Resey Preziydenti Vladimir Putin Orys geograftary odaghynyng saltanatty jiynynda sóz sóilepti. Sóilegende de satiralatyp, sala qúlash sóilepti.

Putin Orys geograftary odaghynyng laureattaryn marapattau rәsiminde 9 jasar Miroslav pen 5 jastaghy bilgir Timofeyding geografiyalyq bilimin bir synap, artynsha ózi de әzil-shyny aralas biraz sóz aityp qalypty.

Geografiyany shemishkedey shaghatyn Miroslavtan Resey shekarasynyng qay jerde ayaqtalatynyn súraydy. Preziydentining aldynda emtihan tapsyryp túrghan Miroslav shekaranyng Bering búghazy men AQSh shekarasymen ayaqtalatynyn aitady.

Sonda Soltýstikte kórshimiz bolyp otyrghan Vladimir Putin «Reseyding shekarasy esh jerden ayaqtalmaydy» dep kýledi. Artynsha «búl qaljyn» degendi qosa aitqan.

Resey Preziydentining AQSh әm Europa elderimen arasy ala ekeni belgili. Resey Preziydentining imperialistik qúndylyqtaryna, agressorlyq sayasatyna des berip otyrghan sanauly el bar.

Sanksiyanyng tópesinde qalghan Putinning әzili sol Batysqa kórsetken dónaybaty, dәlirek aitsaq túyaq serpilisi degenimizben, geosayasatta búl – agressorlyq. Ásirese shekarany sheksiz degendi basqa-basqa emes Reseyding Preziydenti aitty.

Qazaqstan shekarasynyng jalpy úzyndyghy 13394 km. Onyng tenizben (Kaspiy) jýrip ótetin túsy 2000 km-den astam. Qazaqstan batysta, soltýstik-batysta jәne soltýstikte 7591 km Reseymen shektesedi.

Sondyqtan Qazaqstan men Reseyding arasyndaghy shekara qúrlyqtaghy eng úzyn shekara bolyp esepteledi. Al Memleket shekaradan bastalatynyn Putin bilmeydi emes, biledi. Oinasa da oiyndaghysyn aitty. «Orystan dosyng bolsa, aibaltang qasynda bolsyn» degendi әste esten shygharmauymyz kerek.

Núrgeldi Ábdighaniyúly

Abai.kz