Biyl jyldyng qorytyndy esebi boyynsha, Ontýstik Qazaqstan oblysynyng әkimi tapsyrmasymen mal sharuashylyghyn damytudyng 2014-2016 jyldargha arnalghan is-shara jospary pysyqtaldy. Oblystyq Auyl sharuashylyghy basqarmasy, Kәsipkerlik jәne industrialdy-innovasiyalyq damu basqarmasy jәne «Maksimum» aimaqtyq investisiyalyq ortalyghymen birlese dayyndalghan qújat aimaqtaghy mal sharuashylyghyn damytugha tyng serpin bermek. Búl turaly OQO әkimdigining baspasóz qyzmetine silteme jasay otyryp, «Abay aqparat» portaly  habarlaydy.  

«Ontýstik Qazaqstan oblysynda etke degen qajettilik jylyna 90 myng tonna, al sýtke súranys 450,7 myng tonnany qúraydy. Býgingi tanda múnday qajettilik qanaghattandyrylghanymen, halyq sanynyng artuyna baylanysty mal sharuashylyghy ónimderine degen súranys ósip keledi. Onyng ýstine, oblystyng әleumettik-ekonomikalyq damuy ýshin et ónimderin respublikanyng basqa oblystaryna, shetelderge eksporttau ýlken manyzgha iye», — delingen baspasóz habarlamasynda.

Jeltoqsan aiyndaghy mәlimetterge, qaraghanda, oblysta qayta óndeu boyynsha «FoodMaster» AQ, «Atameken» JShS, «Sayram sýt» JShS siyaqty jalpy sany 31 kәsiporyndar shoghyrlanghan. Onda jalpy oblysta óndiriletin 653 myng tonna sýtting 22,8 payyzy qayta óndeledi.  Al ýsh taraptan әzirlengen baghdarlama negizgi ýsh baghytta jýzege asatyn bolady. Olardyng qataryna oblysta bar sýt tauarly fermalardyng mal basyn asyldandyru, shaghyn ýlgilik-otbasylyq fermalardy úiymdastyru, iri qara mal bordaqylau alandaryn qúru siyaqty is-sharalar enip otyr. Búl is-shara josparyn qarjylandyrudyng negizgi qarjylyq operatory qyzmetin «Maksimum» aimaqtyq investisiyalyq ortalyghy men «Yrys» shaghyn nesie úiymy arqyly jýzege asyratyn bolady. Búl rette «Maksimum» ortalyghy arqyly 4 mlrd. tenge kóleminde qarajat qarastyrylghany belgili boldy.  Oblystyng ekonomikasy ýshin manyzdy sanalatyn jospardy jýzege asyru arqyly jyl sayyn 9,1 mlrd. tengeni qúraytyn mal sharuashylyghy ónimderin óndiru mýmkindigi tuady.

Abai.kz