Ordabasy audanynda auylsharuashylyghy maqsatyndaghy traktor qúrastyrylatyn boldy degen aqpargha alghash kópshilik onsha ilana qoymaghan bolatyn. Búl da bir «jarnamasy jer jarghanymen, jórgeginde túnshyghatyn joba» dep oilaghanyn nesine jasyramyz. Biraq, búl ertegi emes eken. «Kazkiotiy» zauytynyng óndiris jónindegi jauapty qyzmetkeri Núrlan Satybaldiyev Ontýstik Koreyalyq kompaniyamen birlesip iske asyrghan zauyttyng qúrylghylaryn koreyalyq mamandar ornatyp, qalay júmys isteu kerektigin ýiretip ketkenin aitty. Búl jaqtyng mamandary da Koreyagha baryp, 2-3 ay sonda oqyp kelgen. Zauyt iske kiriskeli beri 98 traktor qúrastyryp, satylghan. Ázirge traktordyng ýsh týrli markasy qúrastyryluda. Onyng eng quaty tómenining 60 attyq kýshi bar bolsa, odan keyingisi – 76 jәne 100 attyq kýshi bar tehnikalar. «Jana jyldan keyin 160 jәne 230 attyng kýshi bar tehnika qúrastyru josparlanyp otyr. Osy maqsatta Týrkiya men Reseyden qúrylghylargha tapsyrys bergenbiz. Olar kelse, tehnikanyng týri taghy kóbeyedi. Traktorlarymyz auylsharuashylyq júmystarynyng barlyghyna da qolayly, keshendi esepteledi. Sýt óndiretin, qús fabrikalary da arnayy tapsyryppen istetti. Týrkistan, Maqtaral jaqtan tapsyrys kóp», - deydi Núrlan Satybaldiyev.

Zauytta qazir 33 adam bar júmys istep jatsa, túraqty iske kirisken jaghdayda júmysshylar sany 76-gha jetedi. Jalaqylary – 60-140 myng tengening aralyghynda. Barlyghy da auyldyng adamdary. Dәnekerleushi, elektrik degen sekildi mamandar ghana Shymkentten qatynap isteydi. Búl maqsatta zauyttan kólik qaralghan, týski astary da kәsiporyn esebinen.

Kәsiporynnyng quattylyghy jylyna eki myng traktor qúrastyrugha layyqtalghan. Tehnikalardyng baghasy 24-28 myng AQSh dollary aralyghynda. Sapasy jaqsy, ishinde bar jaghday jasalghan, jeldetkishine deyin bar. Búzylghan jaghdayda servis ortalyghy júmys isteydi. Ýsh jylgha deyin kepil beriledi. Búzylsa, qosalqy bólshekterin aparyp, jóndep beredi. Zauyt ókilderi traktordyng negizi ýsh jylgha deyin búzyla bermeytinin aityp otyr. Aldaghy uaqytta traktor kóptep shygharyla bastasa lizingke de satu josparda bar eken.

Abai.kz