?» degen súraq sizdi mazalamady ma? Áytpegende, shetelding barlyq injener, ghalym, jazushy, patsha bitkenderine kóshe bere bereyik. Bolashaq úrpaqtyng qalay mәngýrt bop ketkenin bayqamay da qalamyz. Ásili, kóshe ataulary degen óte kýrdeli mәsele. Búghan at ýsti qaraugha mýldem bolmaydy.

Qazaqqa dym paydasy tiymegen injener Tesla bar ómirin AQSh-ta ótkizip, sol elge júmys istedi. Qazaqstan AQSh-tyng bir shtaty emes qoy. Úlyqtaghan úlylarymyzgha qosyp jibergen TESLA degen kiminiz edi, Aset Orentaevich?!.

Álde, siz basqasha oilaysyz ba ?!.

Abai.kz