Qazaqstan men Resey yntymaqtastyghynyng HIII óniraralyq forumynda Berdibek Saparbaev eki memleket basshylarynyng aldynda jedel sheshudi talap etetin birqatar mәseleler turaly aitty, - dep jazady "Aqtóbe" gazeti.

— Eki elding sauda-ekonomikalyq qatynastary dengeyin kóteru jәne «Batys Europa — Batys Qytay» halyqaralyq dәlizin tolyq quatynda paydalanu maqsatynda biz Resey Federasiyasy basshylyghynan atalghan avtojol qúrylysynyng  Orynbor oblysy tarapyndaghy bóligin ayaqtaudy  tezdetudi súraymyz. Búl — birinshi mәsele.

Ekinshiden, Aqtóbe men Orynbor oblystary arasyndaghy Sagharshyn ótkizu beketin keneytu kerek. Býgingi tanda búl beketten tәuligine 2 myng kólik ótedi. Qújat baqylauyn jýrgizetin bir ghana tereze júmys istep túr. Búl shekara boyynda avtokólikterding keptelisin tughyzady. Al  «Jaysan» baqylau-ótkizu punktining ótkizu qabileti biyl 2 mynnan 8 myng avtokólikke deyin úlghaydy, 3 jolaqty jol  6 jolaqqa keneytildi, — dep atap kórsetti oblys basshysy.

Oblys әkimi kótergen   ýshinshi  mәsele — maldәrigerlik jәne fito-sanitarlyq baqylaugha baylanysty. Qazaqstan men Resey shekarasynda «Rosselihoznadzor» mekemesining karantinge jatqyzyluy mýmkin  ónimder turaly   aldyn ala habarlaytyn   punktteri júmys isteydi. Alayda, Berdibek Saparbaevtyng aituynsha, olardyng qúzyrettilik ayasy resmy qúqyqtyq qújattarmen naqtylanbaghan jәne rettelmegen. Naqty aitqanda, punktterde jýkterdi tekseruding aldyn ala eskertuin jýrgizu merzimi tәrtibi, talap etiletin ilespe qújattar tizimi, mýmkin bolatyn kidirister men tyiymdardyng sebepteri men merzimi belgilenbegen. Búl qazaqstandyq kәsipkerler ýshin qosymsha problemalar tudyrady.

Berdibek Saparbaev Memleket basshysy men Ýkimet tarapynan quatty qoldau bolsa kópsalaly tranzittik joldardy odan әri damytu mýmkindigi bar ekendigin de atap kórsetti. Ásirese «Núrly jol» auqymdy memlekettik baghdarlamasy ayasynda jýzege asyrylatyn «Aqtóbe – Atyrau – Astrahan RF shekarasy», Qytay Halyq respublikasy Eksim Banki nesiyesin tartu arqyly «QazAvtoJol» ÚK» AQ-men birlesip qolgha alynghan «Aqtóbe – Orsk», Astanany elimizding batys aimaqtarymen qosatyn «Ortalyq – Batys» joldary ekonomikamyzgha orasan zor payda әkeler edi.

Berdibek Saparbaev sonday-aq Aqtóbe oblysynyng ýstimen ótetin «Jezqazghan – Beyneu» temirjol jelisining Europa, Aziya jәne Parsy shyghanaghy naryqtaryna ontayly shyghugha mýmkindik beretinin, jyldyng sonyna deyin «Qytay – Europa – Qytay» baghyttary boyynsha 100 myng konteyner tasymaldanuy josparlanyp otyrghanyn da aityp ótti. Búl — 2011 jylghy dengeymen salystyrghanda 100 ese kóp.

Elbasy jýk tasymaly kólemin, onyng ishinde birinshi kezekte  tranzitti jýk tasymaly kólemin barynsha  úlghaytu ýshin barlyq jaghdaydy  jasaugha tapsyrma berdi.

— Eki jaqtan da kedergi keltiretin әkimshilik proseduralardy qarap, sheshuge úmtyluymyz kerek. Búl turaly býgin Aqtóbe oblysynyng әkimi Berdibek Saparbaev aitty. Birynghay ekonomikalyq odaqta ornalasqan biz ýshin ózara sauda barysynda proseduralardyng ashyqtyghy, rәsimdeuding ontaylylyghy qajet. Kedendik shekaralarymyz da ortaq bola túra, sheneuniktik talaptardan tuatyn kedergilerge jol beruimiz tipti úyat. Biz búl mәseleni sheshemiz dep oilaymyn. Sonday-aq bir-birimizding kóliktik infraqúrylymdarymyzgha qoljetimdiligimiz mәselesi de kóterildi. Búl da retteuge bolatyn mәsele, bizding tarapymyzgha qatystylaryn Qazaqstan ýkimeti jedel qarap, әriptestermen birge sheshimin tabuy tiyis, — dedi Qazaqstan Preziydenti.

Al Resey Federasiyasynyng Preziydenti Vladimir Putiyn:

— Resey men Qazaqstan Europa men Aziyanyng sauda torabynda ornalasqan. Bizding kedendik shekaramyz ortaq. Avtokólik pen tarmaqtalghan temirjol jýiesi bar. Alayda búl zor әleuetti tiyisinshe paydalanyp otyrghan joqpyz. Qazaqstan tarapynan jol salynghan, ókinishke qaray, bizding jaqtan әli salynbaghan. Ótkizu beketi de tar. Ol bizding tolyqqandy júmys isteuimizge mýmkindik bermey otyr.  Búl mәseleni sóz jýzinde qaldyrmay, tize qosyp júmys isteu kerek.  Jýk tasymaly erejesi men logistikalyq qyzmetti birynghaylandyru qajet, — dep ortaq mәselege ong kózqarasyn bildirdi.

Abai.kz