Jaqynda  Chehiyanyng Ishki ister ministrligi «Resey baspasózining ýgit-nasihatymen (propagandasymen) jәne ózge de dezinformasiyalyq aqparattarmen kýres» departamentin qúrdy. Chehiyalyq BAQ mәlimetterine sýiensek, búl departament, әsirese, túrghyndardyng qoghamdyq pikirine teris yqpal etip, memleketting ishki túraqtylyghynyng búzyluyna sebep bola bastaghan Resey propagandasymen kýreske den qoydy maqsat etip otyrghan kórinedi. Búl turaly «Hospodarske Noviny» gazeti jazady.

Qúramyna 20 adam kiretin búl departament óz qyzmetine jana jyldan bastap kirisetin kórinedi. «Hospodarske Noviny» gazetining derekterine sýiensek, departament anyqtaghan barlyq materialdar polisiya, Qorghanys ministrligi men arnayy qyzmet ókilderine beriletin bolady. Ásirese, ashyq derek kózderindegi (әleumettik jeliler men BAQ) propagandalyq materialdargha basa nazar audarylady eken.

Atalghan departamentting qúrylghany turaly Chehiya IIM ministri Milan Hovanes mәlimdegen. 20-qazanda Pragada ótken «Dezinformasiyagha qarsy kýres» atty konferensiyada Milan Hovanes mәlimdeme jasap, atalghan departament Chehiyadaghy әrbir smartfondy tekseretinin aitty.

Sonday-aq, NATO-daghy cheh generaly Petr Pavel atalghan departamentting qyzmeti turaly aita kelip, «әsirese eng basty qauip  Batys elderi men Ukrainagha qatysty Resey propagandasy» dedi.

2015 jyly Polisha preziydenti  Bronislav Komorovskiy Batys baspasózindegi Kremliding gibridtik shabuyldaryn qatang synaghan bolatyn.

Al Litva Parlamenti de reseylik propagandanyng qauiptiligine alandaushylyq bildirgen. Litva Memlekettik qauipsizdik departamenti atalghan maqsatta Resey biyligi jyl sayyn jýz myngha juyq euro bólip, arandatushy BAQ-ty qarjylandyryp otyrghanyn aitqan.

2016 jyly Euroodaq arnayy sayt ashyp, onda reseylik dezinformasiyalardy ashyq әshkereledi.

16-qazan kýni «The Financial Times» basylymy Resey biyligining Euroodaq elderining ishki sayasatyna aralasyp otyrghandyghy jóninde maqala jariyalady.

Ayta keteyik, Chehiyada shamamen orys tildi 30 myng azamat túrady. Elde orys tilinde aqparat taratatyn on shaqty sayt bar.

P.S. Qazaqstan auditoriyasynda emin-erkin júmys jasap jatqan qanshama reseylik BAQ bar?.. Aqparattyq kenistikting 50 payyzdan astam bóligin qúraytyn reseylik BAQ-qa qashan tyiym salynady? Búl súraqqa jauap beru ýshin bizding de Ishki ister ministrligining janynan arnayy departament qúrylghany jón dep sanaymyz.

Siz ne deysiz?

Núrgeldi Ábdighaniyúly

Abai.kz